FILIPI 4:5 - KITAB NU TUMPU ALLA LELE MA'IMAI'

⁵ Opai-pai lio da iwi-iwi' na mian montoa kalakuan ka' kinyonyoa miu manonong. Kalana madi'mo daagi' pin na Tumpu tokamo.

FILIPI 4:5 Iomraidhean Croise

MATIUS 6:25

Kalana aijo' o inau'; boli bata-bata i kantumuu'anum apaa na anu o kaan miu ka' o inum, kabai apaa na anu o pake miu. Te misa' kantumuu'an molingkudui anu o kaan, ka' butong molingkudui pakean?

MATIUS 6:34

Kalana aijo', boli bata-bata mongkona sinaa dodop. Kalana dodop koposi bata-batanyo. Sinaa uuka sukupmo na kasusa'annyo bolimo daagi o tuangi mule'.”

LUKAS 21:34

“Ojagai na butongum, boli komiu talalo mongka'ima'i mombau bau-bauon ka' lewa' monginum inumon anu moko langu, kabai talalo mompotutugakon kapalaluan nu kantumuu'anum, sahingga komiu madi' mosadia sampe toka sinaanyo aijo' anu nu potolokengkeng mae.

1 KORINTUS 16:22

Mian anu madi' mongkalibosi Tumpu, nukutuki nu Tumpu na ia! Maranatha – Tumpu mami, tinokamo!

1 KORINTUS 6:7

Ma'isa pe'e mamba mahampalakala hi mian anu misa' Kristen; panyo de maluannyo ko po'uwalian anu itina' hi komiu timbalimo pontu'osian sa'angu' na kakalahan hi komiu. Sahanyo komiu opotimbali madi' adin, kabai opolugi'!

1 KORINTUS 8:13

Mokonyo aijo' de kaanon monsaduakonmo Utusku baladosa', saba' aku madi'mo hondo daagi' mongkaan ponoha'. Kalana boli-boli Utusku baladosa'mo kalana aku.

1 KORINTUS 9:25

Ihehe na mian anu hau-haunyo opogulu', tionyo sabaan i han iwi-iwi'. Nubau na aijo' kalana ia mongkahanda'i da opo'olo'i bunga, olo' nu kamenangan, aijo'mo bunga anu sampa magayou. Panyo kita aiya monsabaanakon lupa-lupa, kalana kita mongkahanda'i da opo'olo'i bunga, olo' anu madi' magayou.

2 KORINTUS 10:1

Uuka aiya aku i Paulus, monsisikmo apa-apaa hi beleyum. Aku aiya de koonyo nu mian manonong de mompaha ahop tiba komiu, panyo baani de to majo'onanmo. Jadi, kalana kanonongan ka' ka'ima'an nu kinyonyoa i Kristus,

2 TESALONIKA 2:2

Boli sampa-sampa' bingong kabai madi'mo sanang na kinyonyoa kalana ko lelemo i hongo tukoonyo sinaa po'ule'mo katokaan nu Tumpu Yesus tinokamo. Kugantang lele aijo' nolengkat mae i sa'angu' na lele anu jadi aiya mae i ahop, kabai lengkat mae i sa'angu' na ajalan; kabai ugaat daagi' ko anu notatae, tukoonyo kami toho'mo nontulis anu sumo aijo' i uno nu sala'sa'angu' na sulat mami.

TITUS 3:2

Taloakon hi aha da boli mompitana' kabai painggaga mau mule' pa' hi he, panyo mingkalakuan manonong na kinyonyoa. Tionyo ahi' aha saja' tobos hi iwi-iwi' na mian.

IBRANI 10:25

Kita tionyo ahi' saja' sihuk hingga-hinggat, ka' boli moluluk susumo mian sangga'at. Ka' kita tionyo ahi' saja' mompaha poho-pohoson kinyonyoa, kalana osumbu'to madi'mo daagi' pin na Tumpu tokamo.

IBRANI 10:37

Kalana i uno nu Kitab nu Tumpu tinulismo, “Madi'mo pin; Ia anu tokaje mae aijo', malia-lia'mo toka; Ia madi'mo montanda'i pipin pa'hipianje na Ia toka.

1 PETRUS 1:11

Aha monselidiki mosia ka' hipian na han aijo' timbali, apaa na anu kokoonyo nu Roh i Kristus anu kiijo' i butong nu aha. Tempo'nyo aitu Roh-Nyo na nompoto'i hi aha mongkona kasansala'an-kasansala'an anu tionyo nu oa'i i Kristus ka' mongkona katalasanggoan-Nyo anu nutalimaje lapas aijo'.

1 PETRUS 4:7

Iwi-iwi na apaa mongahopi ka'ahenannyo, mokonyo aijo' okuasai ahi' na butong miu ka' balajaga-jaga, da belemiu moko ala timbali balado'a.

ANU PINOTO'I HI YOHANES 22:20

Ia anu nompotokamo mae lele aiya iwi-iwi' notatae, “Totu'u, Aku malia'mo toka!” Amin! Tokamo mae o Tumpu Yesus!

ANU PINOTO'I HI YOHANES 22:7

“Opalahatikan na aiya!” na koo-Nyo i Yesus, “Aku malia'mo toka. Mohumpak ka'ima'an na mian anu tulu-tulutan i potatae, apaa na anu saidi' mae jadi anu pinoto'imo i kitab aiya!”