IBRANI 1:3 - KITAB NU TUMPU ALLA LELE MA'IMAI'

³ Iamo na mompotoa katalasanggoan nu Tumpu anu talalo hondo ko angga'nyo; Iamo na gambalan nu butong nu Tumpu anu manasa hondo. Iamo suele na mompotuu' kahosonan nu songko-songko na dunia aiya nu potatae-Nyo anu talalo hondo matangkas na kuasanyo. Noko lapas na Ia nontokong mian da madi'mo nukona nu hukuman nu dosa' na aha, Ia sinumuhangmo i kasuhangan kiita' i suluga' hingga-hinggat tiba Tumpu Anu Matangkas na kuasanyo.

IBRANI 1:3 Iomraidhean Croise

1 TAWARIKH 29:11

Belento totu-totu'u talasanggo ka' daka' na kuasa nu Belento. Belento opopodaka' ka' talalo hondo o adati, anu mongkuasai iwi-iwi'.

AYUB 37:22

Jingka susumo mosoni' ilubatmo mae sasu utara, ka' katalasanggoan nu Tumpu Allah nompobangangmo kinyonyoanto.

MAZMUR 110:1

Mazmur i Daud. Tumpu nompoto'imo hi tuanku, “Suhangmo i sasu koanan-Ku, sangkut aha anu monsampobali' beleyum Ku popatundu'mo hi beleyum.”

MAZMUR 75:3

Tumpu notataemo, “Toka i tempo'nyo anu tinantukan-Kumo, Aku momputusimo ulusan anu adin hondo.

ANU MOMPOLELE POTATAE NU TUMPU 8:4

I tomundo' mompalentah kalana ia balakuasa; madi' ko anu baani na mombanta!

IMAMAT 15:15

Imam tionyo ahi' monsombahkonmo sa'angu' na tomonsi' bau koloban pongampuni dosa' ka' sa'angu' mule' bau koloban anu opotunu. Sumo aijo'mo na imam mombau anu pomposusi' mian aijo' hi ahop nu Tumpu.

MIKHA 5:4

ka' mule' Nu bee'imo kadamean. De suludadu nu aha Asyur montumbuhimo mae lipu' to ka' mohobo'akonmo bentengto, kita suele montipaha'imo ahi' to pola-polaya'to anu to hoso-hoson da mongewamo aha. To pola-polaya'to mompatundu'mo Asyur nu toongon nu aha ka' momposalamatmo kita da madi'mo nu patei nu aha.

MATIUS 22:24

“Kita Tuumangku Gulu',” koonyo nu aha “I Musa nongajanakon sumo uuka: De samian na mo'ane mate, ka' ia madi' ko anak, utusnyo tionyo mo'osoa tiba balunyo da mombee'i lee' hi mian anu natemo aijo'.

MARKUS 16:19

Noko potatae na i Tumpu Yesus tiba aha, Ia i hangkatmo nokiita' i suluga'. I kiita' mae Ia nompalentahmo hingga-hinggat tiba Tumpu.

YOHANES 1:14

Potatae nu Tumpu tinimbalimo mian, Ia jinojoongmo aiya hi kita, ka' kita nontoamo katalasanggoan-Nyo. Katalasanggoan-Nyo tinalimanyomo salaku anak sa'a-sa'angu'nyo nu Tuuma. Kalana Ia, sahingga kita nontoamo Tumpu ka' kalibosan-Nyo hi kita.

YOHANES 1:29

Dodododopnyo, i Yohanes nontoa i Yesus namba mae hi ia. Lantas i Yohanes notatae, “Toa, aijo'mo na Anak Domba nu Tumpu Allah anu mongalini dosa' nu dunia.

YOHANES 1:4

Potatae nu Tumpu aijo' pu'un nu kantumuu'an, ka' kantumuu'an monjingkai mian.

SISIKON NU TO RASUL-RASUL 2:33

Ia i hangkat ka' pinosuhang i kasuhangan anu matangkas ka' binee'an kakuasa'an nu Tumpu, lantas nontalimamo Roh nu Tumpu Allah anu noko janji'mo nu Tuuma. Ka' anu ihongomo miu uuka aiya ka' tinoamo saba' Roh'mo ai-aijo' na anu ilambe'akon-Nyo hi kami.

