LUKAS 1:10 - KITAB NU TUMPU ALLA LELE MA'IMAI'

¹⁰ Hau-haunyo mompapui kamangian, mian da'isan binalado'a i sambiha'nyo.

LUKAS 1:10 Iomraidhean Croise

MAZMUR 141:2

Talimakon na do'angku susumo kamangian anu sinombahkonmo, ka' limangku anu pinotalamo susumo anu kinolobanakonmo pihi-pihi.

YEHEZKIEL 46:3

I ahop nu sabatan daka' aijo' na suele ahi', iwi-iwi' na mian da'isan tionyo suele tolodadupu monsombah Tumpu de sinaamo nu Sabat ka' de Molame'akonmo Bitu'on Bu'ou.

IMAMAT 16:17

Salatanmo i Harun minsoopmo i Salipi' anu Susi' hondo, mombau anu bau pomposusi' sangkutnyo ia nosabat, samian pe'e madi' timbali ko anu daagi' i uno nu Kemah aijo'. De lapasmo na mombau anu bau pomposusi' posi butongnyo, tiba aha salaigan ka' iwi-iwi' na aha bansa Israel,

IBRANI 4:14

Mokonyo aijo' kita tionyo ahi' mintoong hoso-hoson i pangakuan nu kapalesaya'anto. Kalana kita daagi' ko Imam Daka' anu talasanggo, anu ninsoopmo sampe tinoka i ahop nu Tumpu Allah – atina'mo i Yesus anak nu Tumpu.

IBRANI 9:24

Kalana i Kristus madi' ninsoop i Salipi' anu Susi' anu binau nu mian, anu ola mongibalatakon Salipi' anu Susi' ka' anu sahondo-hondonyo. Posi i Kristus na minsoop i Suluga'; i kiita' mae Ia tempo' uuka mangadap hi Tumpu kalana kapentinganto.

ANU PINOTO'I HI YOHANES 8:3

Samian na malaikat sangga'at, anu nomboa sa'angu' na tampat pompapuan kamangian, mosoni' na tinutuk, tinoka ka' tinuminjo i ahop nu mezbah. Ia binee'an manjoo' hondo na kamangian da okakambuhakon i anu osombahkon aijo' i mezbah anu mosoni' na tinutuk ka' iwi-iwi' na do'a nu mian anu pinalesayamo hi Tumpu Allah suele nu kona nu kamangian aijo' anu o sombahkon i mezbah mosoni' na tinutuk anu aijo' i ahop nu kasuhangan.