FILIPI 3:2 - KITAB NU TUMPU ALLA LELE MA'IMAI'

² Obala'ingati na to mia-mian anu mombau to hahan anu ma'idek, to mia-mian anu konamo na osanggohi ‘dedeng’. Aha mompakisa da to mia-mian o sunat.

FILIPI 3:2 Iomraidhean Croise

MAZMUR 119:115

O, mian anu ma'idek na kinyonyoanyo boli mae ohani hi belengku! Aku montulutimo palentah nu Tumpu Allah-ngku.

MAZMUR 22:16

Gogohongku notismo susumo kubengan nu palasilen jila'ku naningkampitmo i ngahangku. O Tumpu, pinala'ianmo nu Belento na aku aijo' i abu' susumo mian anu sinilakamo.

MAZMUR 22:20

Panyo Belento, boli matikojo'on, o Tumpu, tokamo mae lia-lia' montulungi aku kalana olamo hi Belento na kahosonanku.

AMSAL 26:11

Susumo dedeng po' ule' mompinsusule'i anu i lua'nyomo sumo aitu mule' na mian anu ponga' po'ule' mule' mongulit kaponga'annyo.

MATIUS 24:10

Tempo'nyo aitu da'isan na mian madi'mo palesaya, mombiabiangakonmo agama, palangues, ka' mompaha ka'ika'idekimo samian ka' sangga'at.

MATIUS 7:15

“Opoko piani na mongahopi to nabi-nabi anu madi' totu'u. Aha toka hi komiu mimbalu-balu' domba, panyo aha sabenannyo sumo pojek anu baani.

MATIUS 7:6

Boli o bee' na han anu susi' hi dedeng, da dedeng aijo' boli mobalik ka' mololo' beleyum. Ka' boli mombee' mutiara i bau', da bau' aijo' boli mompeja-peja' mutiara aijo'.”

ROMA 2:28

Kalana mian anu totu-totu'u Yahudi misa' ola asan sanggonyo mian nu Yahudi; ka' mian anu totu-totu'u sinunat misa' ola sinunat tudu-tudu i butong.

2 KORINTUS 11:13

To mia-mian anu sumo aijo', aijo'mo na to rasul-rasul anu madi' totu'u. Aha topo bau kalaja anu momposangkalinga mian ka' mingadi-adi' susumo rasul-rasul i Kristus.

GALATIA 5:13

Kita Utus ilagamo da timbali mian anu bebas. Panyo boli mompake kabebasan miu aijo' da saja' mombau mau mule' pa' apaa na anu oka'oho' obau miu. Ola ahi' komiu tionyo mompaha kali-kalibosi ka' mompaha toa-toa anu kakulangan.

GALATIA 5:15

Panyo de komiu mompaha pisa-pisala'i, jaga dumo saidi' mae komiu hingga-hinggat mongoa'i kasusa'an.

GALATIA 5:6

Kalana de kita mosa'angu'mo tiba i Kristus Yesus, han mombatuki kabai madi' mombatuki atulan nu sunat, madi'mo mongkuka. Anu palalu hondo ola ahi' palesayamo hi Kristus, ka' aijo' oponyata' i uno nu kita mongkalibosi mian sangga'at.

FILIPI 3:19

Kantumuu'an nu to mia-mian anu sumo aijo' mingahenje nu kapatean, kalana pilogot nu aha aijo'mo apaa na anu nu nuka'ima'i nu butong nu aha. Hahan anu mongambangi, aijo'mo ahi' na anu nunu kabubuulakon nu aha; kalana aha mompopikilakon ola saja' anu mompahakona tiba dunia aiya.

FILIPI 3:3

Padahan kitamo na to mia-mian anu nontalimamo sunat anu totu-totu'u misa' aha. Kita monsombah Tumpu posi Roh nu Tumpu na nompotuka', ka' kita montalima kase kalana kita tumuu' nosa'ngu'mo tiba i Kristus Yesus. Kita madi' taha'iman i to ada-adat anu ola mombatuki kabiasa'an nu dunia.

1 TIMOTIUS 1:19

Bala usaha mintoong i kapalesaya'an anu totu'u ka' obau ahi' nu kinyonyoa anu ma'ima' ka' susi'. Daagi' ko to mia-mian anu madi' montapali posi isi nu kinyonyoanyo anu ma'ima', sahingga natemo na kapalesaya'an nu aha.

TITUS 1:16

Aha notatae, tukoonyo aha monsumbu' nu Tumpu, padahan palabuatan nu aha madi' totu'u. Aha monsaduakon da mongkahumimi'i ka' madi' mongka'oho' tulu-tulutan; aha aijo'mo na to mia-mian anu madi' moko ala mombau apa-apaa na anu ma'ima'.

2 PETRUS 2:22

Apaa na anu binaumo nu aha mompototu'umo kahondoan nu basa' aiya, “Dedeng po'ule'mo mongkaan apaa na anu i lua'akonnyomo,” ka' “Bau' anu pinindi'mo po'ule'mo mingkaliade' i uno nu hensek.”

YUDAS 1:4

Kalana madi' opoko ala osumbu-sumbu'to, daagi' ko to mia-mian anu madi' osumbu'to minsasuluk minsoop hi kita. Aha to mia-mian palaganta anu monggeo-geo'akon lele mongkona balakat nu Tumpunto, da mohumpak kasampatan pompotudunan nu aha napisu. Ka' aha madi' mongakui i Yesus Kristus, aijo'mo na anu Mongkuasai ka' Tumpunto. Salatanmo pe'e naipuan mae hukuman nu aha sinisikakonmo i uno nu Kitab nu Tumpu.

ANU PINOTO'I HI YOHANES 2:9

Ku sumbu' na kasusa'an-kasusa'an miu; Ku sumbu' na komiu kasiasi panyo anu sahondo-hondonyo ahi' komiu kaya! Ku sumbu' na to pita-pitana' anu pompitana'i komiu nu to mia-mian anu mongakui butongnyo mian nu Yahudi, padahan misa'; aha atina'mo na mian nu Ibilis!

ANU PINOTO'I HI YOHANES 21:8

Panyo mian anu madi' sabaan, geguan, mian anu palaganta pampatei, mian masala', mian anu ko ajimat, monsombah pilogot, ka' iwi-iwi' na anu baleko' o'alin i uno nu apu anu sumo ndalangon ka' belelang anu lewa' moak, aijo'mo na kapatean anu kopinduannyo.”

ANU PINOTO'I HI YOHANES 22:15

Panyo to mia-mian anu mombau han anu mahumimi', anu mompake to aji-ajimat, to mia-mian anu mombau to kala-kalakuan masala'; anu mompatei, anu monsombah pilogot, ka' to mia-mian anu baleko', mau anu otaloakon, mau apa-apaa na palabuatan ma'idek, iwi-iwi' na mian aijo' tampatnyo i sambiha' nu kota aijo'.

ANU PINOTO'I HI YOHANES 3:9

O inau' na aiya: To mia-mian anu tinimbalimo mian nu Ibilis aijo', to bale-baleko' anu mangaku butongnyo Yahudi padahan misa', Ku bauje sahingga aha toka tolodadupu i ahop miu. Ka' nu sumbu'je nu aha na Aku taalu' mongkalibosi belemiu.