LUKAS 1:76 - KITAB NU TUMPU ALLA LELE MA'IMAI'

⁷⁶ Beleyum, oanakku tionyo osanggohi nabi Tumpu Anu Matangkas na Kuasanyo. Beleyum na momonanyo sinai nu Tumpu da momposadia jalanan-Nyo,

LUKAS 1:76 Iomraidhean Croise

MAZMUR 87:5

Mian motataemo hi Sion, tukoonyo iwi-iwi' na bansa minsoopmo gampanyo ka' Anu Matangkas na Kuasanyo na nontantukanmo ia.

MALEAKHI 3:1

Tinaaman nu Tumpu Anu Daka' na Kuasanyo, “Ku saimo na anu Ku utus da momposadia jalan anu bau kajalanan-Ku. Sahingga monti-montiik Aku, Tumpu anu olio-lio nu belemiu tokamo i uno nu Laigan-Ku. Anu Ku utus o'i-o'indi nu belemiu aijo' tokamo mae lantas mombebakonmo palajanjian-Ku.”

MALEAKHI 4:5

Panyo ma'isa pe'e sinaanyo anu opalias ka' mule' anu okabuhuk aijo' titinantukan-Kumo tokamo mae, Ku palentah pe'e mamba hi belemiu na i Nabi Elia.

MATIUS 14:5

Sabenannyo i Herodes mongka'oho' mompatei i Yohanes, panyo ia mabuhuk hi to mia-mian, kalana aha monsangka i Yohanes nabi.

MATIUS 21:26

Panyo de o taeakonto, ‘Tiba hak nu mian,’ kita mabuhuk hi mian da'isan, kalana aha iwi-iwi' monsangka i Yohanes samian na nabi.”

MATIUS 3:11

Aku mompalamandikan komiu nu uee da momponyata' saba' komiu binala tobatmo i dosa-dosa' miu; panyo lapas na aku tokaje mae na anu mompalamandikan komiu nu Roh nu Tumpu tiba apu. Ia lebe daka' molingkudui aku. Ka' momboa sapatu-Nyo pe'e aku madi' pantas.

MATIUS 3:3

I Yohanes aiyamo na anu koonyo i Nabi Yesaya i uno nu potataenyo, “Daagi' ko mian anu saja' noloboo' i padang bone', ‘Posadiakon na jalan nu Tumpu; pohatakon na jalan hi Ia.’ ”

MARKUS 11:32

Panyo susa' hondo na motatae, ‘Tiba hak nu mian.’ ” Kalana aha mabuhuk hi mian da'isan, kalana iwi-iwi' na mian monsangka i Yohanes samian na nabi.

LUKAS 1:32

Ia saidi' mae bau kasanggoan ka' osanggohi Anak nu Tumpu Allah anu Matangkas na Kuasa-Nyo. Tumpu mompotimbali Ia Tomundo, sumo i Tomundo Daud, kampue'-Nyo mae.

LUKAS 1:35

Tinaaman nu malaikat aijo', “Roh nu Tumpu tokaje hi beleyum, ka' kuasa nu Tumpu monjagaije beleyum. Mokonyo sumo aitu, anak anu o hampe'akonto atina' osanggohi Susi', Anak nu Tumpu.

LUKAS 6:35

Sepantasnyo misa' sumo aijo'! Komiu ola ahi' mongkalibosi sampo bali'um, ka' mombau anu ma'ima' hi aha. Komiu tionyo momposabon ka' boli montaha'imani po'ule' osule'akon. Desumo aitu tamboum daka' ka' komiu timbali to ana-anak nu Tumpu Anu Matangkas na Kuasanyo. Kalana Tumpu manonong na kinyonyoanyo hi mian anu madi' monsumbu' momoita talima kaseh, ka' suele hi anu ma'idek.

YOHANES 1:23

I Yohanes nontaami, “Akumo na ia anu titinaloakon i Nabi Yesaya: ‘Mian anu noloboo' i padang bone': Pohata na jalan da bau kajalanan nu Tumpu.’ ”

YOHANES 1:27

Aku tinoka momona, Ia imihije, panyo mombukai pomputi nu sapatu-Nyo pe'e, aku madi' pantas.”

YOHANES 3:28

Posi komiu nohongomo aku notatae, ‘Aku misa' Tomundo anu Momposalamat. Aku sinai mamba momona, Ia imihije.’

SISIKON NU TO RASUL-RASUL 16:17

Boune aijo' saja'mo nombatuki i Paulus ka' kami saja'mo moloboo'akon, “Mian haha aiya posaihon nu Tumpu anu Daka'! Aha tinoka da mompoto'iakon hi to Utu-utus mosia na jalannyo komiu timbali salamat!”