FILIPI 4:8 - KITAB NU TUMPU ALLA LELE MA'IMAI'

⁸ Ahennyo to Utu-utus, isii na pikilan miu nu hahan anu mingkaliangan, anu pantas o puji', aijo'mo hahan anu totu'u, anu o'angga'i, anu adin, lomas, matami' ka' ma'ima'.

FILIPI 4:8 Iomraidhean Croise

KAJADIAN 18:19

Ia pinile'an-Kumo da mompalentah to ana-anaknyo ka' lee'nyo da montuluti Aku ka' mombau apaa na anu ma'ima' ka' adin. De han aijo' nubau nu aha, iwi-iwi' anu jinanji'-Kumo hi Abraham tionyo ahi' Ku podaagi'.”

2 SAMUEL 1:23

I Saul tiba i Yonatan mongkanaya mian ka' okalibosi saja' mongka'oho' mosa'ngu' mau i uno nu kantumuu'an ka' ikasilakan; aha lebe malia' molingkudui alaimbelong, lebe mahoson molingkudui singa anu daagi bata'nyo.

2 SAMUEL 23:3

Tumpu Allah i Yakub notataemo; hi belengku anu monjagai Israel nompoto'imo, “Tomundo' anu adin na mompalentah mian da'isan anu mompalentah montuluti Tumpu.

MAZMUR 82:2

“Bolimo daagi' mombee'i kaputusan anu madi' adin, ka' boli montinjohi mian anu ma'idek na kinyonyoanyo.

AMSAL 11:1

Tumpu mongka'ideki mian anu mompake timbangan anu mongakali; panyo Ia sanang hi mian anu mompake timbangan anu totu'u.

AMSAL 12:4

Bengkele' anu manonong momboa sanggo ma'ima' ka' bau kabilahian nu langkai'nyo; panyo bengkele' anu monsaduakon langkai'nyo ma'ambang sumomo panyakit lasa anu mongkekedi buku.

AMSAL 16:11

Tumpu mongkahanda'i mian anu madi' tageo' na kinyonyoanyo ihan badagang; ka' mule' monggunakon timbangan ka' ihan monsukat.

AMSAL 20:7

To ana-anak untung hondo de ko tuumanyo anu manonong ka' kantumuu'annyo madi' tageo' na kinyonyoa.

AMSAL 31:10

Bengkele' anu pande susa' na ohumpak; ia lebe ko angga'nyo nu lingkudui na intan anu jongkilaban.

AMSAL 31:29

“Manjoo' na boune anu manonong” na koonyo nu langkai'nyo; “panyo beleyum na lebe ma'ima' nu lingkudui na aha iwi-iwi'.”

AMSAL 31:31

Balosi na kanonongannyo iwi-iwi'; kalana ia boune anu pantas oholomati iyaya mae! 1

NYANYIAN ANU TALASANGGO 5:16

De ia motatae sanang hondo na mohongo, iwi-iwi' na anu aijo' i butongnyo oka'ima'i. Somo aijo'mo na sindua'anku ka' mule' anu mompahakona tiba aku, o to lalangkoyang nu Yerusalem!

YESAYA 26:7

Mian anu madi' tageo' na kinyonyoanyo lumajang ijalan anu hodi', kalana Belento Tumpu na nombuka' jalan momona hi ia.

MATIUS 22:16

Saba' aha nonsai anu saja' mombatuki aha mamba hi Yesus tiba to pia-piangkuka na mian anu monsangaja'i Herodes. To mia-mian aijo' notatae hi Yesus, “Tuumangku Gulu', osumbu' mami na kita Tuuma madi' mongakali. Kita Tuuma mongajan totu-totu'u mongkona kahanda' nu Tumpu hi mian, madi' mompajuli pikilan mau pe'e pa' ihe, sabab kita Tuuma madi' mompile'i mian.

