LUKAS 1:9 - KITAB NU TUMPU ALLA LELE MA'IMAI'

⁹ Ia tinompile'i ingundiakon sumo kabiasa'an anu nubau nu to ima-imam, Zakharia tiniju' da minsoop i Laigan nu Tumpu, ka' mompapui kamangian.

LUKAS 1:9 Iomraidhean Croise

1 TAWARIKH 23:13

I Amram aijo'mo na tuuma i Harun tiba i Musa. (I Harun ka' lee'nyo sampe toka sidu-sidutu' tinantukanmo samata-mata mongulus iwi-iwi' na pakakas anu opake de monsombahmo Tumpu, mompapu kamangian bau pongadati Tumpu, mombau anu nu pokauhakon nu Tumpu ka' mombalakati mian da'isan i uno nu sanggo nu Tumpu.

1 TAWARIKH 6:49

I Harun lee'nyo kalajanyo nu aha mompapui kamangian, monsombahkon koloban anu opotunu i mezbah, mombau apa-apaa na anu o kalaja i Salipi' anu Susi' hondo, ka' monsombakon koloban bau pongalini dosa' nu aha mian nu Israel. Iwi-iwi' aijo' nubau nu aha susumo anu pinotiju'mo i Musa posaihon nu Tumpu aijo'.

2 TAWARIKH 26:16

Salatan i Tomundo Uzia dinaka'mo na kakuasaannyo, ia sinombongmo ka' aijo'mo na nonsaduakon sahingga ia sinilakamo. Ia nolanggaimo palentah nu Tumpu Allahnyo kalana nompinsopimo Laigan nu Tumpu ka' nompapuimo kamangian i mezbah i tampat nu kamangian.

2 TAWARIKH 29:11

To ana-anaku, bolimo montanda'i pipiin, kalana belemiumo na pinile'an nu Tumpu da monsombah ka' palesaya hi ia ka' mule' mompapu kamangian ka' mongatun mian da'isan da monsombah Tumpu.”

NOMBILANGMO 16:40

Aijo' baumo pompo'ingat bansa Israel saba' de misa' lee' i Harun madi' timbali ko samian pe'e toka i mezbah da mompapu kamangian ka' osombahkon hi Tumpu. Mian anu molanggai atulan aijo' opateimo susumo i Korah tiba anu monsangaja'imo ia. Iwi-iwi' aijo' binaumo susumo anu pinalentahkonmo nu Tumpu hi Musa ka' pinoto'inyomo hi Eleazar.

MATIUS 27:5

I Yudas nolumbu'akon doi i uno nu Laigan nu Tumpu, lantas namba ka' nonsegotmo butong, ka' natikalayo'.

IBRANI 9:6

Sumo aijo' na nongatun iwi-iwi'. Toka sansina-sinaa to ima-imam minsoop i unonyo sasu ahopnyo nu kemah aijo' mombau kalaja nu aha.

1 SAMUEL 2:28

Iwi-iwi' na tulunan nu bansa Israel olamo aha sa'anakan na pinile'an-Ku da timbali imam-Ku, anu mokalaja i mezbah, mompapu kamangian, ka' mompusok baju nu imam de motataemo mae hi belengku. Ka' hi aha, ka' mule' lee' nu aha binee'an-Kumo hak mongala sambagian koloban anu osombahkon anu tinunuanmo i mezbah aijo'.