IBRANI 2:3 - KITAB NU TUMPU ALLA LELE MA'IMAI'

³ Pakalaus mule' de kasalamatan anu lebe daka' na angga'nyo ka' anu molingkuduimo potuunon haha aijo'! De kita madi' saja' monginau' kasalamatan aijo', tantu kita madi' molapas i hukuman. Kalana Tumpu na momonanyomo nompoto'i kasalamatan aijo', ka' to mia-mian anu momonanyo nohongo nomponyata'mo anu totu'unyo hi kita.

IBRANI 2:3 Iomraidhean Croise

YESAYA 12:2

Memang totu'u Tumpu aijo' anu Momposalamat aku, aku palesayamo hi Ia. Aku madi'mo mabuhuk, kalana Ia nompohosonmo mae aku. Anu momposalamat aku aijo'mo Tumpu, aku manyanyimo nyanyian bau pontalima kaseh hi Ia.

YESAYA 20:6

Tempo'nyo aijo' aha to mia-mian anu jojoong ibiwi nu ambai motataemo, ‘Soab toa apaa na anu jinadimo hi bansa anu ota-otakabunakonto monjagai mae kita da madi' nu poposia mae i tomundo' nu Asyur. Iyamule' na kita daagi' salamat?’ ”

YESAYA 51:5

Kasalamatan anu Ku bee'mo ingohanimo, tempo'nyo nu kamanangan-Ku malia'mo mae toka. Akumo ahi' na mompalentah to bansa-bansa. Lipu' anu toto jo'o-jo'on saja'mo montanda'i Aku ka' montaha'imanimo palabuatan-Ku anu daka' hondo.

YESAYA 51:8

Aha silakamo ka' mule' madi'mo otoa-toa, pokakanamo susumo baju' anu nu kekedimo nu ane' ka' hude bulu nu domba anu nu kekedimo nu atak. Panyo kasalamatan anu Ku bee' nu tataap ahi' sampe toka sidu-sidutu', ka' kamanangan-Ku na satataapnyo ahi' sampe molundu-lundu na tulunan.”

YESAYA 62:11

Tumpu mombee'imo potunon sumo uuka hi aha songko-songko na dunia, “Poto'i hi aha anu jojoong i Sion, ‘Toa, Tumpu anu Momposalamat tinokamo! Ia sinangaluan mae nu to mia-mian anu pinobebasnyomo.’ ”

YEHEZKIEL 17:15

Panyo i tomundo' Yehuda notomuhukmo ka' nonsaimo mian namba i Mesir da mohumpak ajahan tiba mule' suludadu manjoo'. Pa' usaha aijo' nu humpak ahi'? Pa' ia opojohokmo ahi' da mopalai? Madi' bisa na ia molanggai palajanjian ka' madi' mohumpak hukuman!

YEHEZKIEL 17:18

Kalana ia nolanggaimo sumpa' tiba palajanjiannyo, ia madi'mo daagi' moko ala mopalai.

MATIUS 23:33

Komiu ma'idek ka' lee' nu mian ma'idek! Mosia na komiu timbali momposalamat butong i hukuman nu nalaka?

MATIUS 4:17

Lengkat tempo'nyo aijo' i Yesus nontampu'unimo nompolele, “Balatobatmo bolimo komiu mombau dosa-dosa' miu, kalana Tumpu Allah malia'mo mompalentah sumo Tomundo!”

MARKUS 1:14

Salatan i Yohanes tinalungku', i Yesus namba nokiijo' i Galilea, ka' noleleakon Lele Ma'ima' lengkat hi Tumpu i kiijo' mae.

LUKAS 1:2

Aha nontulis sosok tiba apaa na anu sinisikakon hi kita nu to mia-mian anu pinosi toanyo na hahan aijo' lengkat pe'e i momonanyo, ka' lapas mae nompolele lelenyo.

LUKAS 1:69

Ia nombee'imo kita pomposalamat anu baani, lee' i Daud, posaihon-Nyo.

LUKAS 24:19

“Te apaa na tinimbali?” tukoo-Nyo i Yesus. “Anu tinimbali hi Yesus, mian lengkat mae i Nazaret aijo',” tinaaman nu aha. “Ia nabi. Potatae-Nyo ka' anu nubau ko kuasa-Nyo hondo – mau i pontoa nu Tumpu, maumo i pontoa nu iwi-iwi' na mian.

YOHANES 15:27

Ka' komiu suele tionyo mombee'i katalangan mongkona Aku, kalana komiu no'imboamo ka' Aku salatanmo pe'e imomoonanyo.

SISIKON NU TO RASUL-RASUL 2:22

To Utu-utus mian nu Israel! Hongo apaa na anu ku taloakon aiya: I Yesus mian nu Nazaret aijo' binee'anmo kalaja nu Tumpu Allah bau kapentingan nu kita utus. Aijo' nyata' hondo i anu okabangangi ka' hahan anu daka', apaa na anu binau nu Tumpu i totonga' miu hi Yesus aijo'. Iwi-iwi' aijo' posi kita utus nonsumbu'mo.

SISIKON NU TO RASUL-RASUL 4:12

Ola ahi' kalana i Yesus mian oposalamat. Kalana i songko-songko nu dunia i totonga' nu mian madi' ko samian pe'e na anu nohumpakmo kakuasa'an lengkat mae hi Tumpu da momposalamat kita.”

