LUKAS 1:46 - KITAB NU TUMPU ALLA LELE MA'IMAI'

⁴⁶ I Maria notatae, “Kinyonyoangku mompuji' Tumpu,

LUKAS 1:46 Iomraidhean Croise

MAZMUR 35:9

Sahingga aku montaligalaimo kalana Tumpu, kinyonyoangku ilame'mo kalana Ia nomposalamatmo aku.

YESAYA 45:25

Panyo lee' mae i Yakub saidi' mae oposalamatmo, ka' aha mompuji'mo mae Aku, Tumpu.

YESAYA 61:10

Yerusalem notataemo, “Aku i lame'mo kalana Tumpu, kinyonyoangku binilahimo kalana Tumpu. Susumo boting mo'ane ka' boune nompakemo mainan anu toto ima-ima' hondo, sumo atina'mo na Tumpu nompopusok mae hi belengku baju' kasalamatan ka' kamangan.

ROMA 5:11

Ka' lebe mule' molingkudui aijo', kita lame' kalana ka'ima'an nu Tumpu anu inyata'mo hi Tumpunto i Yesus Kristus. Kalana palesaya hi Kristus, kita uuka aiya nongoa'imo pompahasumbu'anto anu ma'ima' aijo' tiba Tumpu.

1 KORINTUS 1:31

Jadi, sumo anu tinulismo i uno nu Kitab nu Tumpu, “Mian anu mongka'oho' mombubuulakon, ola ahi' mombuulakon apaa na anu binaumo nu Tumpu.”

2 KORINTUS 2:14

Panyo talima kase hi Tumpu! Ia saja' nolaya' kami nombatuki balondaan i kamenangan i Kristus kalana kami tumuu' nosa'angu'mo tiba Ia. Tumpu nompake kami da lele mongkona i Kristus tolele sumo nohong anu monohongi iyaya mae.

FILIPI 3:3

Padahan kitamo na to mia-mian anu nontalimamo sunat anu totu-totu'u misa' aha. Kita monsombah Tumpu posi Roh nu Tumpu na nompotuka', ka' kita montalima kase kalana kita tumuu' nosa'ngu'mo tiba i Kristus Yesus. Kita madi' taha'iman i to ada-adat anu ola mombatuki kabiasa'an nu dunia.

FILIPI 4:4

O'amalakon da komiu saja' lame' kalana komiu tinumuu'mo nosa'angu' tiba Tumpu. Po'ule' pe'e kutaloakon: Obau lame-lame'!

1 TESALONIKA 5:23

O amalakon da posi Tumpuje na mombee'i kita ka'ima'an, mompotimbali komiu mian anu totu-totu'u tumuu'mo samata-mata hi Tumpu. O amalakon da Tumpu monjagai butong miu, iwi-iwi' mau mule' roh, santuu' kabai pe'e butong miu, sahingga madi' ko ideknyo de Tumpunto i Yesus Kristus mompo'ule'mo mae toka.

1 PETRUS 1:8

Komiu mongkalibosi Ia mau mule' naipuan mae komiu madi' nontoa Ia. Ka' komiu pinalesayamo hi Ia mau mule' uuka aiya komiu madi' nontoa Ia. Mokonyo aijo' komiu lame' ka' mongoa'i kasanangan anu daka' ka' anu madi' opoko taloakon.