FILIPI 4:12 - KITAB NU TUMPU ALLA LELE MA'IMAI'

¹² Aku nongoa'imo kantumuu'an anu saja' kakulangan, ka' mule' kantumuu'an anu saja' molabi. Sinumbu'kumo na lahasianyo mongahopi hahan anu maumo pa' mosia; maumo sanang na kantumuu'an maumo kasiasi, maumo molabi na kantumuu'an maumo kakulangan.

FILIPI 4:12 Iomraidhean Croise

NEHEMIA 9:20

Kalana kuasa nu Belento anu ma'ima' hondo aijo' binaumo salaku pokinde' nu Belento hi aha. Aha nongkaanmo manna ka' nonginumo uee sampe sinukup hondo.

YESAYA 8:11

Aku kinuasanmo nu Tumpu ka' pinokinde'anmo da boli montuluti jalan anu nu jalani nu bansa aijo'. Ia notatae,

YEREMIA 31:19

Belento ihukumo mami, panyo nompele-pele'mo na kami ipalabuatan aijo' Salatan Belento nohukumo kami, ubak mami tinolodukumo kalana sinusa'mo na kinyonyoa. Kami na ambangmo ka' madi'mo kino angga'nyo kalana binaladosa'mo tempo'nyo daagi' olitau'.’

MATIUS 11:29

Batuki na palentang-Ku, ka' balajan pe'e hi beleng-Ku. Sabab Aku aiya madi' bohipusaon, ka' madi' ko kinti-kinti, sahingga komiu tompilawe.

MATIUS 13:52

Lantas i Yesus notataemo, “Aijo', na sababnyo batu-batu gulu' Agama anu timbalimo mian anu palesayamo hi Tumpu, sumo samian na tumpu nu laigan anu monsabatakon lengkat i tampat nu halata'nyo anu bu'ou ka' anu pininmo.”

2 KORINTUS 10:1

Uuka aiya aku i Paulus, monsisikmo apa-apaa hi beleyum. Aku aiya de koonyo nu mian manonong de mompaha ahop tiba komiu, panyo baani de to majo'onanmo. Jadi, kalana kanonongan ka' ka'ima'an nu kinyonyoa i Kristus,

2 KORINTUS 10:10

Mian notatae, “Sulat i Paulus haha aijo' talalo hondo mapohos ka' o'adati hondo, panyo de posi ia na aiya hi kita, butongnyo mangkuyu ka' potataenyo madi' ko alati'nyo apa-apaa!”

2 KORINTUS 11:27

Aku mokalaja totu-totu'u nongusahakon mompai patemo: toto minsan madi' hoyot, madi' mongkaan, madi' monginum, saja' mongintim ohop, mabakin kalana madi' sukup na baju' ka' madi' ko tampat kajojoongan.

2 KORINTUS 11:7

Tempo'nyo aku nompolele hi komiu Lele Ma'ima' anu lengkat mae hi Tumpu, aku madi' nompoita komiu mongongkosi aku mau pe'e sangkiding; ka' tiba jalan anu sumo aijo' saba' aku nompotimbalimo butongku madi' talakana'. Kubau na aijo' da mohangkat komiu. Pa' aijo' sa'angu' na kasala'anku hi komiu?

2 KORINTUS 11:9

De tempo'nyo aitu aku kinakulanganmo, aku madi' toho' nomposusa' samian pe'e itina' hi komiu. Iwi-iwi' na anu kupalalui tinoukan mae nu to Utu-utus anu tinoka lengkat mae i Makedonia. Pagala pinimpalianku ima-ima' da aku madi' momposusa' komiu i uno nu han mau mule' pa' apaa, ka' saja' kupimpali da sabole-bole sumo aijo'.

PO'ULE' INGULIT 32:10

Tinokan-Nyo na aha hau-haunyo jojoong i tampat anu ling hondo ka' ewa, ka' ola saja' padang. Lantas Ia nonjagaimo ka' nompotuu'mo aha ka' jinagaannyo na aha salakumo ia na tumpu-Nyo.