FILIPI 4:9 - KITAB NU TUMPU ALLA LELE MA'IMAI'

⁹ Opojalan apaa na anu ginulu'anmo miu, ka' anu ingalamo miu hi belengku; mau anu tinaeyakonku, mau pe'e anu binaungkumo. Tumpu Allah anu pinolengkatan mae nu ka'ima'an na montoa komiu.

FILIPI 4:9 Iomraidhean Croise

YESAYA 41:10

Boli mabuhuk kalana Aku na monsangalui beleyum, boli baat-bata, kalana Aku na Tumpu nu beleyum. Beleyum Ku pokododomo ka' Ku tulungimo, Ku taka'mo nu limang-Ku anu timbali otaha'imani.

YESAYA 8:10

Pombau tanga'an panyo iwi-iwi' aijo' madi' mingkaliangan. Pongala kaputusan panyo madi' kogunanyo, kalana Tumpu monsangalui kami.

MATIUS 1:23

“Samian na boune anu ma'isa toho' nonganak ia na poboa ka' mohampeakon samian na anak mo'ane. Anak aijo' osanggohi Imanuel.” (Imanuel te basa' nu Ibrani alati'nyo, “Tumpu monsangalui kita”.)

MATIUS 28:20

O' ajan na aha mohongo-hongo iwi-iwi' apaa na anu Pinalentahkon-Kumo hi komiu. Ka' o inau', Aku saja' monjagai komiu sampe sinaa imihinyo mae.” 110

MATIUS 7:21

“Madi' iwi-iwi' na mian anu molaga Aku, ‘Tumpu, Tumpu,’ anu moko ala timbali mian anu palesayamo hi Tumpu, panyo ola to mia-mian anu mombau kahanda' nu Tuumang-Ku anu i suluga'.

LUKAS 6:46

“Ka' kadaka' komiu molaga Aku, ‘Tumpu, Tumpu,’ panyo madi' mombau anu Kupoita hi komiu?

LUKAS 8:21

Panyo i Yesus notatae hi aha, “To mia-mian anu mohongo potatae nu Tumpu ka' montuluti, ahamo na tina ka' to utu-utus-Ku.”

YOHANES 13:17

De osumbu'mo miu iwi-iwi' aiya, bilahi na komiu de mombau.

YOHANES 15:14

Komiu atina'mo na to bela-bela'-Ku, de komiu mombau apaa na anu pinalentahkon-Kumo hi komiu.

YOHANES 2:5

Panyo tina i Yesus notatae hi to posa-posaihon, “Baumo pa' apaa na anu tinaloakon-Nyo hi komiu.”

SISIKON NU TO RASUL-RASUL 9:6

Panyo uuka bulamo ka' pinsoop mokiijo' i kota. I kiijo' mae opoto'ije hi beleyum apaa na anu tionyo nu bau.”

ROMA 15:33

O amalakon da Tumpu mombee'i mae kabilahian hi mian mombalakati komiu Utus iwi-iwi'. Amin.

ROMA 16:20

Tumpu anu mombee'i ka'ima'an hi mian, malia'mo mompotundu' Ibilis i aluk nu kakuasa'anum, ka' mohopu'imo ia. O amalakon da to Utu-utus saja' Nubalakati Yesus Kristus Tumpunto!

1 KORINTUS 10:31

Mau mule' apaa na obau nu kita Utus – kita Utus mongkaan kabai kita Utus monginum – baumo na aijo' iwi-iwi', bau pompopodaka' Tumpu.

1 KORINTUS 14:33

Tumpu aijo' te Tumpu anu mongka'ima'i da ta'atun; Ia misa' Tumpu anu mongka'ima'i da tabuntala. Sumo anu tinimbalimo hi iwi-iwi' na jama'at nu Tumpu,

1 KORINTUS 4:16

Mokonyo aijo' kupoita da komiu sabole-bole mombatuki sonto'ku.

2 KORINTUS 13:11

Ahennyo, to Utu-utus, sabole-bole ahi' komiu lame', ka' bala usaha da timbali ganap. Ala na pokinde'ku iwi-iwi'. Sabole-bole ahi' komiu momposa'angu' kinyonyoa ka' mompaha hongo-hongo. Tumpu Allah Anu talalo Mongkalibosi ka' saja' mompodame, aijo' na saja' monjagai komiu.

PO'ULE' INGULIT 5:1

I Musa nomposihukmo iwi-iwi' na aha bansa Israel, lantas notataemo hi aha, “To Utu-utus, potombihing mae na atulan haha aiya anu ku bee' hi belemiu sinaa aiya. Opakalioi na atulan haha aijo' ka' otuluti boli okolilimi.

FILIPI 3:17

To Utu-utus iwi-iwi'! Batuki na sonto'ku. Kami nombee'imo sonto' anu totu'u, mokonyo aijo' opalahatikan ima-ima' na to mia-mian anu nombatukimo sonto' mami aijo'.

FILIPI 4:7

Sahingga ka'ima'an anu lengkat mae hi Tumpu, anu madi' opoko ala osumbu' nu mian, monjagaije kinyonyoa ka' pikilan miu anu nosa'angu'mo tiba i Kristus Yesus.

1 TESALONIKA 1:6

Komiu mombatukimo sonto' mami, ka' sonto' nu Tumpu. Mau mule' komiu talalo mongoa'i sansala, otalima miu nu lame' na lele anu opolele hi komiu. Kalame'an aijo' binee' nu Roh nu Tumpu.

1 TESALONIKA 2:14

To utu-utus, han anu ingoa'anmo miu ingoa'anmo suele nu jama'at nu Tumpu i Yudea anu tinimbalimo i Kristus Yesus na tumpu-Nyo. Komiu nongoa'i kasansala'an lengkat i posi bansa miu, sumomo anu ingoa'an nu to jama-jama'at nu Tumpu i Yudea, aijo' lengkat mae hi to mia-mian nu Yahudi.

1 TESALONIKA 5:23

O amalakon da posi Tumpuje na mombee'i kita ka'ima'an, mompotimbali komiu mian anu totu-totu'u tumuu'mo samata-mata hi Tumpu. O amalakon da Tumpu monjagai butong miu, iwi-iwi' mau mule' roh, santuu' kabai pe'e butong miu, sahingga madi' ko ideknyo de Tumpunto i Yesus Kristus mompo'ule'mo mae toka.

2 TESALONIKA 3:4

Ka' kami palesaya hondo-hondo hi Tumpu apaa na anu jinadimo hi komiu, kalana komiu nombaumo ka' sabole-bole mombau apaa na anu pinoto'imo mami hi komiu.

2 TIMOTIUS 4:22

O'amalakon da Tumpu saja' monsangalui beleyum. O'amalakon da Tumpunto mombalakati to Utu-utus! Tabea' mami, I Paulus 10

YAKOBUS 1:22

Tionyo ahi' obau miu apaa na anu pinoto'imo nu Tumpu, boli ola mohongo, sahingga desumo aijo' oposi akalimo miu na butong miu.

2 PETRUS 1:10

Kalana aijo', to utu-utus bala usaha da belemiu anu i lagamo nu Tumpu ka' pinile'an-Nyomo na butong miu lebe mompaka bala usaha mule'. De belemiu mombau aijo', belemiu madi' mompala'i kapalesaya'an miu.

1 YOHANES 3:22

Ka' apaa na anu opoitanto hi Ia, o humpakto, kalana kita tinulu-tulutanmo i palentah-Nyo iwi-iwi' ka' nombaumo apaa na anu momposanang kinyonyoa-Nyo.