LUKAS 1:6 - KITAB NU TUMPU ALLA LELE MA'IMAI'

⁶ Kantumuu'an moto bengkele' aijo' momposanang kinyonyoa nu Tumpu. Ua-ua'aha tulut hondo i palentah ka' Atulan nu Tumpu Allah totu-totu'u.

LUKAS 1:6 Iomraidhean Croise

KAJADIAN 17:1

Salatan umun i Abram siniompulu'mo ka' osio' na taun, Tumpu nanintoamo hi ia ka' notatae, “Akumo na Tumpu Allah Anu Daka' hondo na kuasanyo. Otuluti na Aku ka' saja' obau na pongka'oho'-Ku.

KAJADIAN 6:9

Aiya na sisikon mongkona i Nuh. Ia kino anak mo'ane aha totolu', aitumo, i Sem, i Ham, ka i Yafet. I Nuh madi' nombau kasala'an ka' ola sa'a-sa'angu'nyomo ia na mian anu ma'ima' na kinyonyoanyo tempo'nyo aitu. Kantumuu'annyo mompaha kona hondo tiba Tumpu Allah.

KAJADIAN 7:1

Lantas notataemo na Tumpu hi Nuh, “Ku toa na beleyum montuluti pongka'oho'-Ku. Jadi, pinsoopmo i uno nu kapan atina' tiba bengkele' nu beleyum ka' to ana-anak nu beleyum.

1 TOMU-TOMUNDO' 15:5

Tumpu nombaumo sumo aijo' kalana i Daud nomposanangmo kinyonyoa-Nyo. I Daud madi' toho' nolanggai palentah nu Tumpu iwi-iwi', ola daagi' kino minsan palakala tiba i Uria mian nu Het aijo'.

1 TOMU-TOMUNDO' 9:4

De totu-totu'u na kinyonyoa nu beleyum palesaya hi beleng-Ku hodi' totu-totu'u na kinyonyoa nu beleyum susumo tuuma nu beleyum i Daud, ka' beleyum montuluti totu-totu'u atulan-Ku ka' palentah-ngku haha aijo',

2 TOMU-TOMUNDO' 20:3

“O Tumpu, inau'akon mae na aku aiya anu nokalajamo ma'i-ma'ima' hi belento, ka' aku madi' lewa' tinageo' na kinyonyoa.”

2 TAWARIKH 17:4

panyo monsombah Tumpu Allah. Ia montuluti iwi-iwi palentah nu Tumpu Allah, ka' kantumuu'annyo madi' sumo to tomu-tomundo nu Israel.

AYUB 1:1

I tano' Us daagi' ko samian na mo'ane anu jinojoong sanggonyo i Ayub. Ia nonsombah Tumpu Allah ka' montuluti hondo Ia. Ia mian anu ma'ima' hondo na kinyonyoanyo ka' madi' hondo lewa' mombau anu ma'idek.

AYUB 1:8

Lantas pinokilawamo nu Tumpu, “Pa' totu-totu'u tinoamo nu beleyum na mianku i Ayub? I dunia aiya songko-songko madi' ko mian anu ma'ima' na kinyonyoa sumo ia. Ia monsombah Aku ka' totu-totu'u madi' lewa' mombau anu ma'idek.”

MAZMUR 119:6

De ku palahatikan na palentah nu Belento iwi-iwi', saba' aku madi'mo mohumpak ambang.

LUKAS 1:7

Aha madi' kino anak, sabab i Elisabet lengke' tiba mule' ua-ua'aha binengkele'mo ka' i langkai'mo.

LUKAS 16:15

Panyo i Yesus notatae hi aha, “Komiumo na mian de i ahop nu san-samianan otoa totu'u, panyo Tumpu monsumbu' isi nu kinyonyoaum. Kalana apaa na anu osangka matangkas nu mian, nutoa nu Tumpu heede'.

LUKAS 2:25

Tempo'nyo aijo' i Yerusalem daagi' ko samian sanggonyo i Simeon. Ia mian anu ma'ima', anu mabuhuk hi Tumpu, ka' hau-haunyo montanda'i tempo'nyo Tumpu momposalamat Israel. Roh nu Tumpu monsangalui ia,

SISIKON NU TO RASUL-RASUL 2:25

Mongkona i Yesus aiya, i Daud toho'mo notatae, ‘Aku montoa Tumpu saja' i ahopku; Ia saja' i sohipi'ku, da aku madi' nugeleguda nu mau mule' apaa.

