FILIPI 2:12 - KITAB NU TUMPU ALLA LELE MA'IMAI'

¹² Mokonyo aijo', to Utu-utus anu okanonongi, susumo komiu saja' montuluti aku tempo'nyo aku daagi' itina' hi komiu, saba' lebe-lebe mule' uuka aiya tempo'nyo to majo'onanmo, tionyo ahi' komiu tataap montuluti aku. Komiu pinosalamatmo nu Tumpu Allah, jadi saja' ahi' o usahakon da kabilahian miu mompaka pa'ima'. Obau na aijo' bau pongadati ka' tulu-tulutan hi Tumpu,

FILIPI 2:12 Iomraidhean Croise

EZRA 10:3

Imbo' da kita basumpa' hi Tumpu Allah, ka' olaa'tomo na boune haha aijo' iwi-iwi' tiba to ana-anak nu aha. Otulutimo mami na pokinde' nu belento iwi-iwi' ka' pokinde' nu mian haha aijo' sangga'at anu mompajuli palentah nu Tumpu Allah. Kami montulutimo Atulan nu Tumpu Allah.

MAZMUR 119:120

Aku ilangkakatanmo kalana nabuhukumo hi Belento, kinyonyoangku nangada'mo kalana kaputusan nu Belento.

MAZMUR 2:11

Sabole-boleh Tumpu na osombah ka' okabuhuk ka' tuluti na palentah-Nyo,

AMSAL 10:16

De mombau ka'ima'an tamboonyo aijo'mo kantumuu'an anu sanang. Panyo de mombau dosa' ahennyo lebe manjoo' mule' da dosa'.

AMSAL 13:4

Anu moluluk manjoo' na anu nu ka'ima'i panyo sa'angu' pe'e madi' ko anu nu humpak; panyo mian anu makeke mokalaja mohumpak apaa na anu nu ka'ima'i.

YESAYA 66:2

Songko-songko na dunia aiya, anu binau nu limang-Ku, saba' iwi-iwi' aijo' binaumo. Panyo anu Ku inde'i, aijo'mo mian anu ma'ima' na kinyonyoanyo, anu mongakui to dosa-dosa'nyo, anu mabuhuk ka' tulu-tulutan hi beleng-Ku.

YESAYA 66:5

Potombihing apaa na anu nutaloakon nu Tumpu, o, belemiu anu mabuhuk ka' montuluti Ia, “Kalana belemiu tulu-tulutan hi beleng-Ku, daagi' ko anu atina' hi bangsa nu belemiu na anu mongka'ideki belemiu, ka' madi' mongka'oho' mosangalu tiba belemiu. Aha ola mompopo'ambang belemiu ka' potatae, ‘Bakas da Tumpu mompotoa katalasanggoan-Nyo, da kami montoa belemiu lame'mo.’ Panyo posi ahamo ahi' na na'ambang.

MATIUS 11:12

Salatanmo pe'e i Yohanes noleleakon sisikonnyo sampe tempo' uuka, mian anu palesayamo hi Tumpu nu pisala'i nu to mia-mian anu talalo mompagala mongkuasai.

MATIUS 11:29

Batuki na palentang-Ku, ka' balajan pe'e hi beleng-Ku. Sabab Aku aiya madi' bohipusaon, ka' madi' ko kinti-kinti, sahingga komiu tompilawe.

SISIKON NU TO RASUL-RASUL 16:29

Kapala nu talungku' aiya nompoita sulu' lantas nopadeka' i unonyo, ka' i lakatnyomo na ia dinumaladupu i ahop hi Paulus ka' hi Silas.

SISIKON NU TO RASUL-RASUL 9:6

Panyo uuka bulamo ka' pinsoop mokiijo' i kota. I kiijo' mae opoto'ije hi beleyum apaa na anu tionyo nu bau.”

ROMA 2:7

Tumpu mombee'i kantumuu'an kopian ka' sidu-sidutu' hi aha anu sabaan mombau anu ma'ima' da pohumpakan anu ko angga'nyo, anu opopodaka' ka' toka sidu-sidutu'.

1 KORINTUS 15:58

Mokonyo aijo', to Utu-utus anu ku ku kanonongi, tionyo ahi' komiu mahoson ka' moko ala montahan soba'an. Saja' mokalaja totu-totu'u bau kapentingan nu Tumpu, kalana osumbu' miu, iwi-iwi' na anu obau miu bau kapentingan nu Tumpu, madi' ola palasuma.

1 KORINTUS 2:3

Tempo'nyo aku tinokamo hi komiu, aku ilundengmo ka' ilakatmo nu buhuk.

1 KORINTUS 4:14

Ku tulis na aiya toka hi komiu, misa' pongambangi komiu, panyo bau pompokinde'i komiu sumo posi to ana-anakku.

2 KORINTUS 7:15

Uuka ia nompaka kalibosimo komiu, kalana nututugi komiu Utus iwi-iwi' mongka'oho' mohongo-hongo pongatunnyo, ka' mosia na komiu nontalimamo ia ka' nongadatimo ia ka' tulu-tulutan.

