LUKAS 1:32 - KITAB NU TUMPU ALLA LELE MA'IMAI'

³² Ia saidi' mae bau kasanggoan ka' osanggohi Anak nu Tumpu Allah anu Matangkas na Kuasa-Nyo. Tumpu mompotimbali Ia Tomundo, sumo i Tomundo Daud, kampue'-Nyo mae.

LUKAS 1:32 Iomraidhean Croise

2 SAMUEL 7:16

Beleyum saja' mohumpak lee' ka' Ku pojadije na kalajaan nu beleyum sampe toka sidu-sidutu'. Lee' nu beleyum samian sampe toka sidu-sidutu' na mompalentah salaku tomundo'.’ ”

MAZMUR 132:11

Tumpu binasumpa'mo hi Daud; Ia madi'mo mompojalo anu jinanji'-Nyomo. Ia notatae, “Samian na anak nu beleyum Ku potimbalimo tomundo', da mompalentah mombolosakon beleyum.

MAZMUR 132:12

De to ana-anak nu beleyum tulu-tulutan hi apaa na anu jinanji'-Kumo, ka' montuluti iwi-iwi' na palentah-ngKu, sahingga sampe toka sidu-sidutu' na lee' nu aha mombolosakon beleyum salaku tomundo'.”

YESAYA 16:5

Lapas aijo' samian na lee' mai i Daud timbalimo tomundo' ka' mompalentahmo bansanyo ka' saja ahi ko kalibosan ka' ule' madi' geguan. Ia na montoongi ahi' ka adilan ka' mule' malia' ahi' na bala ulusan mombau anu sahondo-hondonyo.)

YEREMIA 17:25

De belemiu totu-totu'u ahi' montuluti sinin na palentah-ngKu aijo', saba' to tomu-tomundo' tiba anu singkap ko pangkatnyo mompalentah susumo i Daud na minsoop isabatan daka' nu kota' Yerusalem. Aha tiba mian nu Yehuda ka' mule' mian anu jojoong i Yerusalem saidi' mae monsake'imo kareta nunu hela' nu ajahan sahingga kota' Yerusalem jadimo lame' hondo.

DANIEL 2:44

Tempo'nyo tomundo' haha aijo' mompalentah Tumpu i suluga' nompotinjomo sa'angu' na kalaja'an anu timbali totahan sampe toka sidu-sidutu' ka' anu madi' nu poko ala nu patundu' nu bansa maumo pa' iyamae. Kalaja'anmo ai-aijo' na mohansuni iwi-iwi' na kalaja'an sangga'at haha aijo'.

MATIUS 1:1

Aiyamo na daputan nu mompolee' i Yesus Kristus, tulunan i Daud, tulunan i Abraham. Lengkat mae hi Abraham tinoka hi Daud, sanggo-sanggo nu mompolee' i Yesus Kristus sumo uuka:

MATIUS 12:42

I Sinaa Kiamat, tomundo boune lengkat mae i tano' sasu Salatan, saidi' mae po'ule' tumuu' tiba to mia-mian tempo' uuka aiya ka' montutuk aha. Kalana da mohongo pangajalan i Salomo anu pande, tomundo boune aijo' nambamo itano' anu majo'on hondo lengkat i puus nu tano'. Panyo i aiya tempo' uuka daagi' ko anu daka' molingkudui Salomo!”

MATIUS 28:18

I Yesus nongohani aha ka' notatae, “Iwi-iwi' na kuasa i suluga' ka' i dunia aiya binee'mo hi beleng-Ku.

MATIUS 3:11

Aku mompalamandikan komiu nu uee da momponyata' saba' komiu binala tobatmo i dosa-dosa' miu; panyo lapas na aku tokaje mae na anu mompalamandikan komiu nu Roh nu Tumpu tiba apu. Ia lebe daka' molingkudui aku. Ka' momboa sapatu-Nyo pe'e aku madi' pantas.

MARKUS 14:61

Panyo i Yesus ola nomohokot. Ia madi' nontaami mau pe'e pa' apaa. Lantas imam daka' aijo' po'ule' nompokilawa minsan hi Ia, “Te Beleyum Tomundo' anu Momposalamat, Anak nu Tumpu anu talalo Susi'?”

