LUKAS 1:70 - KITAB NU TUMPU ALLA LELE MA'IMAI'

⁷⁰ Naipuan mae nompake to nabi-nabi anu pinile'an-Nyo, Tumpu nombee'mo anu jinanji'-Nyo

LUKAS 1:70 Iomraidhean Croise

KAJADIAN 12:3

Ku balakatije na to mia-mian anu mombalakati beleyum ka' mongkutuki to mia-mian anu mongkutuki beleyum. Ka' kalana beleyum Ku balakatije na bansa iwi-iwi' i dunia.”

KAJADIAN 3:15

Oko ka' boune aijo' saja' mompaha ka'i-ka'ideki, lee'nyo ka' lee'um saja' mompahabali'. Lee'nyo mohansuni ubakum ka' oko monsa'u pantigan nu aha.”

KAJADIAN 49:10

I Yehuda na montoongi tokon nu tomundo da mompalentah, lee'nyo na mompalentah sampe toka sidu-sidutu'. To bansa-bansa momboa hasin, ka' monsombah i ahopnyo kalana ia okabuhuk.

2 SAMUEL 23:2

Roh nu Tumpu Allah notataemo hi belengku da opotokakon; potuunon tiba palentah-Nyo aiya i biwingku.

YEREMIA 23:5

Tumpu notatae, “Tokaje mae na tempo'nyo, Ku hangkatje na tomundo' samian anu adil lee' mae i Daud. Tomundo' aijo' saidi' mae pande na mompalentah ka' apa-apaa na obau saja' adin ka' saja' totu'u isongko-songko na lipu'.

YEREMIA 30:10

Mian anu palesayamo hi beleng-Ku aha Israel, boli mabuhuk! Posaihon-Ku i Yakub boli langkakatan! Belemiu tiba lee' nu belemiu Ku posalamatmo lengkat mae ilipu' anu majo'on, tampat pinomboan belemiu. Belemiu minsusule'mo ka' jojoongmo ilipu' nu belemiu ka' madi'mo ko anu mompoposia. Belemiu tumuu'mo sanang; madi'mo daagi' ko anu okabuhuk nu belemiu.

MARKUS 12:36

Padahan posi i Daud – kalana binee'anmo balakat nu Tumpu Allah – notatae, ‘Tumpu, notatae hi Tumpungku: suhangmo i sasu koanan-Ku sampe Aku mombau to sampo-sampobali'-nu Belento minsuuluk hi Belento’.

LUKAS 24:44

Lapas aijo' Ia notataemo hi aha, “Aiyamo na hahan anu pinoto'ingkumo hi komiu tempo'nyo Aku daagi' nojajalan tiba komiu: tukoongku apa-apaa na anu tinulis mongkona Aku i uno nu Kitab-kitab i Musa, to Nabi-nabi, ka' Mazmur, tionyo timbali.”

SISIKON NU TO RASUL-RASUL 28:25

Kalana pikilan anu madi' mompahakona aha nompala'imo tampat aijo', salatan i Paulus nontaeakonmo sumo aijo' hi aha, “Memang kona hondo apaa na anu tinaeakonmo nu Roh nu Tumpu hi Nabi Yesaya kona hi mompolee' nu belemiu!

ROMA 1:2

Lele Ma'ima' aijo' jinanji'mo nu Tumpu daagi' pe'e naipuan mae sinisikakonmo nu to nabi-nabi-Nyo ka' tinulismo i uno nu Kitab nu Tumpu.

IBRANI 3:7

Kalana aijo', susumo koo-Nyo nu Roh nu Tumpu, “De sinaa aiya komiu mohongomo potatae nu Tumpu, bolimo komiu panggaga, susumo mompolee' miu, tempo'nyo aha notomuhukmo hi Tumpu, ka' nonsobaimo Tumpu i padang bone'.

1 PETRUS 1:12

Hi to nabi-nabi haha aijo' Tumpu nompoto'imo tukoonyo apaa na anu nubau nu aha misa' bau kapentingan nu aha, panyo bau kapentingan nu belemiu; atina'mo hahan anu tempo' uuka aiya i hongomo komiu mana-manasa hi to mia-mian anu nompolelemo Lele Ma'ima' mongkona i Yesus Kristus. Aha nomposumbu' hahan aijo' hi belemiu kalana kuasa nu Roh nu Tumpu anu sinai-Nyo mae lengkat i suluga'. To mala-malaikat pe'e mongkahanda'i suele da monsumbu' lele anu nu polele nu aha aijo'.

2 PETRUS 1:21

Kalana, madi' toho' potuunon nu Tumpu opolele ola kalana pongka'oho' nu mian. Panyo Roh nu Tumpu na mongkuasai mian da mompotokakon potuunon anu lengkat mae hi Tumpu Allah.

2 PETRUS 3:2

Ku poto'i da belemiu monginau' iwi-iwi' na potatae anu naipuan mae tinaloakonmo nu to nabi-nabi nu Tumpu, ka' palentah suele lengkat mae hi Tumpu, Tomundo anu Momposalamat, anu pinotokamo hi belemiu nu to rasul-rasul.

ANU PINOTO'I HI YOHANES 19:10

Aku dinumaladupu i ahop nu malaikat aijo' kahanda' monsombah ia, panyo ia notatae mae hi belengku, “Boli! Boli monsombah aku, sombahmo na Tumpu! Kalana aku mule' posaihon sumo beleyum ka' sumo to utu-utusum iwi-iwi' anu nintoongmo dodo-dodo i potatae anu sinisikmo i Yesus!” Kalana apaa na anu pinoto'imo i Yesus aijo'mo na anu mombee'i to mia-mian da moko ala monsisikakon hahan anu tokaje mae.