FILIPI 2:11 - KITAB NU TUMPU ALLA LELE MA'IMAI'

¹¹ Aha iwi-iwi' mongakuimo taalu' i Yesus Kristusmo na Tumpu; tiba jalan anu sumo aijo' Tumpu Tuumanto opopodaka'mo.

FILIPI 2:11 Iomraidhean Croise

MAZMUR 110:1

Mazmur i Daud. Tumpu nompoto'imo hi tuanku, “Suhangmo i sasu koanan-Ku, sangkut aha anu monsampobali' beleyum Ku popatundu'mo hi beleyum.”

MAZMUR 18:49

pinosalamat-Nyomo na aku nahampate tiba nu nongewa mae aku. O Tumpu, binee'anmo nu Belento na aku ka'untungan nahampate nongewa sampobali'ku, jinaganmo nu Belento na aku da madi' pinatean nu anu to sisinggi.

YEREMIA 23:6

De ia na mompalentah, mian nu Yehuda salamatmo ka' mule' mian nu Israel tumuu'mo madi'mo ko anu mompoposia. Tomundo' aijo' osanggohimo ‘Tumpu anu momposalamat Kita’.

MATIUS 10:32

“De ihe na mongakui Aku i ahop nu mian da'isan tukoonyo ia anu mombatuki Aku, Aku suele tionyo mongakui ia i ahop nu Tuumang-Ku i suluga'.

LUKAS 2:11

Sinaa aiya i kota Daud i hampemo na Tomundo anu Momposalamat komiu, aijo'mo i Kristus, Tumpu.

YOHANES 12:42

Mau mule' sumo aitu, da'isan na mian, tiba sangga'at na anu mongkuasai Yahudi pinalesayamo hi Yesus. Panyo aha aijo' palesaya nu pohowini nu aha, kalana aha mabuhuk boli-boli mian nu Farisi madi' mompobee' aha minsoop i Laigan Pogalejaan.

YOHANES 13:13

Komiu molaga Aku Gulu' ka' Tumpu. Memang ahi' sumo aijo'.

YOHANES 13:14

De Aku sumo Tumpu ka' Gulu'um mombaso'i tengke miu, komiu suele ahi' mompaha baso-baso'i tengke.

YOHANES 14:13

Ka' mau mule' pa' apaa na o poita miu de momboa sanggong-Ku, aijo' tionyo Kubee' bau bagi nu belemiu, da kalana anak, Tuuma opopodaka'.

YOHANES 14:23

I Yesus nontaami, “Mian anu mongkalibosi Aku, tionyo mombatuki pangajalan-Ku. Tuumang-Ku mongkalibosije ia. Tuuma ka' Aku tokaje hi ia ka' jojoong hingga-hinggat ka' ia.

YOHANES 17:1

Noko potatae sumo aijo', i Yesus nontihanga langit ka' notatae, “Kita Tuuma, u'uka aiya tinokamo na tempo'nyo. Popodaka'mo na Anak-To, da Anak-To suele mompodaka' kita Tuuma.

YOHANES 20:28

I Tomas notatae hi Yesus, “Tumpungku ka' Tumpu Allah-ngku!”

YOHANES 5:23

Nubau nu Tuuma sumo aijo' da iwi-iwi' na mian mongadati Anak sumo aha mongadati Tuuma. Mian anu madi' mongadati Anak, madi' suele mongadati Tuuma anu nonsai mae Anak.

YOHANES 9:22

Tina Tuuma nu mian aijo' notatae sumo aijo', kalana aha mabuhuk hi to pola-polaya' nu Yahudi; kalana aha aijo' sinambukumo, tukoonyo mian anu mongakui Yesus Tomundo anu Momposalamat, madi'mo daagi' timbali minsoop i laigan pogalejaan.

SISIKON NU TO RASUL-RASUL 10:36

Sinumbu'mo nu to Utu-utus na isi nu lele anu pinotoka nu Tumpu hi bansa Israel. Lele aijo' aitumo Lele Ma'ima', mongkona paladamean hi Yesus Kristus, aitumo Tumpu nu iwi-iwi' mian.