MARKUS 5:7

Tiba potatae anu daka' ia noloboo', “Yesus, Anak nu Tumpu Allah anu Talalo Matangkas na Kuasa-Nyo! Nu posiamo na aku aiya? Tiba sanggo nu Tumpu ku poita, bolimo monsakisa aku!” (

LUKAS 1:15

Pontoa nu Tumpu ia timbali daka', ka' ia madi' monginum anggur kabai inumon anu molangui. Salatanmo pe'e i hampe, ia nu kuasai nu Roh nu Tumpu.

LUKAS 1:35

Tinaaman nu malaikat aijo', “Roh nu Tumpu tokaje hi beleyum, ka' kuasa nu Tumpu monjagaije beleyum. Mokonyo sumo aitu, anak anu o hampe'akonto atina' osanggohi Susi', Anak nu Tumpu.

LUKAS 1:76

Beleyum, oanakku tionyo osanggohi nabi Tumpu Anu Matangkas na Kuasanyo. Beleyum na momonanyo sinai nu Tumpu da momposadia jalanan-Nyo,

LUKAS 3:16

Mokonyo aijo', i Yohanes notatae hi aha iwi-iwi', “Aku mompalamandikan komiu nu uee, panyo tokajemae na mian anu lebe daka' molingkudui aku. Mombukai segot nu sapatu-Nyo pe'e, aku madi' pantas. Nupalamandikanje na komiu nu Roh nu Tumpu ka' apu.

LUKAS 6:35

Sepantasnyo misa' sumo aijo'! Komiu ola ahi' mongkalibosi sampo bali'um, ka' mombau anu ma'ima' hi aha. Komiu tionyo momposabon ka' boli montaha'imani po'ule' osule'akon. Desumo aitu tamboum daka' ka' komiu timbali to ana-anak nu Tumpu Anu Matangkas na Kuasanyo. Kalana Tumpu manonong na kinyonyoanyo hi mian anu madi' monsumbu' momoita talima kaseh, ka' suele hi anu ma'idek.

YOHANES 12:34

Mian da'isan aijo' notatae hi Ia, “De koonyo nu Kitab nu Atulan mami, Tomundo' anu Momposalamat tumuu' sidu-sidutu'. Mosia ka' Beleyum timbali montaloakon Anak nu Mian tionyo ohangkat tangka-tangkas i bawo nu dunia? Ihe na Anak nu Mian aijo'?”

YOHANES 6:69

Kami pinalesayamo totu-totu'u, kalana i Tumpumo na anu susi' sinai mae lengkat hi Tumpu.”

SISIKON NU TO RASUL-RASUL 16:17

Boune aijo' saja'mo nombatuki i Paulus ka' kami saja'mo moloboo'akon, “Mian haha aiya posaihon nu Tumpu anu Daka'! Aha tinoka da mompoto'iakon hi to Utu-utus mosia na jalannyo komiu timbali salamat!”

SISIKON NU TO RASUL-RASUL 2:30

Tumpu noko bajanji'mo hi Daud, tiba sumpa', saba' sala' samian lengkat i lee'nyo ohangkatje nu Tumpu timbali tomundo. Kalana i Daud monsumbu' janji' aijo', ka' kalana ia suele nabi,

SISIKON NU TO RASUL-RASUL 2:36

Aijo' na sababnyo iwi-iwi' mian nu Israel tionyo monsumbu' totu-totu'u saba' i Yesus anu sinalibmo miu aijo', i Yesus ati-atina'mo na anu pinotimbalimo nu Tumpu, timbali Tumpu ka' Tomundo anu Momposalamat!”

SISIKON NU TO RASUL-RASUL 7:48

Panyo Tumpu anu Matangkas na Kuasanyo madi' jojoong i uno nu laigan anu obau nu mian; kalana i uno nu kitab nu nabi tinulismo sumo uuka,

ROMA 1:4

panyo salaku Tumpu Ia memang Anak nu Tumpu. Aijo' nyata' i kuasa anu madi' ko gampanyo kalana mau sinilakamo na Ia panyo po'ule' tinumuu'.

ANU PINOTO'I HI YOHANES 3:7

“Toka hi malaikat anu kiijo' hi jama'at nu Filadelfia, tulismo sumo uuka: Aiyamo na potuunon lengkat mae hi Ia anu susi', ka' anu tumuu' kopian. Gunsing i Daud Ia na montoongi; de Ia na montuhea'akon madi' ko samian pe'e na timbali montumban, ka' de Ia na montumban, madi' ko samian pe'e na timbali montuhea'akon.