IBRANI 2:2 - KITAB NU TUMPU ALLA LELE MA'IMAI'

² Iwi-iwi' na anu pinotuunmo ka' pinotokakonmo nu to mala-malaikat hi mompolee'to i nyata'mo hondo, ka' mian anu madi' montuluti, kabai mian anu madi' montapali mohumpak hukuman anu konanyomo na o hukum sumo aijo'.

IBRANI 2:2 Iomraidhean Croise

MAZMUR 68:17

Kadaka' atina' mae ibungkutnyo manjo-manjo atina' beleyum minsihipmo na montoa mae Puge'nyo nu Sion anu pinile'anmo nu Tumpu bau kajojoongan-Nyo? Tumpu jojoongmo kiijo' mae sampe toka sidu-sidutu'.

NOMBILANGMO 11:33

Tempo'nyo daagi' manjoo' na ponoha' kinaan, Tumpu pinusamo hi bansa aijo' ka' pinodaagi'-Nyomo na panyakit anu molele hi aha.

NOMBILANGMO 16:49

Anu sinilakamo tempo'nyo aitu 14.700 na mian, sambiha'nyo na aha anu sinilaka kalana noto idekmo tiba i Korah.

NOMBILANGMO 21:6

Sahingga Tumpu nompotokamo mae ulo anu toto bisa-bisa' hi bansa aijo'. Manjoo' na aha mian nu Israel sinilaka binahe' nu ulo haha aijo'.

NOMBILANGMO 25:9

Panyo tempo'nyo aitu anu i natemo 24.000 mo na mian.

SISIKON NU TO RASUL-RASUL 7:53

To mala-malaikat nompotokamo pale-palentah nu Tumpu Allah hi komiu, panyo komiu madi' mohongo-hongo.”

GALATIA 3:19

Desumo aitu, bau apaa na atulan nu agama anu binee'mo? Salaku bau pontaami, saba' atulan aijo' pinotuangmo da bau momponyata' manusia sinala'mo. Atulan nu agama aijo' opake ola, de ma'isa pe'e toka na samian anu lee' mae i Abraham, anu sinanggo i uno nu janji' nu Tumpu hi Abraham. Atulan nu agama aijo' pinotokakon nu to mala-malaikat nompake samian na manusia.

PO'ULE' INGULIT 17:12

Mau mule' ihe na baani' monggagakon mian kopian kabai imam anu montoongi kalaja, tionyo ahi' o hukum mate; sumo aijo' na belemiu montewa' da bolimo saja' mombau anu ma'idek aijo' hi aha Israel.

PO'ULE' INGULIT 17:2

De belemiu mohongo daagi' ko sala'sa'angu' na kota nu belemiu daagi' ko mian binaladosa'mo hi Tumpu Allah nu belemiu kalana nolanggaimo palajanjian

PO'ULE' INGULIT 17:5

mian anu sinala'mo aijo' tionyo ahi' oboamo i sambiha' nu kota ka' opahambunu'akon nu batu sampe mate.

PO'ULE' INGULIT 27:26

‘Kinutukan na mian anu madi' montuluti sahondo-hondonyo atulan ka' pangajalan nu Tumpu Allah i uno nu palabuatan.’ ‘Amin!’ ”

PO'ULE' INGULIT 32:2

O amalakon da pangajalan-Ku tudun mae susumo ujan, ka' potataengku jumuju mae susumo dondu'ok ka' mule' susumo dohidi' tudun i to hempu-hemput, ka' ujan daka' tudun i sosu'anon.

IBRANI 1:1

Tempo'nyo naipuan mae Tumpu ola saja' basisik hi mompolee'to nupotoka nu to nabi-nabi ka' mompake ngangahan nu anu obau.

IBRANI 10:28

Mian anu madi' nontuluti atulan anu binee'mo i Musa, o hukum mate madi' ko ampunnyo, de ko sakisimo ohua' kabai totolu' na mian anu mompoto'i tukoonyo ia sinala'mo.

IBRANI 10:35

Mokonyo aijo' opohoson na kinyonyoa, kalana de komiu tataap palesaya, saba' tambonyo nu han aijo' daka' hondo!

IBRANI 11:26

Nu oa'i i Musa lebe ko angga'nyo na opopo'ambang kalana palesaya hi Tomundo anu Momposalamat anu jinanji'mo nu Tumpu Allah aijo', pojohok mau madi' mohumpak iwi-iwi' na halata' nu lipu' Mesir, kalana i Musa montaha'imani tambonyo i sinaa anu aiya mae o ahopi.

IBRANI 11:6

De madi' bala'iman, madi' ko samian pe'e timbali moko ala momposanang kinyonyoa nu Tumpu. Kalana mian anu toka hi bele nu Tumpu tionyo ahi' palesaya saba' Tumpu daagi', ka' Tumpu mombalosije mian anu molio Ia.

IBRANI 12:25

Kalana aijo', balajaga-jaga da boli komiu madi' mongka'oho' mohongo Ia anu notataemo aijo'. Aha anu madi' mongka'oho' mohongo Ia anu tinokamo i dunia ka' nompotokamo lele lengkat mae hi Tumpu Allah, madi' timbali da madi' palesaya hi Ia. Apaa mule' kita aiya anu nohongomo Ia, anu notataemo lengkat mae i suluga'! De kita madi' mongka'oho' mohongo Ia, iya na kita timbali o ampuni i kasala'an!

2 PETRUS 1:19

Mokonyo aijo' kami lebe mule' palesaya totu-totu'u hi potuunon nu Tumpu anu pinolelemo nu to nabi-nabi. Lebe ma'ima' belemiu mongintoomakon potuunon aijo', kalana potuunon aijo' sumo sulu' anu monjingkai tampat anu pintung sampe pe dunia nu jingkai nu hiusinyo nu jingka tolohinsi'mo, ka' jingka nu mandala' sasu kabete'an monjingkaimo uno nu kinyonyoa miu.

YUDAS 1:5

Iwi-iwi' aijo' sinumbu'mo miu. Panyo aku kahanda' mompotuka' hi komiu mosia na Tumpu nomposalamatmo mian nu Israel lengkat mae i lipu' Mesir, panyo lapas mae nonsilakaimo to mia-mian anu madi' palesaya, anu aijo' hi bubuu' aha.