SISIKON NU TO RASUL-RASUL 2:36

Aijo' na sababnyo iwi-iwi' mian nu Israel tionyo monsumbu' totu-totu'u saba' i Yesus anu sinalibmo miu aijo', i Yesus ati-atina'mo na anu pinotimbalimo nu Tumpu, timbali Tumpu ka' Tomundo anu Momposalamat!”

ROMA 14:11

I uno nu Kitab nu Tumpu tinulismo, “Totu'unyo”, koo-Nyo nu Tumpu, “toto samian tionyo monsombah i ahop-Ku; ka' toto samian tionyo mangaku tukoonyo Akumo na Tumpu Allah.”

ROMA 14:9

I Kristus sinilakamo ka' po'ule' tinumuu'. Mokonyo aijo' Ia timbali Tumpu nu to mia-mian anu tumuu' tiba mule' Tumpu nu to mia-mian anu sinilakamo.

ROMA 15:9

I Yesus suele nompotimbalimo to bansa-bansa sangga'at nompopodaka' Tumpu, kalana ka'ima'an nu kinyonyoa-Nyo hi aha. I uno nu Kitab nu Tumpu tinulismo sumo uuka, “Mokonyo aijo' aku mompuji'mo Kita Tumpu aijo' hi aha to bansa-bansa, aku monyanyije pompuji' sanggon-To.”

1 KORINTUS 12:3

Tionyo ahi' osumbu' miu saba' mian anu nu kuasaimo nu Roh nu Tumpu madi' moko ala motatae, “Kinutukan na i Yesus!” Sumo aitu mule' madi' ko samian pe'e moko ala montaloakon, “I Yesus Tumpu!” de mian aijo' madi' nu kuasai nu Roh nu Tumpu Allah.

1 KORINTUS 15:47

I Adam anu momona tano' na binau, panyo i Adam anu ko ohua'nyo nolengkat mae i suluga'.

1 KORINTUS 8:6

Panyo hi kita, Tumpu ola sa'a-sa'angu'nyo. Ia Tuuma anu nompotimbalimo iwi-iwi' na anu daagi'. Bau kapaluan-Njo na kita tumuu'. Ka' Tumpu suele ola sa'angu', aijo'mo i Yesus Kristus. Anu binau iwi-iwi' nolengkat mae hi Ia, ka' kalana Ia sahingga kita tinumuu'mo.

1 PETRUS 1:21

Kalana Ia sahingga komiu pinalesayamo hi Tumpu anu po'ule'mo nompotumuu' Ia sinilaka ka' nompopodaka'mo Ia. Jadi Tumpu Allah ahi' na anu opalesaya nu belemiu, ka' hi Tumpu ahi' na bau kataha'imanan nu belemiu.

1 YOHANES 4:15

Ihe na mongakui tukoonyo i Yesus aijo' Anak nu Tumpu, Tumpu tumuu' nosa'angu'mo tiba mian aijo', ka' mian aijo' suele tumuu'mo mosa'angu' tiba Tumpu.

1 YOHANES 4:2

Sumo uuka na obau da osumbu' miu pa' Roh nu Tumpu kabai misa': Mian anu mongakui tukoonyo i Yesus Kristus tinokamo i dunia salaku mian, mian aijo' ko Rohmo anu tinoka mae lengkat hi Tumpu.

2 YOHANES 1:7

Manjoo'mo na anu baleko' nololomo i songko-songko na dunia. Ahamo atina' na to mia-mian anu madi' mompalesaya i Yesus Kristus anu tinokamo i dunia sumo samian na mian. Mian anu sumo aijo' atina'mo na anu mongakali ka' Sampo Bali' i Kristus.

ANU PINOTO'I HI YOHANES 3:5

Hi aha anu inguntungmo i uno nu kasabalan opopakeje na juba' mopute'. Sanggo nu aha madi'mo ohapus i Kitab nu Mian Tumuu'. Ka' i ahop nu Tuumang-Ku ka' to mala-malaikat-Nyo Ku Akuije na aha atina', Akumo na tumpu-Nyo.