LUKAS 1:13 - KITAB NU TUMPU ALLA LELE MA'IMAI'

¹³ Panyo koonyo nu malaikat aijo', “Boli mabuhuk, Zakharia! Tumpu mohongo do'aum. Bengkele'um i Elisabet tionyo mohampeakon samian na anak mo'ane. Beleyum tionyo monsanggohi ia, i Yohanes.

LUKAS 1:13 Iomraidhean Croise

KAJADIAN 17:10

Beleyum ka' iwi-iwi' na lee' nu beleyum, to momo'ane tionyo ahi' o sunat.

KAJADIAN 17:19

Panyo Tumpu Allah notatae, “Madi'. I Sara bengkele' nu beleyum mohampeakonje anak mo'ane ka' beleyum monsanggohije ia i Ishak. Saja' Ku toongi na palajanjianKu hi anak aijo' ka' tiba lee'nyo sampe toka sidu-sidutu'. Palajanjian aijo' sampe toka sidu-sidutu'.

KAJADIAN 18:14

Te daagi' ko han anu madi' opoko ala nubau nu Tumpu? Susumo anu tinaloakon-Kumo u'uka daagi' osio' na bitu'on Aku po'ule'mo minsusule' mae aiya. Ka' tempo'nyo aijo' i Sara nohampeakonmo anak mo'ane.”

KAJADIAN 25:21

Kalana i Ribka madi' nohumpak anak, i Ishak nondo'akonmo bengkele'nyo hi Tumpu. Ka' Tumpu nompopo ii'mo do'a i Ishak, sahingga i Ribka pinoboamo.

MAZMUR 113:9

Ia nombalakati bengkele' anu lengke'mo da nohumpak to pia-piangkuka na anak, ka' nompotimbalimo ia totina anu nohumpakmo ka'ima'an ka' oholomati i laigannyo. O puji' na Tumpu!

MAZMUR 118:21

Ku puji' na Belento, kalana Belento nonsitujuimo do'angku; Belento nompo'untungmo aku nahampate.

YESAYA 8:3

Mamanga ahi bengkele'ku pinoboamo. Salatan anak mami ihampemo, Tumpu nompoto'imo mae hi belengku, “Sanggohi na ia, ‘Pahangagoan Pande hondo, Montomang Malia' hondo.’

DANIEL 10:12

Lantas ia notataemo mae hi belengku, “O, Daniel, boli mabuhuk. Tumpu nohongomo do'a nu beleyum daagi pe'e sinaa momonanyo beleyum nonongalamo kaputusan da ta'alukmo na butong nu beleyum da timbali pande. Aku tinokamo mae salaku baumo pontaami do'a nu beleyum.

HOSEA 1:4

Tumpu notataemo hi belengku, “Sanggohi na anak nu beleyum aijo' i Yizreel kalana madi'mo pin Aku mohukumo tomundo nu Israel kalana palabuatan i Yehu nompateimo mompolee'nyo kiijo' i Yizreel. Aku madi'mo mompobee' lee' i Yehu na mompalentah.

HOSEA 1:6

Lapas aitu bengkele'ku aijo' nompohampemo anak anu ko ohua'nyo, anak boune. Tumpu notataemo hi belengku, “Hosea, sanggohi na anak nu beleyum aijo', ‘Anu Madi' Okalibosi’, saba' Aku madi'mo mongkalibosi mule' bansa Israel, ka' madi'mo hondo-hondo mongampuni aha.

MATIUS 1:21

I Maria mohampeakonje samian na anak mo'ane. Anak aijo' tionyo nu sanggohi i Yesus, kalana Ia na momposalamat mian anu palesayamo hi Ia lengkat i dosa' nu aha.”

MATIUS 14:27

Panyo i Yesus lau-laus nontaami, “Potanang! Aku i Yesus. Boli mabuhuk!”

MATIUS 28:5

Malaikat aijo' notatae hi to bou-boune aijo', “Boli mabuhuk! Kusumbu' komiu molio i Yesus anu sinalibmo aijo'.

MARKUS 16:6

Mian olitau aijo' notatae, “Boli mabuhuk! Kusumbu' komiu molio i Yesus mian nu Nazaret anu sinalibmo. Ia madi'mo i aiya. Ia po'ule'mo tinumuu'! Toa, aiya na tampat pinompomale'an nu aha Ia.

LUKAS 1:14

Lame' na beleyum ka' sanang na mian da'isan de anak aijo' hampemo!

LUKAS 1:30

Lantas malaikat aijo' notatae hi belenyo, “Boli mabuhuk, Maria, kalana beleyum nusetujui nu kinyonyoa nu Tumpu.

LUKAS 2:21

Salatan umunnyo ingialunmo na sinaa, anak aijo' sinunatmo. Ka' sinanggohan nu aha i Yesus, sanggo anu binee' nu malaikat hi Ia, ma'isa pe'e pinoboa na tina-Nyo.

SISIKON NU TO RASUL-RASUL 10:31

Ia notatae, ‘Kornelius! Tumpu nontalimamo do'a nu beleyum ka' monginau' ka'ima'an nu kinyonyoaum.

TO MIA-MIAN KOPIAN 6:23

Panyo Tumpu notatae hi ia, “Tendamo! Boli mabuhuk. Beleyum madi' silaka.”

1 SAMUEL 2:21

I Hana binalakatanmo nu Tumpu Allah, sahingga nohampeakonmo mule' aha totolu' na anak mo'ane ka' ua aha na anak boune. I Samuel kino daka-daka'nyomo ka' ia saja'mo mombau anu nu palentahkon nu Tumpu.