MARKUS 6:20

Kalana i Herodes nonsaimo mian monjagai ima-ima' kasalamatan i Yohanes i talungku', kalana ia mabuhuk hi Yohanes. Ia monsumbu' i Yohanes samian na anu ma'ima' anu sinai mae nu Tumpu. Ka' memang totu'u de i Yohanes motatae, i Herodes mongka'ima'i mompotombihing mau mule' kinyonyoanyo madi' sanang hondo kalana hi ia.

LUKAS 16:15

Panyo i Yesus notatae hi aha, “Komiumo na mian de i ahop nu san-samianan otoa totu'u, panyo Tumpu monsumbu' isi nu kinyonyoaum. Kalana apaa na anu osangka matangkas nu mian, nutoa nu Tumpu heede'.

LUKAS 2:25

Tempo'nyo aijo' i Yerusalem daagi' ko samian sanggonyo i Simeon. Ia mian anu ma'ima', anu mabuhuk hi Tumpu, ka' hau-haunyo montanda'i tempo'nyo Tumpu momposalamat Israel. Roh nu Tumpu monsangalui ia,

LUKAS 23:50

Daagi' ko samian sanggonyo i Yusuf, anu nolengkatmae i kota Arimatea, i lipu' nu Yudea. Ia mian anu manonong anu o adati nu mian, ka' anu hau-haunyo montanda'i Tumpu montampu'unimo mompalentah salaku Tomundo. Mau mule' ia minsoop Mian Kopian Daka' nu Agama, ia madi' setuju tiba kaputusan ka' pikilan nu Mian Kopian Daka' aijo'.

YOHANES 7:18

Mian anu mombee' posi pangajalannyo, molio da o'adati na butongnyo. Panyo mian anu molio da o'adati na anu nonsai mae Ia, mian aijo' hodi' madi' baleko' na ia.

SISIKON NU TO RASUL-RASUL 10:22

Tinaaman nu aha, “Kapiteng Kornelius nonsai mae kami toka mae i uuka. Ia samian anu ma'ima' ka' mabuhuk hi Tumpu, tiba talalo otabea'i nu iwi-iwi' mian Yahudi. Samian na malaikat nu Tumpu nonsai ia mompoita i Tuan toka pe'e i laigannyo kalana, salaku bau pontaami do'anyo, ia sinai mohongo apaa na anu otaloakon i Tuan hi ia.”

SISIKON NU TO RASUL-RASUL 22:12

I kiijo' daagi' ko samian sanggonyo i Ananias. Ia samian na anu pa' agama ka' mohongo-hongo montuluti palentah i Musa. Iwi-iwi' mian nu Yahudi anu jojoong i Damsyik mongadati hondo ia.

SISIKON NU TO RASUL-RASUL 6:3

Jadi, sahanyo kita to Utu-utus mompile'i anu atina' hi komiu aha popitu' na anu kinyonyoanyo ma'ima' ka' nu kuasai nu Roh nu Tumpu tiba pande, anu timbali opokalaja mami mongulus hahan aiya;

ROMA 13:13

Kita tionyo mombau anu ko adatnyo sumo anu biasanyo obau sinaa; boli mompopodaka' bau-bauon moliu-liumo anu madi' opoko ala obaunto, kabai malangu. Boli masala', kabai kalakuan anu madi' ko atulannyo. Boli mahantuda' kabai pusa na kinyonyoa.

ROMA 13:3

Kalana mian anu mombau ma'ima' boli mabuhuk i pamalentah. Ola mian anu mombau anu ma'idek na tionyo mabuhuk. De kita Utus mongindi da kita madi' mongoa'i mabuhuk hi pamalentah, kita Utus tionyo mombau anu ma'ima', sahingga kita Utus o puji'.

ROMA 14:18

Mian anu mohongo-hongo apaa na anu pinalentahkonmo i Kristus susumo aijo', mian aijo' momposanangmo kinyonyoa nu Tumpu, ka' nu angga'i nu to mia-mian sangga'at.

