IBRANI 1:2 - KITAB NU TUMPU ALLA LELE MA'IMAI'

² Panyo tempo' uuka Ia basisik hi kita, Anak-Nyomo na mompotoka hi kita. Anak-Nyomo aiya na nombau pakalaja'an nu Tumpu nompotimbali dunia aiya songko-songko. Ka' suele Tumpu nontantukanmo tukoonyo Anak-Nyomo aiya na mohaki iwi-iwi'.

IBRANI 1:2 Iomraidhean Croise

KAJADIAN 49:1

Lapas aijo' i Yakub nolagamo to ana-anaknyo ka' notatae, “Imbo' sihuk mae i aiya, koko aku. Da ku poto'i hi belemiu apaa na anu o'oa'ije nu belemiu, sinaa aiya mae i mihi:

YESAYA 2:2

Isinaa anu aiya mae ihop puge'nyo tampat Laigan nu Tumpu matangkasmo ka' tuminjo'mo hodi-hodi' aita ito bungku-bungkutnyo ka' mule' to puge-puge'nyo. Iwi-iwi' na bansa moduyu-duyutmo mamba mokiijo',

YESAYA 44:24

Sumo uuka na koonyo nu Tumpu anu Momposalamatmo beleyum anu nompotimbalimo beleyum daagi' pe'e i uno nu ma'alum, “Akumo na Tumpu anu nompotimbalimo iwi-iwi na apaa, anu nombokamo aita' langit ka'nompotimbalimo tano' mau madi' ko anu nontulungi.

YESAYA 45:12

Akumo na Tumpu anu nompotimbalimo dunia aiya, ka' mule' nompotimbalimo mian da monjojoongi. Tiba kakuasa'an-Ku, Aku nombokamo langit ka' nompalentahmo batu nu sinaa, bitu'on tiba to manda-mandala'.

YESAYA 45:18

Tumpu na nompotimbali langit, Lamo ia Tumpu! Lamo ia nompotimbali ka' mule' nontali' dunia aiya, binaumo hoso-hoson ka' tataap satinjonyo. Ia madi' nompotimbali tampat anu liing hondo, panyo tampat da bau kajojoongan. Lamo ia notatae, “Akumo na Tumpu ka' madi'mo kosangga'atannyo.

YEREMIA 48:47

Panyo sinaa anu aiya mae i ahop po ule'mo Ku sule'akon na kantumuu'an nu lipu' Moab. Aku, Tumpu notataemo!” Sumo aijo' na anu tionyo ahi' nu bau nu Tumpu hi aha mian nu Moab.

YEHEZKIEL 38:16

Lantas nu tumbuhimo na mian Israel anu palesayamo hi beleng-Ku susumo antong anu daka' hondo montintipmo tano'. De tokamo na tempo'nyo, beleyum Ku saimo mae da monjojoongimo tano'-Ku. Tiba jalan sumo aiya Aku nonggunakonmo beleyum o, Gog, nusumbu'je nu to bansang-bansang ihe sabenannyo na Aku, aijo'mo Tumpu Allah anu susi'.

DANIEL 10:14

Aku tinoka mae da mompopangalati' beleyum da osumbu' pa' apaa na anu jadi saidi' mae hi bansa nu belemiu. Anu tinoa aijo' mongkona sinaa anu aiya mae i ahop.”

DANIEL 2:28

Panyo kiita' i suluga daagi' ko Tumpu na anu monsumbu' mompoto'i lahasia iwi-iwi' ka' noko poto'i-Nyomo hi Belento Tuanku apaa na anu jadi saidi' mae imihi. Uuka aiya pobee'mae na aku de timbali da montalangkan ipion ka' apaa na anu tinoamo nu belento Tuanku titinoamo tempo'nyo hoyo-hoyot aijo'.

HOSEA 3:5

Panyo tokaje mae na tempo'nyo bansa Israel po'ule'mo ninsusule' hi Tumpu nu aha, ka' hi tomundo' nu aha anu lengkat mae hi lee' i Daud. Lantas aha mabuhukmo ka' moholomatimo Tumpu ka' montalimamo to bala-balakat-Nyo.

MIKHA 4:1

I sinaa anu aiya mae o ahopi puge'nyo pipinombauan Laigan nu Tumpu tuminjomo hodi-hodi' ka' matangkas hondo lebemo moliu-liu to bungku-bungkutnyo ka' to puge-puge'nyo. Iwi-iwi' na bansa mododuyutanmo mambamo mompanjolongi

NOMBILANGMO 24:14

Notatae na i Bileam hi Balak, “Uuka aiya aku minsusule'mo i bansangku. Panyo ma'isa pe'e aku mamba ku poto'imo hi belento Tuanku apaa na anu saidi' mae nubau nu bansa Israel hi bansa nu belento Tuanku i sinaa anu aiya mae o ahopi.”

