FILIPI 4:7 - KITAB NU TUMPU ALLA LELE MA'IMAI'

⁷ Sahingga ka'ima'an anu lengkat mae hi Tumpu, anu madi' opoko ala osumbu' nu mian, monjagaije kinyonyoa ka' pikilan miu anu nosa'angu'mo tiba i Kristus Yesus.

FILIPI 4:7 Iomraidhean Croise

NEHEMIA 8:10

Jadi uuka pinsusule'mo; pongkaan ka' ponginum obau lame-lame' na kinyonyoa. Sambagian na anu o kaan nu belemiu ka' anggur anu o'inum nu belemiu bee' hi aha anu kinadaagi'anmo i anu o kaan, sinaa aiya sinaa anu tinantukanmo hi Tumpu Allah-nto, jadi bolimo susa' na kinyonyoa. Kalame'an nu kinyonyoa anu binee'mo nu Tumpu hi belemiu atina'mo na mompohoson belemiu.”

AYUB 22:21

Jadi, O Ayub pompaha damemo tiba Tumpu, da bolimo saja' mangada' na kinyonyoa nu beleyum, De nubaumo nu beleyum sumo aijo', mohumpakmo ka'untungan na beleyum.

AYUB 34:29

De nutantukanmo nu Tumpu Allah da momohokotmo, madi' ko samian anu moko ala mompisala'i Ia. De nuposuluk na ahup-Nyo, madi' ko samian na anu moko ala mongkabot Ia.

MAZMUR 29:11

O'amalakon da Tumpu mombee'i mae kahosonan hi mian anu palesayamo hi Ia, ka' mompobilahimo kantumuu'an nu aha.

MAZMUR 85:8

Potoa mae hi kami da osumbu' mami taalu' sabole-boleh ahi' na Belento mongkalibosi mae, o, Tumpu, bee'i mae na kami kasalamatan anu lengkat mae hi Belento.

AMSAL 2:11

Mangalati' ka' kapandean nu beleyum na monjagai beleyum,

AMSAL 4:6

O'angga'i na kapandean bapikin sahingga kapandean bapikin monjagaimo beleyum; oka'ima'i na ia sahingga nu jagai na beleyum da madi' ko anu mompoposia.

AMSAL 6:22

Pangajalan nu aha iwi-iwi' timbali molaya' beleyum de mamba moyaya, monjagai beleyum de pihimo ka' mombee'i pangajalan hi beleyum de beleyum mobulamo.

YESAYA 26:12

O, Tumpu, Nu balakatimo mae na kami da mohumpak kantumuu'an anu ma'ima'; iwi-iwi' na anu obau mami, Belentomo na mombauakon apaa na anu opalalui mami.

YESAYA 26:3

O, Tumpu Belento nombee'imo mae kadamean ka' mule' kantumuu'an anu ma'ima' hi mian anu mahoson nakinyonyoanyo, kalana ia palesaya hi Belento.

YESAYA 45:7

Akumo na nompotimbali jingka tiba pintung, Aku na mompotoka mae balakat tiba balaa'. Akumo na Tumpu nonombaumo iwi-iwi' aijo'.

YESAYA 48:18

De bisuanyo beleyum mongintomakon ahi' palentang-Ku, saba' kantumuu'an nu balayum ma'ima'mo susumo kaunyo anu madi'mo toho' mo'oti, ka' mule' kadale'an nu beleyum sumomo bokon akaong i ambai, anu madi' toho' belenti.

YESAYA 48:22

Madi' ko kasalamatan hi aha mian anu ma'idek na palabuatannyo,” sumo aijo' na koo-Nyo nu Tumpu.

YEREMIA 32:16

Salatan sulat haha aijo' salaku tanda ingolimo binee'-kumo hi Barukh, aku binalado'amo,

YEREMIA 33:6

Panyo saidi' mae po ule'mo Ku bau susumo u'utu mae momonanyo na ka ada'an nu kota' aiya tiba miannyo anu ikiijo'; aha po ule'mo mahoson mule'. Ku bee'imo na aha kantumuu'an anu sanang ka' mule' madi'mo ko anu lewa' mompoposia aha.