ROMA 2:29

Panyo sabenannyo ahi', samian anu totu-totu'u Yahudi aijo'mo mian anu mingkinyonyoa Yahudi, ka' anu totu-totu'u sinunat, aijo'mo sunat i uno nu kinyonyoa anu binau nu Roh nu Tumpu, misa' anu tinulis i uno nu kitab. Mian anu sumo aijo' mohumpak pompuji' lengkat hi Tumpu, misa' lengkat hi mian.

1 KORINTUS 4:5

Mokonyo aijo', kalana misa' pe'e tempo'nyo, boli komiu lia-lia' montantukan batu-batu mian kosala'nyo kabai madi'. Tanda'i tokaje na Tumpu. Iaje na mompoto'i iwi-iwi' lahasia anu sulu-suluk i uno nu pintung. Iaje na mompotalang tanga'an anu sulu-suluk i uno nu kinyonyoa nu mian. Tempo'je aitu ka' batu-batu mian mohumpak pompuji' lengkat hi Tumpu anu patut nu talima.

2 KORINTUS 13:7

Kami balado'a hi Tumpu da Ia mongka'oho' montulungi komiu da madi'mo mombau kasala'an. Misa' mongka'oho' mompotoa au'aitu kami aiya memang pande na mompojalan palentah, panyo da komiu mombau apaa na anu nukahanda'i nu Tumpu – mau mule' otoa kami madi' moko ala mombau, madi' mongkuka!

2 KORINTUS 6:8

Kami o adati, panyo mule' opopo'ambang; o puji' ka' mule' o'alu. Mau mule' kinyonyoa mami sahondo-hondonyo, kami opobau-bau baleko'.

2 KORINTUS 8:18

Hingga-hinggat tiba ia kami nonsai mule' samian na Utus anu talalo o'angga'i i iwi-iwi' na jama'at kalana kalajanyo mompolele Lele Ma'ima' lengkat mae hi Tumpu.

2 KORINTUS 8:21

Kami mongka'oho' mokalaja hodi-hodi' misa' ola i ahop nu Tumpu, panyo mule' suele i ahop nu mian.

GALATIA 5:22

Sumo aitu mule' de to mia-mian nupotiju'mo nu Roh nu Tumpu Allah, kasawe'annyo aijo'mo: Aha mompaha kali-kalibosimo, aha lame'mo, aha madi'mo lewa' mombau apa-apaa; aha sabaanmo ka' monginau' sangalu, aha mongkanonongi mian sangga'at, aha tulu-tulutan,

EFESUS 4:25

Kalana aijo' to Utu-utus iwi-iwi' bolimo baleko'. Pombaumo gau' anu hodi' hi samian ka' hi samian, kalana kita iwi-iwi' bubuu'mo ninsoop bagian butong i Kristus.

EFESUS 5:9

Kalana lengkat i jingka aijo' na kalubatan nu ngangahan na bauon anu ma'ima', adin ka' hodi' i pontoan nu Tumpu.

EFESUS 6:14

Tionyo ahi' komiu saja' balajaga-jaga. Tulu-tulutan hi Tumpu opake salaku bau pombutu' nu kompong, ka' kahondoan nu kinyonyoa salaku bau baju' besak nu belemiu.

PO'ULE' INGULIT 16:20

Belemiu tionyo ahi' saja' adin, da timbali tumuu' tataap ka' mohumpak ka'ima'an i tano' anu binee'mo nu Tumpu Allah nu belemiu hi belemiu.

FILIPI 3:1

Ahennyo to Utu-utusku, tionyo ahi' komiu lame'mo kalana komiu nosa'angu'mo tiba Tumpu. Aku madi' mongoa'i lawe na mongulit apaa na anu tinuliskumo ka' pinakatungkumo hi komiu momonanyo mae; kalana han aijo' ma'ima' da bau kasalamatan miu.

