IBRANI 3:2 - KITAB NU TUMPU ALLA LELE MA'IMAI'

² Ia tulu-tulutan hondo hi Tumpu anu nompile'imo Ia da mombau pakalaja'an aijo' susumo i Musa naipuan mae tinulu-tulutanmo apaa na anu pinokauhakon nu Tumpu obau i Laigan nu Tumpu.

IBRANI 3:2 Iomraidhean Croise

NOSABATMO 40:16

I Musa nombaumo iwi-iwi' aijo' susumo anu pinalentahkon nu Tumpu.

NOMBILANGMO 12:7

Panyo madi' sumo posaihon-Ku i Musa. Olamo aijo' ia na mian anu tulu-tulutan madi' sumo mian sangga'at anu pinalesayamo hi beleng-Ku.

YOHANES 15:10

De komiu monjalanakon iwi-iwi' na palentah-ngKu, komiu saja' montuluti pongkalibosing-Ku, pokakana sumo Aku saja' montuluti pongkalibosi nu Tuuma, kalana monjalanakon palentah-Nyo iwi-iwi'.

YOHANES 17:4

Aku nompopodaka'mo kita Tuuma i bawo nu dunia aiya, kalana nompotimbalimo hia nu kita Tuuma anu pinokauhakonto hi beleng-Ku.

YOHANES 7:18

Mian anu mombee' posi pangajalannyo, molio da o'adati na butongnyo. Panyo mian anu molio da o'adati na anu nonsai mae Ia, mian aijo' hodi' madi' baleko' na ia.

YOHANES 8:29

Ka' Ia anu nonsai mae Aku daagi' poja-pojajalan tiba Aku. Ia madi' toho' mompojohok Aku sausa', kalana Aku saja' mombau apaa na anu momposanang kinyonyoa-Nyo.”

EFESUS 2:22

Kalana tumuu' nosa'angu'mo tiba i Kristus, komiu mule' hau-haunyo pinotinjomo hingga-hinggat tiba to mia-mian sangga'at da timbali sa'angu' na Laigan nu Tumpu; i kiijo' na Tumpu Allah jojoong tiba Roh-Nyo.

PO'ULE' INGULIT 4:5

Iwi-iwi' na atulan haha aijo' pinogulu'kumo hi belemiu susumo anu pinalentahkonmo nu Tumpu Allah-ngku. Tuluti na iwi-iwi' aijo' i lipu' anu opinsoopi miu ka' jojoongmo ikiijo'.

1 TIMOTIUS 1:12

Aku mompoita talima kase hi Kristus Yesus Tumpunto. Ia nombee'imo mae kahosonan hi belengku da mombau apaa na anu Nu palentahkon, ka' Ia nonanggapmo aku timbali mombau kalaja aijo',

1 TIMOTIUS 3:15

da de aku ma'isa malia' toka nusumbu'mo nu beleyum mosia na kita tionyo ahi' tumuu' salaku sampoto utusan nu Tumpu, aijo'mo jama'at nu Tumpu anu tumuu'. Aiyamo na jama'at anu sumo salaku ahi' montinjohakon ka' ponsoko pangajalan anu totu'u lengkat mae hi Tumpu.

IBRANI 2:17

Aiyamo na alati'nyo sahingga Ia tionyo timbali pokakana sumo to utu-utus-Nyo i uno nu iwi-iwi na han. Ka' tiba jalan anu sumo aijo' Ia noko alamo tinimbali Imam Daka' anu mohongo-hongo ka' anu ko kalibosan-Nyo. Kalana Ia nombaumo anu sumo aijo', sahingga dosa' nu mian ingampunanmo.

1 SAMUEL 12:6

Lantas po'ule' mule' notatae na i Samuel, “Tumpu na nompile'imo i Musa tiba i Harun ka' anu nomboamo mae mompole' nu belemiu nosabat lengkat mae i Mesir.