SISIKON NU TO RASUL-RASUL 7:56

“Toa,” koonyo i Stefanus, “aku nontoamo suluga' tinontuhea'mo ka' Anak nu Mian tinuminjomo i sasu koanan nu Tumpu!”

ROMA 1:16

Ku palesaya hondo na Lele Ma'ima' aijo', kalana lele aijo' kahosonan nu Tumpu momposalamat iwi-iwi' na mian palesaya; momonanyo hi mian Yahudi, ka' bansa suele sangga'at.

ROMA 8:34

Pa' daagi' ko mian anu mongka'oho' mompo sala' kita? I Kristus Yesus na montinjohi kita! Ia na anu sinilakamo, kabai memanga Iamo na po'ule'mo pinotumuu' salatan Ia sinilaka ka' kiita'mo mae hi Tumpu i tampat anu mongkuasai.

2 KORINTUS 4:4

Pilogot ide-idek anu mongkuasai dunia aiya nongkulubimo pikilan nu to mia-mian anu madi' palesaya aijo'. Iamo na lewa' molingkang aha da aha madi' montoa jingka nu Lele Ma'ima' aijo' mongkona katalasanggoan i Kristus, anu salaku gambalan nu Tumpu Allah.

KOLOSE 3:1

Komiu po'ule'mo pinotumuu' hingga-hinggat tiba i Kristus. Mokonyo aijo' tionyo ahi' komiu bala usaha da mohumpak hahan anu i suluga', anu kiita' mae na i Kristus mompalentah hingga-hinggat tiba Tumpu.

TITUS 2:14

Ia nongkulubanakonmo butong-Nyo kalana kahanda' mompobebas kita da iwi-iwi' na anu ma'idek bolimo obaunto, ka' mompotimbalimo kita mian anu binebasmo madi'mo ko dosa'nyo ka' samata-mata iamo na tumpu-Nyo, ka' makekemo na mombau anu ma'ima'.

IBRANI 1:13

Tumpu madi' toho' notatae hi samian pe'e na malaikat sumo uuka: “Suhangmo i sasu koanan-Ku, sahingga anu mompaha bali' belento Ku popatundu'mo hi belento.”

IBRANI 10:12

Panyo i Kristus nonsombahkon poso' sa'angu' na koloban bau pongampuni dosa', ka' koloban aijo' montanggungimo sampe toka sidu-sidutu'. Noko lapas na nonsombahkon koloban aijo', i Kristus sinumuhangmo i sasu koanan nu Tumpu ka' nompalentahmo hingga-hinggat tiba Ia.

IBRANI 12:2

Anu otoanto tionyo saja' hi Yesus, kalana Ia na mompodaagi' imanto, ka' monjagai ka salatan pe'e i moonanyo toka-toka i mihinyo. I Yesus nongintimmo sakisa i kau' salib! Madi' pinajulannyo na Ia silaka i kau' salib aijo' salaku sa'angu' na han anu mongambangi. Ia ola monginau' kalame'an anu nu oa'ije i mihinyo mae. Uuka aiya Ia sinumuhangmo i sasu koanan nu kasuhangan nu Tumpu ka' mompalentahmo hingga-hinggat tiba Ia.

IBRANI 4:14

Mokonyo aijo' kita tionyo ahi' mintoong hoso-hoson i pangakuan nu kapalesaya'anto. Kalana kita daagi' ko Imam Daka' anu talasanggo, anu ninsoopmo sampe tinoka i ahop nu Tumpu Allah – atina'mo i Yesus anak nu Tumpu.

IBRANI 7:27

Ia madi' sumo to ima-imam daka' sangga'at, anu toka sansina-sinaa tionyo monsombahkon koloban kalana posi dosa'nyo iwi-iwi', lapas aijo' atina'je ka' kalana to dosa-dosa' nu mian anu palesayamo. I Yesus nonsombahkon koloban ola ninsan panyo tinanggungnyomo sampe toka sidu-sidutu', tempo'nyo Ia nonsombahkonmo posi butong-Nyo salaku bau koloban.

