IBRANI 1:1 - KITAB NU TUMPU ALLA LELE MA'IMAI'

¹ Tempo'nyo naipuan mae Tumpu ola saja' basisik hi mompolee'to nupotoka nu to nabi-nabi ka' mompake ngangahan nu anu obau.

IBRANI 1:1 Iomraidhean Croise

KAJADIAN 3:15

Oko ka' boune aijo' saja' mompaha ka'i-ka'ideki, lee'nyo ka' lee'um saja' mompahabali'. Lee'nyo mohansuni ubakum ka' oko monsa'u pantigan nu aha.”

KAJADIAN 6:3

Sahingga notataemo na Tumpu, “Aku madi'mo situju manusia tumuu' sampe toka sidu-sidutu'; aha anu ko nyawanyo madi'mo tumuu' sampe toka sidu-sidutu', aha tionyo ahi' silaka. Otampu'uni uuka aiya umun nu aha madi'mo molabii 120 na taun.”

YOËL 2:28

“Lapas na aijo' iwi-iwi' na mian Ku bee'imo rok-Ku. Sahingga to ana-anak mo'ane, boune mompoto'imo anu Ku potuun; to tu'a-tu'anyo atina' hi belemiu mongipimo anu otoa opotoamo hi olitau ka' langkoyang.

LUKAS 1:55

Tumpu madi' mongkolilimi janji'-Nyo, kinyonyoa-Nyo manonong hi Abraham ka' lee'nyo sampe toka sidu-sidutu'.”

LUKAS 1:72

Da mompotoa ka'ima'an nu kinyonyoa-Nyo hi mompolee'to, janji'-Nyo anu belesi' tionyo Nupodaagi'.

LUKAS 24:27

Lapas aijo' i Yesus nontutuhakonmo hi aha apaa na anu tinulis i uno nu ingko-ingkot Kitab nu Tumpu mongkona butong-Nyo, lengkat pe'e i Kitab-kitab i Musa ka' kitab nu to nabi-nabi.

LUKAS 24:44

Lapas aijo' Ia notataemo hi aha, “Aiyamo na hahan anu pinoto'ingkumo hi komiu tempo'nyo Aku daagi' nojajalan tiba komiu: tukoongku apa-apaa na anu tinulis mongkona Aku i uno nu Kitab-kitab i Musa, to Nabi-nabi, ka' Mazmur, tionyo timbali.”

YOHANES 16:13

Panyo de Roh aijo' tokamo, aijo'mo Ia na momponyata' katotu'uan mongkona Tumpu, komiu nu potiju'je da monsumbu' iwi-iwi' anu totu'u. Ia madi' monsisik posi butong-Nyo, panyo montaeakon apaa na anu i hongo-Nyomo, ka' nu poto'ije hi komiu apaa na anu timbali i sinaimihi mae.

YOHANES 7:22

I Musa nombee'i komiu atulan da o sunat – mau mule' sunat aijo' sabenannyo misa' nolengkat mae hi Musa, panyo lengkat mae hi to tutuuma nu nompolee' ma'isa pe'e kino i Musanyo. Kalana aijo', mau mule' i sinaa nu Sabat komiu mongka'oho' monsunat mian.

YOHANES 9:29

Osumbu' mami saba' Tumpu notataemo hi Musa. Panyo mongkona mian aijo', madi' osumbu' mami pa' iyamae na pinoleng katan-Nyo.”