KOLOSE 4:5

I uno nu poboboan miu tiba to mia-mian anu madi' palesaya pande-pande ahi' na komiu tumuu', ka' opake iwi-iwi' na kasampatan ma'i-ma'ima'.

1 TESALONIKA 4:12

De komiu tumuu' sumo aijo', komiu madi' ola taha'iman maumo pa'hihe, ka' to mia-mian anu madi' palesaya hi Kristus, mongadatimo komiu.

1 TIMOTIUS 2:2

kona hi to tomu-tomundo ka' kona hi iwi-iwi' mian anu montoongi kakuasa'an. Poita da kantumuu'anto sanang ka' aman na palesaya hi Tumpu i uno nu kalakuan anu pantas.

1 TIMOTIUS 3:11

Bengkele' nu aha suele tionyo ahi' mian anu tobos, misa' mian anu mongka'ima'i lewa' mombebakon sisik anu madi' totu'u. Aha tionyo monsumbu' boli mahasisikon ka' jujun i uno nu han iwi-iwi'.

1 TIMOTIUS 3:4

Ia tionyo ahi' monsumbu' mongatun auwannyo ma'i-ma'ima', ka' mongajan to ana-anaknyo da mohongo-hongo ka' mingadat hi ia.

1 TIMOTIUS 4:12

Boli mompojohok maumo ola samian na monsangka beleyum madi' kogunanyo kalana beleyum daagi' olitau. Panyo ola ahi' tionyo beleyum timbali bau sonto' hi to mia-mian anu palesayamo i sisik nu beleyum ka' kalakuan nu beleyum i uno nu han beleyum mongkalibosi sangko mian ka' palesaya hi Yesus Kristus, ka' kantumuu'anum mule' ma'ima'.

1 TIMOTIUS 5:10

talasanggo salaku boune anu saja' nombaumo hahan anu ma'ima', salaku sonto'nyo: nompidaka'imo to ana-anaknyo sampe na'ima', sanang na montalima to mia-mian sonso' male' i bonuanyo, montoa kapalaluan nu mian anu pinalesayamo, montulungi to mia-mian anu susa', ka' mombau totu-totu'u iwi-iwi' na ngahan nu kalaja anu ma'ima'.

1 TIMOTIUS 5:2

ka' to bou-boune anu tu'anyomo susumo tina. To lalangkoyang nu palentah susumo utus ise' nu kalakuan anu ma'ima'.

TITUS 1:8

Ia tionyo ahi' sanang na montalima mian anu sonsoo' i laigannyo, mongka'ima'i hahan anu ma'ima', timbali mongatun butong, jujun, susi' ka' ta'atun.

TITUS 2:14

Ia nongkulubanakonmo butong-Nyo kalana kahanda' mompobebas kita da iwi-iwi' na anu ma'idek bolimo obaunto, ka' mompotimbalimo kita mian anu binebasmo madi'mo ko dosa'nyo ka' samata-mata iamo na tumpu-Nyo, ka' makekemo na mombau anu ma'ima'.

TITUS 2:2

Opokinde'i na mian to momo'ane anu langkai'mo, da aha boli sampa tagoda nu apa-apaa, pande ka' tumuu' sumo mian anu pantas otabe'i. Aha tionyo ahi' suele montoongi pangajalan anu totu'u anu nolengkat mae hi Tumpu, mongkalibosi tala-talakana', ka' sabaan na mongoa'i sansala.

TITUS 2:7

I uno nu iwi-iwi na han, tionyo ahi' beleyum timbali sonto' nu kalakuan anu ma'ima'. De beleyum mongajan, beleyum tionyo ahi' jujun ka' totu-totu'u na kinyonyoa.

TITUS 3:14

To mia-mian anu bubu' kita tionyo ahi' balajan mombau hahan anu ma'ima' da timbali mompodaagi' kapalaluan anu talalo opalalui; boli sampe aha tumuu' madi' mingguna.