MATIUS 13:39

Sampobali' anu nonsu'an padang haha aijo' Ibilis. Tempo' nu mompadak, aijo'mo Sinaa Kiamat, ka' to mia-mian anu mompadak aijo'mo na to mala-malaikat.

MATIUS 17:5

Hau-haunyo i Petrus daagi' motatae, sehu' anu majingka hondo nohohungimo aha, ka' lengkat i sehu' aijo' tolohongo na potatae anu nontaloakon, “Aiyamo na Anak-Ku anu Kuku kalibosi. Ia momposanang kinyonyoang-Ku. Hongo na Ia!”

MATIUS 21:38

Panyo salatan anu mokalaja ale' aijo' nontoa anak nu tumpu nu tano' aijo', aha notatae samian ka' samian, ‘Toa, aiyamo na ia anu montoongi pusaka'nyo. Imbo' da o patei na ia, da kita na mohumpak pusaka'nyo!’

MATIUS 26:63

Panyo i Yesus ola nomohokot. Po'ule' mule' Imam Daka' notatae hi Ia, “Tiba sanggo nu Tumpu anu tumuu', taeakon mae hi kami, apaa Beleyum Tomundo anu Momposalamat, Anak nu Tumpu?”

MATIUS 28:18

I Yesus nongohani aha ka' notatae, “Iwi-iwi' na kuasa i suluga' ka' i dunia aiya binee'mo hi beleng-Ku.

MATIUS 3:17

Lapas aitu hongomo na potatae nu Tumpu nontaloakon, “Aiyamo na Anak-Ku anu Kuku kalibosi. Ia momposanang kinyonyoang-Ku.”

MARKUS 1:1

Aiyamo na Lele Ma'ima' anu mongkona i Yesus Kristus, Anak nu Tumpu.

MARKUS 12:6

Ihe mule' na anu timbali osai nu tumpu nu ale' aijo'? Me ahi' samian, aitumo posi anaknyo anu nunu kalibosi. Jadi ahennyo ia nonsai anaknyo aijo' hi anu mokalaja aijo'. ‘Tantu anaku o angga'i,’ na tinutugannyo.

MARKUS 12:7

Panyo anu mokalaja aijo' notatae samian ka' samian, ‘Aiyamo na ia lee' nu tumpuionnyo. Imbo' da opateinto na ia, da pusaka'nyo kita na mohumpak!’

YOHANES 1:10

Potatae nu Tumpu daagi'mo i dunia, dunia pinotimbali nu potatae-Nyo, panyo dunia madi' monsumbu' Ia.

YOHANES 1:14

Potatae nu Tumpu tinimbalimo mian, Ia jinojoongmo aiya hi kita, ka' kita nontoamo katalasanggoan-Nyo. Katalasanggoan-Nyo tinalimanyomo salaku anak sa'a-sa'angu'nyo nu Tuuma. Kalana Ia, sahingga kita nontoamo Tumpu ka' kalibosan-Nyo hi kita.

YOHANES 1:3

Iwi-iwi' na anu pinotimbali nolengkat mae hi Ia, ka' iwi-iwi' na anu daagi', madi' ko sa'angu' pe'e na anu pinotimbali de misa' Ia.

YOHANES 13:3

Sinumbu'mo i Yesus na Tuumanyo nombee'mo iwi-iwi' na kuasa hi Ia. Nusumbu' suele na Ia, lengkat mae hi Tumpu, ka' po'ule' minsusule' hi Tumpu.

YOHANES 13:32

De Tumpu opopodaka' kalana Ia, Ia suele opopodaka' nu Tumpu kalana apaa na anu timbalimo i butong-Nyo. Ka' memang Tumpu malia-lia'mo na mompopodaka' Ia.

YOHANES 15:15

Komiu madi'mo Ku laga botuan, kalana botuan madi' monsumbu' apaa na anu hau-haunyo nubau nu tuannyo. Komiu Ku laga bela' kalana iwi-iwi' na anu i hongong-Ku lengkat mae hi Tuuma, pinoto'ingkumo hi komiu.

YOHANES 16:15

Iwi-iwi' anu daagi' hi Tuuma, aijo' anung-Ku. Mokonyo aijo', Aku motatae, apaa na anu nupotoka nu Roh hi komiu, tinalima-Nyo lengkat hi beleng-Ku.”

YOHANES 17:2

Kita Tuuma nombee'mo kuasa mompalentah iwi-iwi' na mian hi Anak, da Ia mombee'i kantumuu'an kopian ka' toka sidu-sidutu' hi iwi-iwi' na mian anu binee'mo nu Tuuma hi Ia.

YOHANES 3:16

Kalana sumo aitu na Tumpu mongkalibosi mian i dunia aiya, sahingga Ia nombee' Anak-Nyo samba-sambatunyo da ihehe na mian anu palesaya hi Ia madi' mohumpak ka'idekan, panyo mohumpak kantumuu'an talakana' ka' sampe toka sidu-sidutu'.