SISIKON NU TO RASUL-RASUL 13:32

Jadi, uuka aiya kami mompotokakon Lele Ma'ima' aijo' hi komiu: Apaa na anu jinanji'akonmo nu Tumpu hi mompolee'to,

SISIKON NU TO RASUL-RASUL 2:30

Tumpu noko bajanji'mo hi Daud, tiba sumpa', saba' sala' samian lengkat i lee'nyo ohangkatje nu Tumpu timbali tomundo. Kalana i Daud monsumbu' janji' aijo', ka' kalana ia suele nabi,

SISIKON NU TO RASUL-RASUL 28:23

Sahingga aha ka' i Paulus nontantukanmo sa'angu' na sinaa da bau pompahakabotan. I sinaa aijo' dina'isan na mian tinoka nokiijo' i kajojoongan i Paulus. Lengkat pe'e subu tinoka mamalom, na i Paulus nontalangkan nompotoka hi aha lele mongkona mosia na Tumpu mompalentah sumo Tomundo'. To ayat-ayat lengkat i Kitab i Musa ka' Kitab nu to Nabi-nabi, na pinake i Paulus, ia mompagala da aha palesaya hi Yesus.

SISIKON NU TO RASUL-RASUL 3:21

Ia tionyo jojoong i suluga' sampe Tumpu mompotimbalimo iwi-iwi' bu'ou sumo anu tinaloakonmo nu Tumpu hi to nabi-nabi-Nyo, anu pinotokanyo hi komiu daagi' pe'e u'utu mae.

IBRANI 11:18

Tumpu notataemo hi Abraham, “Hi Ishakje aiya na beleyum mohumpak lee' anu jinanji'kumo hi beleyum.”

IBRANI 11:2

Kalana bala'iman, sahingga to mia-mian naipuan mae kina'ima'anmo nu Tumpu.

IBRANI 12:25

Kalana aijo', balajaga-jaga da boli komiu madi' mongka'oho' mohongo Ia anu notataemo aijo'. Aha anu madi' mongka'oho' mohongo Ia anu tinokamo i dunia ka' nompotokamo lele lengkat mae hi Tumpu Allah, madi' timbali da madi' palesaya hi Ia. Apaa mule' kita aiya anu nohongomo Ia, anu notataemo lengkat mae i suluga'! De kita madi' mongka'oho' mohongo Ia, iya na kita timbali o ampuni i kasala'an!

IBRANI 2:2

Iwi-iwi' na anu pinotuunmo ka' pinotokakonmo nu to mala-malaikat hi mompolee'to i nyata'mo hondo, ka' mian anu madi' montuluti, kabai mian anu madi' montapali mohumpak hukuman anu konanyomo na o hukum sumo aijo'.

IBRANI 2:3

Pakalaus mule' de kasalamatan anu lebe daka' na angga'nyo ka' anu molingkuduimo potuunon haha aijo'! De kita madi' saja' monginau' kasalamatan aijo', tantu kita madi' molapas i hukuman. Kalana Tumpu na momonanyomo nompoto'i kasalamatan aijo', ka' to mia-mian anu momonanyo nohongo nomponyata'mo anu totu'unyo hi kita.

IBRANI 3:5

I Musa tulu-tulutan hondo salaku posaihon i uno nu Laigan nu Tumpu ka' mompotokakon hahan anu nu poto'ije nu Tumpu Allah aiyamae i ahop.

IBRANI 4:8

De bisuannyo i Yosua nombee'imo mian haha aijo' da mingkain sumo jinanji'mo nu Tumpu, saba' Tumpu madi'mo daagi' notatae mongkona sinaa sangga'at.

IBRANI 5:5

Sumo aijo'mo na i Kristus. Ia madi' nohangkat posi butong-Nyo da timbali Imam Daka'. Posi Tumpu na nohangkatmo Ia. Tumpu notatae hi Ia, “Anak-Ku na Beleyum; sinaa aiya Akumo na Tuuma nu Beleyum.”

IBRANI 9:19

Momonanyo i Musa nompoto'i iwi-iwi' na palentah atulan nu Tumpu hi bansa Israel. Lapas aijo' i Musa nongalamo baso' nu anak nu sapi' ka' baso' nu mee' mo'anenyo, lantas ginalo'annyomo nu uee, lapas aijo' pinipi'akonnyomo i Kitab nu Atulan anu lengkat mae hi Tumpu ka' hi iwi-iwi' na bansa Israel mompake hemput hisop ka' bulu nu domba buhitnyo momea' hondo na bau pompipi'akon.