LUKAS 1:15 - KITAB NU TUMPU ALLA LELE MA'IMAI'

¹⁵ Pontoa nu Tumpu ia timbali daka', ka' ia madi' monginum anggur kabai inumon anu molangui. Salatanmo pe'e i hampe, ia nu kuasai nu Roh nu Tumpu.

LUKAS 1:15 Iomraidhean Croise

KAJADIAN 12:2

Ku ponjoo'je na lee' nu beleyum ka' aha timbalije bansa anu daka'. Ku balakatije na beleyum ka' mompotimbali sanggo nu beleyum talasanggo, sahingga beleyum timbalije balakat.

KAJADIAN 48:19

Panyo ginagakon nu tuumanyo, ia notatae, “Ku sumbu', na anakku, ku sumbu'. I Manasye timbali daka' na kuasanyo ka' lee'nyo timbali bansa anu manjoo'. Panyo utusnyo ise' na lebe daka' na kuasanyo molingkudui ia ka' lee' nu utusnyo ise' aijo' timbali to bansa-bansa anu manjoo'.”

1 TAWARIKH 17:8

Aku nontulungimo beleyum maumo pa' moya na beleyum mamba, ka' iwi-iwi' na sampo bali' nu beleyum Ku pateimo de beleyum mahampatemo. Beleyum Ku potimbalimo da talasanggo susumo to pola-polaya' anu talasanggo i dunia.

1 TAWARIKH 29:12

Iwi-iwi' na kakaya'an ka' kabilahian nolengkat mae hi belento; iwi-iwi' nu kuasai nu Belento nu kahosonan ka' kakuasa'an nu Belento anu madi'mo ko anu molingkudui. Belento ko kuasa mompotimbali mian maumo pa' ihe timbali mian anu ko angga'nyo ka' baani.

MAZMUR 22:9

Aha notatae, “Bakas da ia taha'iman hi Tumpu, da nuposalamat nu Tumpu na ia, de sanang na Tumpu hi ia!”

YEREMIA 1:5

“Ma'isa pe'e Aku nontali' beleyum i uno nu ma'alum nu tina nu beleyum, ka' ma'isa pe'e beleyum ihampe, pinile'an-Kumo ka' ihangkat-Kumo na beleyum da bau nabi nu to bansa-bansa.”

YEREMIA 35:6

Panyo tinaaman nu aha, “Kami madi' monginum anggur. Mompolee' mami i Yonadab anak i Rekhab nontewa' kami tibamo lee' mami madi' timbali monginum anggur. Pontewa' aijo' tataap otuluti sampe toka sidu-sidutu'.

IMAMAT 10:9

“Moko inum anggur kabai inumon anu moko palangu beleyum ka' to ana-anak nu beleyum madi'mo timbali minsoop i Kemah-Ku. De belemiu molanggaimo atulan aijo' belemiu silakamo. Palentah aijo' tionyo ahi' otuluti totu-totu'u nu iwi-iwi' na lee' nu belemiu.

ZAKHARIA 9:15

Mian anu palesayamo hi Ia na memang ahi' Nu jagai, sahingga iwi-iwi' na sampobali' nu aha timbali opoko ala opatundu'. Susumo polo ais nu mian anu nalangumo nu inumon, sumo aitumo na polo ais nu aha hau-haunyo mahampate. Susumo baso' nu koloban anu dinudu'akonmo aita' i mezbah sumo aitumo na baso' nu sampobali' nu aha nobubus.

LUKAS 1:14

Lame' na beleyum ka' sanang na mian da'isan de anak aijo' hampemo!

LUKAS 7:28

“O inau'” na koonyo i Yesus mule', “i uno nu dunia aiya madi' toho' kino mian anu lebe daka' molingkudui Yohanes anu Mompalamandikan. Panyo mian anu talalo ise' i totonga' nu mian anu palesayamo hi Tumpu, lebe daka' molingkudui Yohanes anu Mompalamandikan.”

LUKAS 7:33

I Yohanes anu Mompalamandikan tinoka – ia bapuasa' ka' madi' monginum anggur – ka' komiu notatae, ‘Ia sinoku'onmo nu setan!’

YOHANES 5:35

I Yohanes aijo' sumo sulu' anu moak ka' monjingkai. Madi' pin na komiu sanang montalima jingkanyo aijo'.

SISIKON NU TO RASUL-RASUL 2:4

Aha iwi-iwi' kinuasanmo nu Roh nu Tumpu, ka' nontampu'unimo notatae tiba ngangahan nu basa' sangga'at. Aha motatae nombatukimo apaa na anu pinoto'i nu Roh aijo' hi aha da otaloakon.

GALATIA 1:15

Panyo kalana ka'ima'an nu kinyonyoa nu Tumpu, Ia nompile'imo aku ma'isa pe'e i hampe ka' nolagamo aku da mompojalan anu Nu palentahkon.

EFESUS 5:18

Boli komiu malangu nu anggur, kalana aijo' mongidei komiu. Ola ahi' maunyo komiu nukuasai nu Roh nu Tumpu.

YOSUA 3:7

Tumpu notataemo hi Yosua, “Otampu'uni sinaa aiya beleyum Ku potimbalimo mian daka', sahingga iwi-iwi' na mian nu Israel mongadatimo beleyum ka' nusumbu'mo nu aha na Aku aiya saja' monsangalui beleyum susumo Aku nonsangaluimo mae i Musa.

YOSUA 4:14

Sinaa aijo' Tumpu nombaumo hahan anu opalias sahingga bansa Israel nongadatimo i Yosua salaku mian daka'. Sidu-sidutu' i uno nu kantumuu'annyo, aha mongadatimo ia susumo aha nongadatimo i Musa.