YOHANES 3:25

Toto sangga'at anu saja' mombatuki Yohanes, nontampu'unimo pinainggaga tiba mian nu Yahudi mongkona atulan nu mompobelesi' butong.

YOHANES 5:26

Sumo Tuuma pinolengkatan nu kantumuu'an, Ia suele mompotimbali Anak-Nyo polengkatan nu kantumuu'an.

YOHANES 5:27

Ia nombee'mo hi Anak-Nyo hak momputusi hukuman, kalana Ia Anak nu Mian.

YOHANES 9:29

Osumbu' mami saba' Tumpu notataemo hi Musa. Panyo mongkona mian aijo', madi' osumbu' mami pa' iyamae na pinoleng katan-Nyo.”

SISIKON NU TO RASUL-RASUL 10:36

Sinumbu'mo nu to Utu-utus na isi nu lele anu pinotoka nu Tumpu hi bansa Israel. Lele aijo' aitumo Lele Ma'ima', mongkona paladamean hi Yesus Kristus, aitumo Tumpu nu iwi-iwi' mian.

SISIKON NU TO RASUL-RASUL 2:17

Tumpu notatae, ‘Tempo'nyo sinaa aiya mae imihinyo kulambe'akonje na Roh-Ku hi iwi-iwi' na mian. Ana-anakum anu to momo'ane ka' ana-anakum to bouboune mompoto'ije hi komiu hahan anu Ku poto'i hi aha. To mia-mian olitau miu montoaje hahan anu Ku poto'i hi aha. To mia-mian tu'anyo miu mongipije mongkona ipion anu Ku poto'i hi aha.

ROMA 1:4

panyo salaku Tumpu Ia memang Anak nu Tumpu. Aijo' nyata' i kuasa anu madi' ko gampanyo kalana mau sinilakamo na Ia panyo po'ule' tinumuu'.

ROMA 8:17

Jadi, de kita to ana-anak-Nyo, tantu kita mule' ko hak mohumpak hi Ia, anu tionyo montalima to bala-balakat anu pinosadiamo nu Tumpu bau bagi nu to ana-anak-Nyo. Kita tionyo mohumpak hingga-hinggat tiba i Kristus apaa na anu pinosadiamo nu Tumpu hi Ia; kalana de kita mongoa'i sansala tiba i Kristus, kita suele opopodaka' tiba Ia.

1 KORINTUS 2:7

Kapandean anu kupoto'i aitu aijo'mo kapandean lengkat mae hi Tumpu. Kapandean aijo' madi' nusumbu' nu dunia, panyo tinoukanmo nu Tumpu bau kabilahianto salatanmo pe'e dunia aiya ma'isa binau.

1 KORINTUS 8:6

Panyo hi kita, Tumpu ola sa'a-sa'angu'nyo. Ia Tuuma anu nompotimbalimo iwi-iwi' na anu daagi'. Bau kapaluan-Njo na kita tumuu'. Ka' Tumpu suele ola sa'angu', aijo'mo i Yesus Kristus. Anu binau iwi-iwi' nolengkat mae hi Ia, ka' kalana Ia sahingga kita tinumuu'mo.

GALATIA 4:4

Panyo tinokamo i tempo'nyo anu tinantukanmo, Tumpu nonsaimo mae Anak-Nyo namba i dunia. Anak-Nyo aijo' i hampeakon nu samian na boune ka' tinumuu'mo i uno nu kakuasa'an nu atulan nu agama.

EFESUS 1:10

Tanga'annyo aijo' da iwi-iwi' na apaa, mau anu i suluga' mau anu i dunia, mosa'angu'mo tiba i Kristus salaku kapala. Ka' han aijo' nu potimbalije nu Tumpu de tokamo na tempo'nyo.

EFESUS 3:9

ka' mule' da montului aku iwi-iwi' na mian monsumbu' mosia na Tumpu, anu Nompotimbalimo dunia aiya mombaumo tanga'an-Nyo anu daagi' pe'e daulu' kalam pinohowinimo i dunia aiya.

PO'ULE' INGULIT 18:15

Panyo ola mule' ahi' anu aiya hi posi bansanto na monsai samian na nabi mamba hi belemiu susumo aku aiya ka' tionyo ahi' tulu-tulutan na belemiu hi Ia.

PO'ULE' INGULIT 31:29

Ku sumbu' saba' de aku silakamo mian haha aijo' timbalimo ma'idek ka' madi'mo mongala apaa na anu pinotingankumo hi aha. Ka' aha saidi' mae nutokaimo nu balaa' kalana nonsaduakonmo da Tumpu notambuha' kalana nombaumo apaa na anu tinewa'-Nyomo.”

