FILIPI 4:11 - KITAB NU TUMPU ALLA LELE MA'IMAI'

¹¹ Kusisik na aiya misa' kalana aku ko kinakulanganmo, kalana aku binala gulu'mo da o'oa'i sukupmo apaa na anu daagi'.

FILIPI 4:11 Iomraidhean Croise

KAJADIAN 28:20

Lantas i Yakub binasumpa'mo, “De Belento Tumpu montulungi ka' monjagai mae aku i lumambanan aiya ka' mombee'i mae aku anu okaan ka' pakean,

NOSABATMO 2:21

I Musa nongka'oho'mo da jojoongmo ikiijo'. Lapas aijo' i Yitro nompo'osoakonmo hi anaknyo, sanggonyo i Zipora tiba i Musa.

LUKAS 3:14

Daagi' mule' ko' suludadu anu nompokilawa, “Mosia na kami? Apaa na tionyo obau mami?” I Yohanes nontaami, “Boli mompagala mongala mau mule' pa' hi he, ka' boli mongagoi doi, pula-pula mompisala'i anu madi' totu'u. Sukupmo na gajium!”

2 KORINTUS 11:27

Aku mokalaja totu-totu'u nongusahakon mompai patemo: toto minsan madi' hoyot, madi' mongkaan, madi' monginum, saja' mongintim ohop, mabakin kalana madi' sukup na baju' ka' madi' ko tampat kajojoongan.

2 KORINTUS 6:10

Mau mule' kinyonyoa mami oposusa', panyo kami saja' ahi' lame'. Kami otoa kasiasi, panyo kami nompotimbalimo manjoo' na mian kinayamo. Otoa kami madi' ko apa-apaa, panyo sabenannyo iwi-iwi' daagi' hi kami.

2 KORINTUS 8:9

Kalana osumbu' miu hondo kita talalo nukalibosi i Yesus Kristus Tumpunto. Ia kaya, panyo Ia nompotimbalimo butong-Nyo kasiasi kalana kapentingan miu da kalana Ia kinasiasimo aijo', komiu timbalimo kaya.

2 KORINTUS 9:8

Tumpu ko kuasa mombee'i komiu balakat anu molabi-labi, da komiu saja' daagi' ko anu opake; ka' mule' komiu saja' molabi-labi na mombau anu ma'ima' ka' manonong, na montulung mian.

FILIPI 3:8

Misa' ola hahan anu sinanggomo aijo' panyo ahi' iwi-iwi na apaa kusangka sumo hahan anu ola mompolugi' aku. Anu daagi' hi belengku uuka aiya aijo'mo na lebe ko angga'nyo: aijo' mo monsumbu' i Kristus Yesus, Tumpungku. Kalana i Kristus, sahingga aku nolapasakonmo iwi-iwi na aijo'. Kusangka iwi-iwi' aijo' ola sumo duhehe da timbali ku humpak na i Kristus,

IBRANI 10:34

ka' komiu suele lewa'mo nonginau' kasusa'an nu mian anu tinalungku'mo. Ka' tempo'nyo iwi-iwi' na anu miu ingagoanmo, komiu madi' notambuha', kalana osumbu' miu, daagi' ko apa-apaa anu lebe ma'ima' itina' hi komiu anu montahan sampe toka sidu-sidutu'.