FILIPI 3:13 - KITAB NU TUMPU ALLA LELE MA'IMAI'

¹³ Tantu, to Utu-utus aku totu-totu'u madi' mongoa'i au'aitu aku kinohasinnyomo nohumpakmo tambo aijo'. Panyo daagi' ko sa'angu' na han anu binaungkumo, aijo'mo ku kolilimimo apaa na anu i hikungku ka' mongusahakonmo totu-totu'u da mohumpak apaa na anu aiya mae i ahop.

FILIPI 3:13 Iomraidhean Croise

MAZMUR 27:4

Ola sa'angu' na anu ku kakase hi Tumpu, ola aiya na anu ku kahanda'i: jojoong i Laigan nu Tumpu sampe toka sidu-sidutu' de aku daagi' tutuu' da ku oa'i na kanonongan nu Tumpu, ka' mongkakase da nu pokinde'i mae nu Tumpu.

MAZMUR 45:10

Misa' ola dayang-dayang na kiijo' ilaigan nu tomundo. Panyo daagi' mule' ahi' ko to lalangkoyang nu tomundo'. Ikoanan nu kadela nu tomundo' tinjo-tinjo na bengkele' nu tomundo'. Nipakemo nu palahiasan mosoni' anu madi' kogalo'nyo.

LUKAS 10:42

padahan anu penting ola sa'angu'. Ka' i Maria nompile'imo anu ma'ima', anu madi'mo timbali o ala aijo' hi ia.”

LUKAS 9:62

I Yesus notatae hi mian aijo', “Mian anu montampu'unimo mompajeko, lantas mosiloi i hiku, madi' pantas timbali mian anu palesayamo hi Tumpu.”

2 KORINTUS 5:16

Kalana aijo' kami madi'mo daagi' mongkila-kila mian susumo timbangan nu mian. Memang kami toho'mo nongkila-kila Kristus sumomo salaku ia mian, panyo uuka aiya madi'mo.

FILIPI 2:12

Mokonyo aijo', to Utu-utus anu okanonongi, susumo komiu saja' montuluti aku tempo'nyo aku daagi' itina' hi komiu, saba' lebe-lebe mule' uuka aiya tempo'nyo to majo'onanmo, tionyo ahi' komiu tataap montuluti aku. Komiu pinosalamatmo nu Tumpu Allah, jadi saja' ahi' o usahakon da kabilahian miu mompaka pa'ima'. Obau na aijo' bau pongadati ka' tulu-tulutan hi Tumpu,

FILIPI 3:12

Aku madi' notatae tukoongku aku nohumpakmo kabai tinalakana'mo. Panyo aku saja' mongusahakon da mohumpak tambo anu pinosadiakonmo i Kristus Yesus. Pongka'oho'nyo sumo aijo', sahingga ia nompagalamo nongala aku, ka' nompotimbalimo aku, iamo na tumpu-Nyo.

FILIPI 3:8

Misa' ola hahan anu sinanggomo aijo' panyo ahi' iwi-iwi na apaa kusangka sumo hahan anu ola mompolugi' aku. Anu daagi' hi belengku uuka aiya aijo'mo na lebe ko angga'nyo: aijo' mo monsumbu' i Kristus Yesus, Tumpungku. Kalana i Kristus, sahingga aku nolapasakonmo iwi-iwi na aijo'. Kusangka iwi-iwi' aijo' ola sumo duhehe da timbali ku humpak na i Kristus,

IBRANI 6:1

Kalana aijo', imbo' da kita mondensu'akonmo i panga-pangajalan anu lebe tongkohimona mongkona kantumuu'an nu mian Kristen anu sinsumbu'mo, da lebemo mangalati', ka' boli ola mongkamata pu'u-pu'unyo momona nu pangajalan nu agamanto. Boli kita po'ule' mule' mongulit pu'unyo nu pangajalan au'aitu mian madi'mo timbali mombau hahan anu madi'mo mingguna ka' tionyomo ahi' palesaya hi Tumpu,

2 PETRUS 3:8

Panyo to utu-utusku, sa'angu' na han aiya boli okolilimi nu belemiu: kalana hi Tumpu sansinaa madi' mosi sangalasan tiba samadala na taun – ohu-ohua' aijo' pokakana de hi Ia.