IBRANI 4:2 - KITAB NU TUMPU ALLA LELE MA'IMAI'

² Kalana Lele Ma'ima' aijo', pinolelemo hi kita pokakana sumo hi aha. Panyo hi aha lele aijo' madi' kino kaliangannyo. Kalana mau mule' i hongomo nu aha, aha madi' ahi' palesaya.

IBRANI 4:2 Iomraidhean Croise

SISIKON NU TO RASUL-RASUL 13:46

Panyo i Paulus ka' i Barnabas nompaka baani mule' na notatae totu-totu'u. Aha notatae, “Potatae nu Tumpu memang hi komiu pe'e na tionyo pompotokan. Panyo kalana komiu madi' mongka'oho' montalima, komiu nosi tantukanmo saba' komiu madi' pantas montalima kantumuu'an kopian ka' toka sidu-sidutu'. Ka' uuka kami mompala'imo miu namba hi bansa sangga'at.

SISIKON NU TO RASUL-RASUL 3:26

Aijo' na sababnyo Tumpu nompile'i Posaihon-Nyo, lantas nonsai Ia toka mae hi komiu momonanyo, da Ia mombalakati komiu. Bau-baunyo nu Ia mombalakati aijo'mo mompotimbali to Utu-utus iwi-iwi' balatobat i bau-baunyo nu kantumuu'anum anu ma'idek.”

ROMA 2:25

De kita Utus mombatuki hondo-hondo atulan nu agama Yahudi yo sunat nu kita Utus ko kaliangannyo ahi. Panyo de kita Utus madi' moko batuki anu pinalentakon i uno nu atulan aijo', yo sunat nu kita Utus madi' hondo ko kaliangannyo.

ROMA 3:3

Panyo mosia de sambagian na mian nu Yahudi madi' mohongo-hongo? Pa' kalana aijo' sahingga Tumpu madi'mo mongkalibosi aha?

1 KORINTUS 13:3

Mau mule' iwi-iwi' na anu daagi' hi belengku kubee' hi mian kasiasi, ka' kubee' na butongku da opapui, panyo aku madi' mongkalibosi to mia-mian sangga'at, saba' iwi-iwi' aijo' madi' hondo ko kaliangannyo.

GALATIA 3:2

Soba poto'i mae hi belengku sa'angu' na han aiya: Pa' komiu nontalimamo Roh nu Tumpu kalana nompojalanmo atulan nu agama, kabai o kalana komiu nohongomo Lele Ma'ima' lengkat mae hi Tumpu ka' palesaya hi Kristus?

GALATIA 3:8

Kitab nu Tumpu nontoamo momonanyo saba' Tumpu mompobee' to mia-mian misa' Yahudi mompo'ule'mo ma'ima' tiba Tumpu Allah, de aha palesaya hi Ia. Lele Ma'ima' aijo' pinoto'imo momonanyo hi Abraham i uno nu anu jinanji'mo sumo uuka, “Kalana beleyum, Tumpu mombalakatije iwi-iwi' na manusia i dunia aiya.”

GALATIA 4:13

Komiu tantu daagi' monginau' apaa na anu nonsabapimo aku i moonanyo nompolele Lele Ma'ima' aijo' hi komiu. Sababnyo aitumo aku i nasakit.

PO'ULE' INGULIT 1:32

Panyo mau pe'e belengku no tataemo sumo aijo komiu maisa pe'e mongka'oho palesaya hi Tumpu Allah miu,

1 TESALONIKA 1:5

Kalana kami mompotokakon Lele Ma'ima' hi belemiu misa' ola potatae, panyo mule' tiba kuasa ka' tiba Roh nu Tumpu, ka' kami palesaya hondo na kahondoan lengkat i Lele Ma'ima'. Osumbu' miu mosia na kami tinumuu' nombaumo kapentingan miu tempo'nyo kami jinojoong itina' hi komiu.

1 TESALONIKA 2:13

Daagi' mule' ko sa'angu' na han anu sangga'at, anu mombau kami saja' montalima kase hi Tumpu. Han aijo' aitumo, saaba' tempo'nyo kami nompotokakon lele lengkat mae hi Tumpu Allah toka hi komiu, komiu nohongomo ka' montalimamo lele aijo' misa' sumo lele lengkat hi mian, panyo sumo lele anu totu-totu'u lengkat mae hi Tumpu. Iamo na anu mokalaja i uno nu butong miu anu pinalesayamo hi Kristus.

1 TIMOTIUS 4:8

Mompobiasa mongajan kantumuu'an nu butong ola sangkiding na gunanyo, panyo mompobiasa mongajan rohani mingguna i uno nu iwi-iwi' na han, kalana daagi' ko anu jinanji'mo ola bau kantumuu'an i tempo' uuka aiya ka' i tempo' anu tokaje mae imihinyo.

IBRANI 11:6

De madi' bala'iman, madi' ko samian pe'e timbali moko ala momposanang kinyonyoa nu Tumpu. Kalana mian anu toka hi bele nu Tumpu tionyo ahi' palesaya saba' Tumpu daagi', ka' Tumpu mombalosije mian anu molio Ia.

IBRANI 3:12

To utu-utus, obala'ingati boli-boli daagi' ko anu itina' hi komiu samian na anu ko kinyonyoa ma'idek sumo aijo', ka' madi' palesaya totu-totu'u, sahingga ia po'ule'mo mobalik ka' matijo'onmo hi Tumpu anu tumuu'!

IBRANI 4:6

Jadi aha anu momona nohongo lele mongkona Lele Ma'ima' aijo', madi' mohumpak pingkainan aijo' kalana aha madi' palesaya. Desumo aijo' nanasamo taalu' daagi' ko to mia-mian sangga'at anu timbali mohumpak pingkainan aijo'.

YAKOBUS 1:21

Mokonyo aijo', alinmo na kabiasa'an anu mahenyu ka' ma'idek. Boli kobubuun na montalima potatae anu sinu'anmo nu Tumpu Allah i uno nu kinyonyoa miu, kalana potatae aijo' ko kuasa momposalamat komiu.

1 PETRUS 1:12

Hi to nabi-nabi haha aijo' Tumpu nompoto'imo tukoonyo apaa na anu nubau nu aha misa' bau kapentingan nu aha, panyo bau kapentingan nu belemiu; atina'mo hahan anu tempo' uuka aiya i hongomo komiu mana-manasa hi to mia-mian anu nompolelemo Lele Ma'ima' mongkona i Yesus Kristus. Aha nomposumbu' hahan aijo' hi belemiu kalana kuasa nu Roh nu Tumpu anu sinai-Nyo mae lengkat i suluga'. To mala-malaikat pe'e mongkahanda'i suele da monsumbu' lele anu nu polele nu aha aijo'.