IBRANI 8:1

Pinolengkatan nu anu sinisik iwi-iwi' aiya atina'mo: Kita daagi' ko Imam Daka' anu sumo aijo', anu sumuhang mompalentah hingga-hinggat tiba Tumpu Anu Matangkas na kuasanyo kiita' i suluga'.

IBRANI 9:16

De daagi' ko sulat anu montalangkan ihe na tumpunyo nu halata' nu mian anu sinilakamo, tantu daagi' ko bukuti'nyo nu mian anu nombaumo sulat aijo' montutuhakon ia aijo' sinilakamo.

IBRANI 9:26

Kalana desumo aitu, aijo' alati'nyo saja' pino'uli-ulit-Nyo na nongoa'i kasansala'an salatanmo pe'e dunia aiya pinotimbali. Panyo bukuti'nyo, uuka aiya i tempo' anu i mihinyomo aiya, Ia tinoka ola ninsan da mompobelesi dosa', aijo'mo nongkolobanakonmo posi butong-Nyo.

1 PETRUS 1:21

Kalana Ia sahingga komiu pinalesayamo hi Tumpu anu po'ule'mo nompotumuu' Ia sinilaka ka' nompopodaka'mo Ia. Jadi Tumpu Allah ahi' na anu opalesaya nu belemiu, ka' hi Tumpu ahi' na bau kataha'imanan nu belemiu.

1 PETRUS 3:22

ka' noliba'mo i suluga'. Uuka aiya Ia mongkuasaimo hingga-hinggat tiba Tumpu ka' mompalentahmo malaikat iwi-iwi', iwi-iwi' anu ko kuasanyo tiba iwi-iwi' na anu mahoson.

2 PETRUS 1:16

Tempo'nyo kami nompoto'i hi belemiu i Yesus Kristus Tumpunto toka talasanggo hondo, kami madi' nohongo hi sisik anu toto bale-baleko' anu ola pohumpakan puji' nu mian. Katalasanggoan i Kristus aijo' tinoamo mami nu posi mata mami.

2 PETRUS 1:17

Kami kiijo' mae tempo'nyo Ia ingadatan ka' pinotalasanggo nu Tumpu Tuumanto. Tempo'nyo aitu i hongo na potatae lengkat mae hi Anu Talasanggo anu notatae hi Ia, “Aiyamo na Anak-Ku anu ku ku kalibosi. Ia momposanang kinyonyoang-Ku!”

1 YOHANES 1:7

Panyo de kita tumuu'mo i uno nu jingka susumo Tumpu i uno nu jingka, saba' kita suele ahi' tumuu' sambukumo, mompaha dame-damemo samian ka' samian, ka' baso' i Yesus, Anak-Nyo, na mompolomasmo dosa'to iwi-iwi'.

1 YOHANES 3:5

Osumbu' miu saba' i Kristus toka mae da monsapui to dosa-dosa' nu mian, ka' memang madi'mo ko dosa'nyo i uno nu butong-Nyo.

YUDAS 1:25

Olamo Ia sa'a-sa'angu'nyo na Tumpu anu Momposalamat kita nontului jalan hi Yesus Kristus Tumpunto. Iamo na Tumpu anu talasanggo, opopodaka', mongkuasai ka' anu o'angga'i salatanmo pe'e naipuan mae sampe tempo' uuka aiya ka' sampe toka sidu-sidutu'. Amin. 1

ANU PINOTO'I HI YOHANES 3:21

Aha anu inguntungmo i uno nu kasabalan, Ku pobee'je sumuhang i kasuhangan-Ku tiba Aku, pokakana sumo Aku suele inguntungmo i uno nu kasabalan ka' uuka aiya sinumuhangmo tiba Tuumang-Ku i kasuhangannyo.

ANU PINOTO'I HI YOHANES 4:11

“O Tumpu, o Tumpu mami! Ola Belento na pantas montalima pompuji', pongadati ka' kuasa. Kalana Belento na nompotimbali iwi-iwi' na apaa, ka' kalana pongka'oho' nu Belento suele iwi-iwi' apaa tinimbalimo, ka' tinumuu'mo.”