SISIKON NU TO RASUL-RASUL 23:1

I Paulus nontonto'i to pangka-pangkat nu Mian Kopian Daka' nu Agama aijo', lantas notatae, “To Utu-utusku! Toka sinaa aiya aku madi' mongoa'i ko sala'nyo hi Tumpu i uno nu kinyonyoangku mongkona kantumuu'anku.”

SISIKON NU TO RASUL-RASUL 24:16

Mokonyo aijo' aku saja' bala usaha ima-ima', da kinyonyoangku belesi hi Tumpu, ka' belesi hi sangko mian.

SISIKON NU TO RASUL-RASUL 8:21

Beleyum madi' ko hak mombatuki pakalaja'an mami, kalana kinyonyoaum madi' totu'u hi Tumpu.

ROMA 8:4

Binau nu Tumpu sumo aijo' da pongka'oho'-Nyo anu pinoto'inyo i atulan nu agama Yahudi aijo' timbali ojalanakon i uno nu butong anu tumuu' mombatuki pongka'oho' nu Roh nu Tumpu Allah, ka' misa' mombatuki sipat nu mian.

1 KORINTUS 11:2

Kupuji' na komiu kalana komiu saja' monginau' aku, ka' mohongo-hongo pokinde' anu binee'kumo hi komiu.

2 KORINTUS 1:12

Kami sanang kalana kinyonyoa mami na mompohoson kami, saba' kantumuu'an mami i dunia aiya – anu talalo hondo pompahasumbu'an mami tiba kita Utus – pinojalanmo mami ma'i-ma'ima' ka' sahondo-hondonyo. Kami nombau aijo' misa' kalana kapandean nu mian, panyo kalana kahosonan anu binee' nu Tumpu Allah.

PO'ULE' INGULIT 5:33

Bau iwi-iwi' apaa na anu pinalentahkonmo nu Tumpu Allah nu belemiu hi belemiu da belemiu mohumpak ka'ima'an ka' moko ala tataap i lipu' anu saidi' mae o jojoongimo nu belemiu.”

FILIPI 2:15

Tiba jalan anu sumo aijo', komiu mompotoamo saba' komiu to ana-anak nu Tumpu anu madi' ko alunyo, anu tumuu' madi' baleko' ka' madi' geguan hi aha mian anu ma'idek ka' baladosa'. Ka' de komiu monsisikmo hi aha lele anu mombee'i kantumuu'an, tionyo ahi' komiu toka hi aha timbali sumo jingka anu jongkilaban monjingkai dunia. De komiu tumuu' sumo aijo', atina'je ka' aku mongoa'i sanang hi komiu de tempo'nyomo i Yesus Kristus mompo'ule'mo toka. Aijo' na bukuti'nyo saba' usahangku madi' pinalasuma ka' usahangku kino hasinnyomo.

KOLOSE 1:22

Panyo uuka aiya Anak-Nyo sinilakamo kalana Tumpu nombaumo da pompahasumbu'an miu tiba Ia timbali mompo'ule' ma'ima'. Tiba jalan aijo' komiu timbali oboa mangadap hi Tumpu i uno nu han anu susi', ma'ima' ka' madi' ko ide'nyo.

1 TESALONIKA 3:13

Tiba jalan anu sumo aijo' Tumpu mompohosonje kinyonyoa miu, sahingga komiu susi'mo ka' madi' ko alunyo i ahop nu Tumpu Tuumanto, de Tumpunto i Yesus tokamo hingga-hinggat tiba iwi-iwi' na mian anu Iamo na tumpu-Nyo.

2 PETRUS 3:14

Kalana aijo', to utu-utus anu okanonongi, hau-haunyo belemiu montanda'imo Sinaa aijo', bala usaha totu-totu'u da tumuu' susi' ka' madi' ko alunyo i ahop nu Tumpu. Ka' opokopiani ima-ima' na pompahasumbu'an tiba Tumpu.

1 YOHANES 2:29

Komiu nonsumbu'mo taalu' i Kristus titumuu'mo tulu-tulutan i pongka'oho' nu Tumpu. Kalana aijo' komiu tionyo ahi' monsumbu' suele saba' batu-batu mian anu tumuu'mo tulu-tulutan i pongka'oho' nu Tumpu, atina' anakmo nu Tumpu.

1 YOHANES 2:3

De kita tulu-tulutan hi iwi-iwi' na palentah nu Tumpu, aijo'mo na tandanyo taalu' kita nonsumbu'mo Tumpu.

1 YOHANES 3:7

To ana-anakku, boli mompobee' mau mule' ihe anu momposala' pikilan miu. Mian anu mombau pongka'oho' nu Tumpu atina'mo na anak nu Tumpu, susumo i Kristus Anak nu Tumpu.