PO'ULE' INGULIT 4:30

De belemiu nutokai nu balaa' aijo' iwi-iwi' ka' belemiu i uno nu kasusa'an, saba' belemiu minsusule'mo hi Tumpu Allah nu belemiu ka' tulu-tulutanmo hi Ia.

IBRANI 1:5

Madi' toho' Tumpu notatae sumo uuka hi samian pe'e na malaikat; “Beleyumo na Anak-Ku; sinaa aiya Aku timbalimo Tuuma nu beleyum.” Ka' mule' madi' toho' Tumpu notatae sumo uuka mau mule' kona hi malaikat anu pa' iyamae, “Akumo na timbali Tuumanyo, ka' ia timbalimo Anakku.”

IBRANI 1:8

Panyo hi Anak aijo', Tumpu notatae, “Kalaja'an nu Belento, o Tumpu, sangkutnyo sampe toka sidu-sidutu'! Kapalentahan nu Belento atina'mo na kapalentahan anu adin.

IBRANI 11:3

Kalana bala'iman, sahingga osumbu'to na dunia aiya taalu' pinotimbali nu potatae nu Tumpu; jadi, apaa na anu otoanto, pinotimbalimo nu anu madi' otoanto.

IBRANI 2:3

Pakalaus mule' de kasalamatan anu lebe daka' na angga'nyo ka' anu molingkuduimo potuunon haha aijo'! De kita madi' saja' monginau' kasalamatan aijo', tantu kita madi' molapas i hukuman. Kalana Tumpu na momonanyomo nompoto'i kasalamatan aijo', ka' to mia-mian anu momonanyo nohongo nomponyata'mo anu totu'unyo hi kita.

IBRANI 3:6

Panyo i Kristus tinulu-tulutanmo salaku Anak anu mompangakui kalajanyo i uno nu Laigan nu Tumpu. Ka' kita aiya atina'mo na Laigan nu Tumpu, de kita tataap daka-daka' na kinyonyoa ka' tataap palesaya totu-totu'u da mohumpak apaa na anu otaha'imaninto.

IBRANI 4:14

Mokonyo aijo' kita tionyo ahi' mintoong hoso-hoson i pangakuan nu kapalesaya'anto. Kalana kita daagi' ko Imam Daka' anu talasanggo, anu ninsoopmo sampe tinoka i ahop nu Tumpu Allah – atina'mo i Yesus anak nu Tumpu.

IBRANI 5:8

I Yesus atina'mo na Anak nu Tumpu, panyo maumo sumo aijo', Ia binala gulu'mo da timbali tulu-tulutan, aijo'mo Ia nongoa'imo kasansala'an.

IBRANI 7:28

Atulan nu agama Yahudi mohangkat mian anu madi' ma'ima' da timbali imam daka'. Panyo salatan noko lapasmo na atulan aijo', Tumpu nojanji'mo ka' sinumpa'nyomo tukoonyo Ia mohangkatmo anu salaku bau Imam Daka', Anak anu pinotimbalimo bau Pomposalamat totu-totu'u ma'ima' sampe toka sidu-sidutu'.

IBRANI 7:3

Mongkona i Melkisedek aiya madi' ko katalangan maumo pa' iyamae, pa' ia ko tuuma kabai tina kabai mompolee'; ka' suele madi' ko katalangannyo mongkona kinahampeannyo, kabai mule' ia sinilaka. Ia pokakana sumo Anak nu Tumpu; ia atina'mo na imam anu sampe toka sidu-sidutu'.

IBRANI 9:26

Kalana desumo aitu, aijo' alati'nyo saja' pino'uli-ulit-Nyo na nongoa'i kasansala'an salatanmo pe'e dunia aiya pinotimbali. Panyo bukuti'nyo, uuka aiya i tempo' anu i mihinyomo aiya, Ia tinoka ola ninsan da mompobelesi dosa', aijo'mo nongkolobanakonmo posi butong-Nyo.

1 PETRUS 1:20

I Kristus pinile'anmo nu Tumpu ma'isa pe'e dunia aiya pinotimbali. Ka' i sinaa aiya tempo' nu mongahopimo kakiamatan, Ia tinokamo i dunia da belemiu oposalamat.

2 PETRUS 3:3

Momonanyo belemiu tionyo ahi' monsumbu' saba' sinaa anu i mihinyo mae, tokamo na to mia-mian anu kantumuu'annyo kinuasanmo nu napisu nu aha. Aha na saidi' mae monjojoamo belemiu

YUDAS 1:18

Aha nompoto'imo momona hi komiu tukoonyo de malia'mo toka na sinaa kakiamatan lubatmo na to mia-mian anu monjojoa komiu, aijo'mo to mia-mian anu tumuu' montuluti apaa na anu nu kamilui nu aha sahingga monsaduakonmo anu moko baladosa'.