NOMBILANGMO 6:26

O amalakon da Tumpu mongkalibosi belemiu ka' mombee'i kadamean hi belemiu.

LUKAS 1:79

sumo aitumo na Ia mombee'i jingka-Nyo hi iwi-iwi' na mian anu tumuu' i uno nu kapintungan ka' i kabuhukan. Ia montaka' kita i jalan anu mokiijo' i kadamean.”

LUKAS 2:14

“Puji' na Tumpu i langit anu matangkas hondo! Ka' i bawo nu dunia, salamatmo na mian anu momposanang kinyonyoa nu Tumpu!”

YOHANES 14:27

Kabilahian Kupo'una' hi komiu. Posi Kabilahian-Ku na Kubee' hi komiu. Anu kubee' aijo' misa' sumo anu binee' nu dunia hi komiu. Boli susa', boli mabuhuk.

YOHANES 16:33

Iwi-iwi' aiya Ku taloakon da komiu mohumpak ka' ima'an, kalana mosa'angu' tiba Aku. I dunia komiu sansala, panyo potataap na kinyonyoa miu! Ihungku'ankumo na dunia!”

ROMA 1:7

Mokonyo aijo' aku nontulis toka hi komiu. O' amalakon da Tumpu Tuumanto ka' i Tumpu Yesus Kristus mombee'i balakat kopi-kopian hi komiu.

ROMA 14:17

Kalana de Tumpu mompalentahmo kantumuu'an nu mian toto samian, apaa na anu timbali nukaan kabai o inum, madi'mo penting. Anu penting aijo'mo, mian anu mohongo-hongo pongka'oho' nu Tumpu Allah, mongoa'i sabaan na kinyonyoa, ka' montalima kalame'an anu binee'mo nu Roh nu Tumpu.

ROMA 15:13

Tumpu aijo'mo na tampat anu otaha'imani miu. O amalakon iaje na mongisi kinyonyoaum nu iwi-iwi' na kalame'an ka' ka'ima'an, kalana komiu palesaya hi Ia, da kalana kuasa nu Roh nu Tumpu komiu mompaka taha'iman hi Tumpu.

ROMA 5:1

Uuka aiya kita po'ule'mo na'ima' tiba Tumpu, kalana kita palesaya. Mokonyo aitu kita tumuu' i uno nu kadamean tiba Tumpu kalana Tumpunto i Yesus Kristus.

ROMA 8:6

De pikilanum kinuasanmo nu sipat nu mian, saba' ahennyo kapatean. Panyo de pikilanum kinuasanmo nu Roh nu Tumpu, saba' ahennyo aijo'mo na kantumuu'an ka' kadamean tiba Tumpu Allah.

2 KORINTUS 10:5

ka' montumpak to bente-benteng nu kasombongan anu opotinjo bau pongewa kapandean da osumbu' na Tumpu. Ihungku'anmo mami na pikilan nu to mia-mian, ka' mompotimbalimo aha tinundu'mo hi Kristus.

2 KORINTUS 13:11

Ahennyo, to Utu-utus, sabole-bole ahi' komiu lame', ka' bala usaha da timbali ganap. Ala na pokinde'ku iwi-iwi'. Sabole-bole ahi' komiu momposa'angu' kinyonyoa ka' mompaha hongo-hongo. Tumpu Allah Anu talalo Mongkalibosi ka' saja' mompodame, aijo' na saja' monjagai komiu.

GALATIA 5:22

Sumo aitu mule' de to mia-mian nupotiju'mo nu Roh nu Tumpu Allah, kasawe'annyo aijo'mo: Aha mompaha kali-kalibosimo, aha lame'mo, aha madi'mo lewa' mombau apa-apaa; aha sabaanmo ka' monginau' sangalu, aha mongkanonongi mian sangga'at, aha tulu-tulutan,

EFESUS 3:19

anu de ola kapandean nu mian madi' opoko sumbu' hondo-hondo. Ku'amalakon da komiu monsumbu' kalibosan i Kristus aijo', sahingga tabiat nu Tumpu mobuke'mo ma'i-ma'ima' hi komiu.

