LUKAS 1:12 - KITAB NU TUMPU ALLA LELE MA'IMAI'

¹² Salatan tinoa i Zakharia na malaikat aijo', ia biningong ka' nabuhuk.

LUKAS 1:12 Iomraidhean Croise

DANIEL 10:7

Ola sausa'ku na nontoa anu pinotoa aijo'. To mia-mian anu nojajalan tiba aku madi' nontoa aijo' panyo aha nongoa'imo buhuk sahingga nalaimo ka' natisulukmo.

MARKUS 16:5

Lantas aha ninsoopmo i uno nu kubulan aijo'. I unonyo sasu koanannyo aha nontoa samian na olitau mimbaju' jubah mopute', hau-haunyo suha-suhang, sahingga aha tinolokengkengmo.

LUKAS 1:29

Nohongo potatae nu malaikat aijo', i Maria tinolokengkeng, ka' nompokilawa i kinyonyoanyo pa' apaa na kahanda' nu tabea' aijo'.

SISIKON NU TO RASUL-RASUL 10:4

I Kornelius nontonto'i Malaikat aijo' ka' nabuhukmo lantas notatae, “Daagi' ko apaa Tuan?” Tinaaman nu malaikat aijo', “Do'aum ka' ka'ima'an nu kinyonyoaum tinalimamo nu Tumpu ka' Tumpu nonginau'mo beleyum.

ANU PINOTO'I HI YOHANES 1:17

Salatan tinoangkumo na Ia, aku dinumaladupu i ahop-Nyo sumo mian anu sinilakamo. Panyo Ia nompotiik lima-Nyo koanan hi belengku ka' notatae, “Boli mabuhuk! Akumo na anu i momonanyo ka' anu imihinyo.

TO MIA-MIAN KOPIAN 13:22

Lantas i Manoah notatae hi bengkele'nyo, “Kita tantu silakamo kalana nontoamo Tumpu Allah!”

TO MIA-MIAN KOPIAN 6:22

I Gideon sininsumbu'mo taalu' anu tinoka mae aijo' hi ia malaekat nu Tumpu. Sahingga ia nabuhukmo ka' notatae na i Gideon, “Silakamo na aku, o Tumpu Anu Matangkas na kuasanyo! Kalana aku nompaha tonto'mo tiba malaekat nu belento Tumpu!”