FILIPI 3:6 - KITAB NU TUMPU ALLA LELE MA'IMAI'

⁶ Aku binaani hondo, sahingga aku nonsakisa jama'at. De o'ala i atulan nu agama Yahudi, aku mian anu ma'ima', anu madi' ko kasala'annyo.

FILIPI 3:6 Iomraidhean Croise

2 SAMUEL 21:2

To mia-mian nu Gibeon misa' mian nu Israel; aha mian nu Amori anu minsoop tompukan nu mian anu ola sangkiding. To mia-mian nu Israel nonjanji'mo hi aha madi' mompoposia aha, panyo i Saul nompateimo aha kalana ia nonginau'mo kapalaluan nu mian Israel tiba Yehuda.) Lantas ilagamo i Daud na mian nu Gibeon haha aijo',

2 TOMU-TOMUNDO' 10:16

“Batuki mae na aku ka' oposi toaje pa' mosia na langkasku palesaya hi Tumpu.” Lantas aha hingga-hinggat sinumake'mo namba i Samaria.

ANU MOMPOLELE POTATAE NU TUMPU 7:16

Boli talalo manonong ka' mule' boli talalo pande. Apaa na gunanyo minoo'?

IMAMAT 13:16

Panyo de kumahut aijo' na'alinmo ka' po'ule' mule' mopute', mian aijo' tionyo ahi' mangadap hi imam

MATIUS 23:25

Silaka na komiu to gulu-gulu' agama ka' to mia-mian nu Farisi! Komiu ola ahi' mombau pula-pula! To mangko-mangko' ka' to lea-lean miu, o baso'i miu bele-belesi' na sambiha'nyo, padahan i unonyo koton hondo tiba to hahan anu i humpak miu ola pinakisa ka' pinalanguesan.

MATIUS 5:20

Jadi, o inau': Madi' opoko ala miu na timbali mian anu palesayamo hi Tumpu, de madi' molabii to gulu-gulu' agama, ka' to mia-mian Farisi i uno nu han mombau pongka'oho' nu Tumpu Allah!”

LUKAS 1:6

Kantumuu'an moto bengkele' aijo' momposanang kinyonyoa nu Tumpu. Ua-ua'aha tulut hondo i palentah ka' Atulan nu Tumpu Allah totu-totu'u.

SISIKON NU TO RASUL-RASUL 21:20

Noko hongo sisik i Paulus aijo', aha iwi-iwi' nompuji'mo Tumpu. Lapas aijo' aha notatae hi Paulus, “Utusku Paulus! Kita utus tionyo monsumbu' saba' nomada-madalamo na to mia-mian Yahudi anu pinalesayamo hi Yesus. Aha iwi-iwi' aijo'mo, na to mia-mian anu saja'mo nombatuki atulan i Musa.

SISIKON NU TO RASUL-RASUL 22:5

Posi Imam Daka', ka' iwi-iwi' Mian Kopian Daka' nu Agama nonsakisimo aku madi' baleko'. Kalana ahamo aijo' na anu nombee'imo aku sulat katalangan anu pinotoka hi to mia-mian nu Yahudi i Damsyik. Tiba sulat aijo', aku timbali mohakop i kiijo' mae to mia-mian anu palesaya i ajalan aijo', ka' nomboa aha nokiijo' i Yerusalem, da i hukum.”

SISIKON NU TO RASUL-RASUL 26:5

Pininmo na aha nonsumbu' mongkona aku. Ka' de aha mongka'oho', aha timbali mombee'i katalangan saba' lengkat pe'e momonanyo aku tinumuu'mo sumo mian nu Farisi ka' mombatuki iwi-iwi' na atulannyo anu talalo maboat i uno nu agama mami.

SISIKON NU TO RASUL-RASUL 8:3

Panyo i Saulus saja'mo binala usaha mongkabisa'i jama'at. Ia namba lengkat i sa'angu' na laigan mokiijo' i laigan sa'angu' ka' mohela' monsabatakon to mia-mian palesaya, lantas momposoop aha i uno nu talungku'.

ROMA 7:9

Aku u'utu mae tinumuu' misa' pilenje kino atulanmo nu agama. Panyo salatan atulan nu agama tinokamo, dosa' nontampu'unimo kinantoaan,

1 KORINTUS 10:32

Tumuu'mo sumo aitu na baunyo da kita Utus madi' monsaduakon mian sangga'at mombau dosa'; pa' aha mian nu Yahudi kabai misa' mian nu Yahudi, kabai jama'at nu Tumpu.

1 KORINTUS 15:9

Aku te Rasul nu Tumpu anu talalo i aluknyo. Aku misa' konanyo na osanggohi rasul, kalana aku nonsakisamo jama'at nu Tumpu.

FILIPI 2:15

Tiba jalan anu sumo aijo', komiu mompotoamo saba' komiu to ana-anak nu Tumpu anu madi' ko alunyo, anu tumuu' madi' baleko' ka' madi' geguan hi aha mian anu ma'idek ka' baladosa'. Ka' de komiu monsisikmo hi aha lele anu mombee'i kantumuu'an, tionyo ahi' komiu toka hi aha timbali sumo jingka anu jongkilaban monjingkai dunia. De komiu tumuu' sumo aijo', atina'je ka' aku mongoa'i sanang hi komiu de tempo'nyomo i Yesus Kristus mompo'ule'mo toka. Aijo' na bukuti'nyo saba' usahangku madi' pinalasuma ka' usahangku kino hasinnyomo.

FILIPI 3:9

ka' totu-totu'u mosa'angu'mo tiba Ia. Pompahasumbu'an anu ma'ima' tiba Tumpu, madi'mo daagi' ku posi lio nu jalan montuluti atulan nu agama. Uuka aiya aku kino pompahasumbu'anmo anu ma'ima' tiba Tumpu, kalana aku pinalesayamo hi Kristus. Jadi, pompahasumbu'an anu ma'ima' aijo' tinoka lengkat mae hi Tumpu Allah, ka' mimpu'u kalana palesaya hi Yesus Kristus.

1 TIMOTIUS 1:13

mau mule' u'utu mae aku bapitana' ka' mongkabisa'i, ka' mule' mongalu Ia. Panyo Tumpu nongkalibosimo aku, kalana tempo'nyo aitu aku ma'isa pinalesaya, jadi madi' kusumbu' apaa na anu binaungkumo.

TO MIA-MIAN KOPIAN 6:30

Lantas aha notataemo hi Yoas, “Anak nu beleyum nongideimo mezbah nu Baal ka' nontua'akonmo ohi'nyo anu bau pontandai Pilogot boune Asyera anu i sohipi'nyo nu mezbah aijo'. Kalana aitu, boa mae na anak nu belento aijo' i sambiha'nyo aiya. Ia tionyo ahi' opateimo!”