IBRANI 1:8 - KITAB NU TUMPU ALLA LELE MA'IMAI'

⁸ Panyo hi Anak aijo', Tumpu notatae, “Kalaja'an nu Belento, o Tumpu, sangkutnyo sampe toka sidu-sidutu'! Kapalentahan nu Belento atina'mo na kapalentahan anu adin.

IBRANI 1:8 Iomraidhean Croise

YOHANES 10:30

Aku tiba Tuuma sa'a-sa'angu'nyomo.”

ROMA 9:5

Aha ilee'akon nu mompolee'to. I Kristus salaku mian nolengkat mae i bansa nu aha. Ia na lebee i bawo molingkudui iwi-iwi' aijo'. O puji' na Tumpu toka sidu-sidutu'! Amin.

1 YOHANES 5:20

Osumbu'to saba' Anak nu Tumpu tinokamo ka' nompopangalati'mo kita, da kita monsumbu' Tumpu anu totu'u. Kita tumuu' nosa'angu'mo tiba Tumpu anu totu'u, ka' tumuu' mosa'angu'mo tiba Anak-Nyo i Yesus Kristus. Aiyamo na Tumpu anu totu'u, ka' aiyamo na kantumuu'an anu kopian ka' sampe toka sidu-sidutu'.

YESAYA 7:14

Uuka aiya posi Tumpumo na mombee'i tanda hi belemiu samian na langkoyang poboa'mo ka' mompohampemo samian na anak mo'ane anu osanggohimo Imanuel.

MATIUS 1:23

“Samian na boune anu ma'isa toho' nonganak ia na poboa ka' mohampeakon samian na anak mo'ane. Anak aijo' osanggohi Imanuel.” (Imanuel te basa' nu Ibrani alati'nyo, “Tumpu monsangalui kita”.)

MAZMUR 145:13

Kapalentahan nu Belento sampe toka sidu-sidutu', kakuasa'an nu Belento tataap sampe molundu-lundu na tulunan. Tumpu saja' mongganapi iwi-iwi' apaa na anu jinanji'-Nyomo, Ia talalo hondo mongkalibosi iwi-iwi' apaa na anu binau-Nyomo.

MALEAKHI 3:1

Tinaaman nu Tumpu Anu Daka' na Kuasanyo, “Ku saimo na anu Ku utus da momposadia jalan anu bau kajalanan-Ku. Sahingga monti-montiik Aku, Tumpu anu olio-lio nu belemiu tokamo i uno nu Laigan-Ku. Anu Ku utus o'i-o'indi nu belemiu aijo' tokamo mae lantas mombebakonmo palajanjian-Ku.”

ZAKHARIA 9:9

O, mian anu jojoong i Sion, balame-lame'mo! O, mian anu jojoong i Yerusalem pontaligalaimo! Toamo! Tomundo' nu beleyum tinokamo ka' inguntungmo mae na nahampate! Ia tomundo' anu adin momomboamo mae kasalamatan. Panyo madi' bakadaka'an na ia toka mae monsake'i keledai, sa'angu' na keledai anu daagi' bata'nyo.

1 KORINTUS 15:25

I Kristusmo na saja' mompalentah sampe Tumpu mompotimbalimo iwi-iwi' na sampo bali' i Kristus matundu'mo hi Kristus.

YOHANES 20:28

I Tomas notatae hi Yesus, “Tumpungku ka' Tumpu Allah-ngku!”

HOSEA 1:7

Panyo bansa Yehuda Ku kalibosimo. Aku Tumpu, Tumpu nu aha momposalamatmo aha, panyo misa' kalana mahampate, ka' suele misa' kalana bajak, kabai pana', kabai ajahan ka' anu monsake'i.”

2 SAMUEL 23:3

Tumpu Allah i Yakub notataemo; hi belengku anu monjagai Israel nompoto'imo, “Tomundo' anu adin na mompalentah mian da'isan anu mompalentah montuluti Tumpu.

MAZMUR 99:4

Kakuasa'an olamo samata-mata hi Belento, Tomundo' anu mongka'ima'i atulan; Belento montoongimo atulan anu totu'u, Belento mompojalanmo atulan tiba ka'adilan hi aha Israel.

PO'ULE' INGULIT 2:37

Panyo kita madi' mongohani da'erah nu aha mian Amon kabai sohipi'nyo nu Kaunyo Yabok kabai kota-kota anu i da'erah nu bungkutnyo kabai tampat sangga'at mau pa' iya mae nupoliwa' nu Tumpu Allah-nto.”

1 TIMOTIUS 3:16

Madi' ko samian pe'e na madi' mangaku, palias na kinodaka'nyo na lahasia nu agamanto: Ia nompotoamo butong-Nyo i uno nu lupa sumo manusia, ka' pinonyata'mo totu-totu'u nu Roh nu Tumpu, tiba tinoamo nu to mala-malaikat. Lelenyo sinongkohakonnyomo i to bansa-bansa, ka' Ia opalesaya i songko-songko na dunia, ka' i hangkat nokiita' i suluga'.

YOHANES 10:33

To mia-mian nu Yahudi aijo' nontaami, “Misa' kalana hia-Um anu toto ima-ima' aijo' na monsaduakon kami kahanda'mo mombunu' Beleyum nu batu, panyo kalana Beleyum mompisala'i Tumpu. Beleyum mian mompai potimbalimo butong-Um sumo Tumpu.”

ZAKHARIA 13:9

Me sambagian na dunia na daagi' salamat. Ka' mule' aha aijo' Ku posusi'mo susumo salaka anu osuangmo i apu da madi'mo ko galo'nyo. Aha Ku uji'mo susumo mian monguji'mo mosoni'. Lantas aha balado'amo hi beleng-Ku ka' suele ahi' Ku taamimo na aha. Ku poto'imo hi aha tukoong-Ku aha aijo' mian anu palesayamo hi beleng-Ku, ka' aha suele mongakuimo tukoonyo nu aha; Akumo na Tumpu nu aha.”

YEREMIA 38:15

Aku nontaami, “De ku poto'i na anu sahondo-hondonyo, tantu belento Tomundo' monabu'akonmo mae hukuman mompatei hi belengku; ka' de aku mombee'i pokinde', belento Tomundo' madi' ahi' montuluti pokinde' aijo'.”

YESAYA 45:25

Panyo lee' mae i Yakub saidi' mae oposalamatmo, ka' aha mompuji'mo mae Aku, Tumpu.

MAZMUR 72:7

O'amalakon da ka'adilan sabole-boleh obau kopinnyo ia mompalentah, ka' kasanangan nu kantumuu'an boli kokakulangannyo kopinnyo daagi' ko bitu'on.

PO'ULE' INGULIT 7:14

Iwi-iwi' na bansa i dunia aiya, madi' ko sa'angu' pe'e na nohumpak balakat susumo aijo' na konjoo'nyo sumo anu i humpak nu belemiu. Belemiu iwi-iwi' ka' iwi-iwi' na potu'on nu belemiu sa'angu' pe'e madi' ko anu bu'a.

2 PETRUS 1:11

Tiba jalan anu sumo aijo' komiu obee'i hak totu-totu'u da minsoop i Kalaja'an anu sampe toka sidu-sidutu' lengkat mae hi Tumpu ka' Tomundo anu Momposalamat kita i Yesus Kristus.

LUKAS 1:75

saja' tulut hi Ia ka' momposanang kinyonyoa-Nyo i uno nu kantumuu'anto.