ROMA 11:14

Ku kahanda'i da aku moko ala monsakiti kinyonyoa nu posi bansangku, da tiba jalan aijo' aku moko ala momposalamat sambagian anu aijo' hi aha.

ROMA 2:3

Panyo komiu, to Utu-utus, mombau suele i posi butong hahan anu otukakon miu hi mian sangga'at! Ka' o tutugi miu, komiu madi' nukona nu hukuman nu Tumpu?

1 KORINTUS 1:21

Kalana mau mule' mosiamo na kapandean nu mian, ia madi' moko ala monsumbu' Tumpu de ola posi kapandeannyo. Panyo kalana Tumpu pande, sahingga Ia situjumo momposalamat to mia-mian anu palesaya hi Ia kalana lele anu opolele mami, anu kokoonyo nu dunia palasuma.

1 TESALONIKA 5:3

De mian motatae, “Iwi-iwi' aman ka' madi' ko anu mombau hengge',” sahingga aitumo na tempo'nyo anu madi' osumbu-sumbu' nu aha, nutokaimo nu bala, ka' madi' ko samian pe'e na anu moko popalai. Han aijo' toka madi' osumbu-sumbu', sumo mongoa'i sakit monganak kona hi samian na boune anu mompohampemo.

1 TIMOTIUS 1:15

Totu'u hondo na potatae aiya – kalana aijo' tionyo ahi' otalima ka' opalesaya sahondo-hondonyo –: “I Kristus Yesus tinoka i dunia aiya da momposalamat mian baladosa'.” Ka' akumo na mian baladosa' anu talalo ma'idek.

TITUS 2:11

Kalana Tumpu nompotoamo balakat-Nyo kalana kahanda' momposalamat iwi-iwi' mian.

IBRANI 1:1

Tempo'nyo naipuan mae Tumpu ola saja' basisik hi mompolee'to nupotoka nu to nabi-nabi ka' mompake ngangahan nu anu obau.

IBRANI 1:14

Desumo aijo', to mala-malaikat haha aijo' ihe ahi' na sabenannyo na aha? Aha aijo'mo na to roh-roh anu mombau apaa na anu nu pokauhakon nu Tumpu, ka' anu nu palentah nu Tumpu Allah, da montulungi to mia-mian anu mohumpak kasalamatan.

IBRANI 1:2

Panyo tempo' uuka Ia basisik hi kita, Anak-Nyomo na mompotoka hi kita. Anak-Nyomo aiya na nombau pakalaja'an nu Tumpu nompotimbali dunia aiya songko-songko. Ka' suele Tumpu nontantukanmo tukoonyo Anak-Nyomo aiya na mohaki iwi-iwi'.

IBRANI 12:25

Kalana aijo', balajaga-jaga da boli komiu madi' mongka'oho' mohongo Ia anu notataemo aijo'. Aha anu madi' mongka'oho' mohongo Ia anu tinokamo i dunia ka' nompotokamo lele lengkat mae hi Tumpu Allah, madi' timbali da madi' palesaya hi Ia. Apaa mule' kita aiya anu nohongomo Ia, anu notataemo lengkat mae i suluga'! De kita madi' mongka'oho' mohongo Ia, iya na kita timbali o ampuni i kasala'an!

IBRANI 4:1

Yo, janji' nu Tumpu daagi' ahi' sabole-bole opake, ka' kita mohumpakje pingkainan anu jinanji'nyomo. Jadi, sabole-bole ahi' obala'ingati da boli ko samian anu itina' hi komiu na madi' mohumpak pingkainan anu jinanji'nyomo aijo'.

IBRANI 4:11

Kalana aijo', imbo' na kita da bala usaha totu-totu'u da mohumpak pingkainan anu jinanji'mo nu Tumpu aijo'. Boli sampe ko samian anu aiya hi kita na moteba' susumo aha naipuan mae, kalana madi'mo palesaya hi Tumpu.

IBRANI 5:9

Sahingga salatan Ia pinotimbalimo anu momposalamat totu-totu'u, Ia tinimbalimo pinolengkatan nu kasalamatan anu sampe toka sidu-sidutu' kona hi iwi-iwi'na mian anu tulu-tulutan hi Ia,

IBRANI 9:28

Sumo aitu mule' na i Kristus ola minsan na sinombahkon salaku koloban mompobelesi dosa' nu mian da'isan. Ia po'ule'je toka kopinduannyo, misa' pa' kahanda' mongulusmo palakala nu dosa', panyo momposalamatmo to mia-mian anu saja' montanda'i katokaan-Nyo.

1 YOHANES 1:1

Isi nu sulat aiya mongkona Potatae nu Tumpu anu mompotumuu', aijo'mo Potatae nu Tumpu anu polo-polo'mo daagi' salatanmo pe'e momonanyo. Kami nohongomo ka' nontoamo nu posi mata mami. Kami nontoamo ka' lima mami nongkanyangmo ia.

YUDAS 1:17

Panyo to utu-utusku anu okanonongi, o inau' apaa na anu naipuan mae tinaloakonmo nu to rasul-rasul nu Tumpunto i Yesus Kristus.

ANU PINOTO'I HI YOHANES 7:10

Lantas aha notatae daka-daka', “Kasalamatanto nolengkat mae hi Tumpunto, anu suha-suhang i kasuhangan aijo', ka' lengkat mae hi Anak nu Domba aijo'!”