EFESUS 6:5

To Utu-utus anu tinimbalimo posaihon! O hongo-hongo na palentah nu tuan miu anu i dunia aiya. Obau na aijo' nu kinyonyoa mongadati ka' mongadati totu-totu'u susumo anu obau miu hi Kristus.

FILIPI 1:27

Jadi, anu penting uuka aiya aijo'mo da komiu tumuu' pokakana tiba apaa na anu nukahanda'i nu Lele Ma'ima' mongkona i Kristus aijo'. Tiba jalan anu sumo aijo' pa' aku moko ala singkabot tiba komiu, kabai madi'mo, ku hongoje na kahosonan nu posa'angu'an miu ka' mogogia' hingga-hinggat i sa'angu' na kahanda' ka' sa'angu' na tanga'an; aijo'mo kapalesaya'an anu pokakana tiba Lele Ma'ima' anu lengkat mae hi Tumpu aijo'.

FILIPI 1:29

Kalana Tumpu nombee'imo balakat hi komiu, misa' ola da palesaya hi Kristus, panyo singkona da mongoa'i sansala kalana i Kristus.

FILIPI 1:5

Aku montalima kase hi Tumpu kalana salatanmo pe'e i sinaa momonanyo sangkutnyo uuka aiya, komiu nontulungimo aku nombebakon Lele Ma'ima' lengkat mae hi Tumpu.

FILIPI 1:6

Posi Tumpu na nontampu'uni kalaja anu ma'ima' aijo' hi belemiu, ka' kupalesaya totu-totu'u Ia na molausakon kalaja aijo' sahingga toka i Sinaanyo de i Kristus mompo'ule'mo toka.

FILIPI 2:19

Ku palesaya i Tumpu Yesus na nontulungi sahingga aku nalia' na nonsai i Timotius namba hi komiu, da aku sanang na mohongo lele mongkona komiu.

FILIPI 4:1

Mokonyo aijo', to Utu-utusku anu kuku kanonongi, sumo aitumo na komiu tionyo ahi' totu-totu'u palesaya hi Tumpu. Kinyonyoangku saja' montutugi hi komiu! Komiumo na anu kuku kabilahiakon ka' anu nompolame'mo aku.

FILIPI 4:15

To Utu-utus mian nu Filipi! Posi komiu nonsumbu'mo hondo saba' tempo'nyo aku nompala'imo Makedonia u'utu mae, tempo'nyo Lele Ma'ima' aijo' binebakonkumo, anu ai-aitunyoje, ola komiu na jama'at anu nontulungimo mae aku; ola komiu na hingga-hinggat nongoa'imo untung ka' lugi' tiba aku.

2 TIMOTIUS 2:10

Mokonyo aijo', aku sabaan na montanggung iwi-iwi' aijo' kalana kapentingan nu to mia-mian anu pinile'anmo nu Tumpu, da suele aha mohumpak kasalamatan anu obee' kalana palesayamo hi Kristus Yesus tiba mule' talasanggomo sampe toka sidu-sidutu'.

IBRANI 12:1

Yo de hi kita, manjoo' hondo aiya hi kita na sakisi! Kalana aijo', imbo' da o'alintomo iwi-iwi' na anu mompiboati ka' dosa' anu saja' maningkampit hi kita. Ka' imbo' na kita da sabaan na mombatuki baku lebee anu aiyamo i ahopto.

IBRANI 4:1

Yo, janji' nu Tumpu daagi' ahi' sabole-bole opake, ka' kita mohumpakje pingkainan anu jinanji'nyomo. Jadi, sabole-bole ahi' obala'ingati da boli ko samian anu itina' hi komiu na madi' mohumpak pingkainan anu jinanji'nyomo aijo'.

IBRANI 4:11

Kalana aijo', imbo' na kita da bala usaha totu-totu'u da mohumpak pingkainan anu jinanji'mo nu Tumpu aijo'. Boli sampe ko samian anu aiya hi kita na moteba' susumo aha naipuan mae, kalana madi'mo palesaya hi Tumpu.

IBRANI 5:9

Sahingga salatan Ia pinotimbalimo anu momposalamat totu-totu'u, Ia tinimbalimo pinolengkatan nu kasalamatan anu sampe toka sidu-sidutu' kona hi iwi-iwi'na mian anu tulu-tulutan hi Ia,

1 PETRUS 2:11

To Utu-utus anu okanonongi! Belemiu mian anu i salipu'an ka' anu lumambanan i dunia aiya. Mokonyo aijo' ku poita hondo-hondo da belemiu boli montuluti napisu nu manusia anu saja' mahampate mongewa santuu'.

2 PETRUS 3:18

Tionyo ahi' belemiu lebemo mongoa'i balakat i Yesus Kristus, Tumpu ka' Tomundo anu Momposalamat kita, ka' tionyo ahi' belemiu lebemo mule' monsumbu' Ia. O puji' na Ia, uuka aiya ka' sampe toka sidu-sidutu'! Amin. Tabea' mami, I Petrus 9