FILIPI 1:1

To Utu-utus mian anu palesayamo hi Tumpu iwi-iwi' anu jojoong i Filipi, ka' anu nosa'angu'mo tiba i Kristus Yesus. Tiba suele to Utu-utus polaya' ka' pabantun nu jama'at! Aku, i Paulus, tiba i Timotius to posa-posaihon i Kristus Yesus,

FILIPI 1:2

mongamalakon hi Tumpu Tuumanto ka' Tumpunto i Yesus Kristus mombee'i balakat ka' ka'ima'an hi komiu.

FILIPI 4:19

Tumpu anu kusombah, anu manjo-manjoo' na kakaya'an hi Kristus Yesus, momposukupakonje kapalaluan miu.

FILIPI 4:21

Potokakon na salan do'angku toka hi iwi-iwi' mian anu pinalesayamo hi Tumpu anu nosa'angu'mo tiba i Kristus Yesus. Ka' ala singkona na salan do'a lengkat hi to Utu-utus anu tiba aku i aiya.

FILIPI 4:9

Opojalan apaa na anu ginulu'anmo miu, ka' anu ingalamo miu hi belengku; mau anu tinaeyakonku, mau pe'e anu binaungkumo. Tumpu Allah anu pinolengkatan mae nu ka'ima'an na montoa komiu.

KOLOSE 3:15

Anu oputusi miu, tionyo ahi' anu otantukan nu dame anu binee'mo i Kristus i uno nu kinyonyoa miu. Kalana Tumpu nolagamo komiu da timbali sa'angu' na butong, da komiu tumuu' i uno nu kadamean lengkat mae hi Kristus aijo'. Komiu tionyo ahi' montalima kase.

2 TESALONIKA 3:16

Tumpu pinolengkatan nu ka'ima'anto. O amalakon hi Ia da saja' mombee'i komiu ka'ima'an i uno nu iwi-iwi' na han. O amalakon da Tumpu saja' monjagai to Utu-utus iwi-iwi'.

IBRANI 13:20

Tumpu mompotumuu'mo Tumpunto i Yesus anu sini-sinilakamo. Kalana Ia sinilakamo, sahingga Ia tempo' uuka tinimbalimo Polaya'to anu Talasanggo aiya hi kita to domba-domba-Nyo. Ia sinilaka aijo' mompaka pompohosonmo palajanjian anu sampe toka sidu-sidutu' anu binaumo nu Tumpu hi kita.

YUDAS 1:1

To Utu-utus anu i lagamo ka' anu talalo hondo nu kalibosi nu Tumpu Tuuma, ka' mule' anu o jagai da palesaya hi Yesus Kristus. Salaku posaihon i Yesus Kristus, aku – i Yudas – utus i Yakobus,

ANU PINOTO'I HI YOHANES 1:4

To utu-utus anu i jama'at popitu' i da'erah Asia! Aku, i Yohanes montaha'imani komiu da nubee'i balakat ka' ka'ima'an lengkat mae hi Tumpu – aitumo Ia anu polo-polo'mo daagi', anu daagi'mo, ka' anu sidu-sidutu' sabole-bole daagi' – ka' suele lengkat mae hi popitu' na roh anu daagi' i ahop nu kasuhangan nu Tumpu,

ANU PINOTO'I HI YOHANES 2:17

Ihe na mohongo, tionyo ahi' mompalahatikan apaa na anu nutaloakon nu Roh nu Tumpu toka hi to jama-jama'at! Aha anu inguntungmo i uno nu kasabalan, Ku pobee'je na mongkaan manna anu ma'isa nusumbu' nu aha, ka' toto samian mohumpakje hi beleng-Ku sambatu na batu mopute'. I batu aijo' tinulis sa'angu' na sanggo anu sala'je, anu madi' nu sumbu' nu mian mau pe'e pa' ihe, de misa' mian anu memang mohumpak.”