IBRANI 11:2

Kalana bala'iman, sahingga to mia-mian naipuan mae kina'ima'anmo nu Tumpu.

IBRANI 13:18

Saja' odo'akon mae na kami. Otutugi mami, kinyonyoa mami totu-totu'u hodi', kalana iwi-iwi na han saja' anu totu'u na obau mami.

YAKOBUS 1:27

Tulu-tulutan i agama anu obau sahondo-hondonyo ka' madi' ko sala'nyo, susumo koonyo nu Tumpu Tuumanto aijo'mo: montulungi to ana-anak anu unon madi'mo ko tina ka' tuumanyo, ka' to balu-balu anu sinusa'mo, ka' mombala'ingati butong da boli nu idei nu dunia aiya.

YAKOBUS 3:17

Panyo mian anu daagi' ko kapandean anu nolengkat mae kiita' i bawo, ia na anu momona hondo lomas, lapas mule' mongka'ima'i dame, ma'ima' na kinyonyoa hi sangko mian, mohongo-hongo. Ia saja' mongkalibosi ka' kalakuannyo saja' ma'ima'. Ia madi' montinjohi sangga'at ka' madi' mimpula-pula.

1 PETRUS 1:22

Kalana komiu tulu-tulutan i pangajalan anu lengkat mae hi Tumpu, jadi belemiu mompolomas ahi' butong, ka' halala' ahi' na mongkalibosi to mia-mian anu bubu'mo pokakana na kapalesaya'an. Kalana aijo' tionyo ahi' kinyonyoa miu mompaha kali-kalibosi totu-totu'u samian ka' samian.

1 PETRUS 2:12

Kalakuan nu beleyum atina' hi mian anu madi' monsumbu' Tumpu, tionyo ahi' opokopiani ma'i-ma'ima' sahingga de aha mompitana' i belemiu tukoonyo mian anu ma'idek, panyo aha saidi' mae mongakuije kalakuan nu belemiu aijo' ma'ima', sahingga aha mompuji' Tumpu i sinaa katokaan-Nyo.

1 PETRUS 4:8

Mompaha kali-kalibosi totu-totu'u samian ka' samian, aijo' na lebe molingkudui iwi-iwi' kalana de mompaha kali-kalibosi belemiu suele timbali mompaha ampu-ampuni.

2 PETRUS 3:1

To utu-utusku anu okanonongi! Aiyamo na sulatku anu ko ohua'nyo toka hi belemiu. I uno nu sulat ko ohua'nyo aiya, aku kahanda' mompolubat pikilan-pikilan anu ma'ima' hi belemiu.

1 YOHANES 3:18

To Ana-anakku! Boli mongkalibosi ola i nganga' kabai ola i potatae. Tionyo ahi' kita mongkalibosi nu kalibosan anu totu-totu'u, anu oponyata' i palabuatanto.

1 YOHANES 3:3

Iwi-iwi' na mian anu montaha'imani i Kristus susumo aiya, mompokopiani ahi' butongnyo da totu-totu'u susi', belesi' madi' baladosa' sumo i Kristus susi'.

1 YOHANES 4:1

To Utu-utus anu okanonongi! Boli palesaya hi mian iwi-iwi' anu mangaku ko Roh nu Tumpu, panyo o uji' pe'e na aha da osumbu' pa' roh anu daagi' hi aha aijo' nolengkat mae hi Tumpu Allah kabai misa'. Kalana nabi anu madi' totu'u nanjoo'mo na namba noyaya.

I RUT 3:11

Kalana aijo', boli bata-bata, Rut. Iwi-iwi' na anu pinoitamo nu beleyum aijo' ku sidahimo; kalana iwi-iwi' na mian i kota aiya nonsumbu'mo beleyum taalu' samian na boune anu manonong hondo.