FILIPI 1:8 - KITAB NU TUMPU ALLA LELE MA'IMAI'

⁸ Tumpu na monsumbu', saba' aku totu-totu'u molibos hondo hi komiu, kalana kalibosan anu tahahumo lengkat mae hi Kristus Yesus.

FILIPI 1:8 Iomraidhean Croise

AYUB 16:19

Ku sumbu' saba' anu montinjohi aku kiita' mae i suluga'; Ia na nontutuhakon tukoonyo aku madi' baladosa'.

YESAYA 16:11

Kinyonyoangku nolokihismo ka' ihansunmo hondo-hondo montoa ka' ada'an nu aha Moab tiba Kir-Heres.

YESAYA 63:15

O, Tumpu, toa mae mo uuka atina' i suluga', lengkat mae atina' ikajojoongan nu Belento anu susi' ka' talasanggo. Iyamo mae na kalibosan tiba kabaanian nu Belento? Iyamo mae na kanonongan tiba kalibosan nu Belento? Boli mae montahan aijo', bee'mo mae hi kami.

YEREMIA 31:20

O Israel beleyum anak anu Ku kanonongi hondo anak anu oka'ima'i hondo, saja' o inau' i uno nu kinyonyoang-Ku. De Aku montambuha'imo bele saja'mo Ku inau' na beleyum ka' molibosmo. Beleyum na Ku atun ahi' ima-ima' nu kalibosan.

LUKAS 1:78

Tumpunto manonong ka' mongkalibosi; da momposalamat kita, sahingga Ia tinoka. Sumo batu nu sinaa bete' daagi' subu,

ROMA 1:9

Aku saja' monginau' komiu de aku balado'a. Tumpu na nonsakisi apaa na anu tinaloakonkumo aijo' memang totu'u. Iamo na Tumpu anu kuku hongo-hongo buke-buke' na kinyonyoangku, aijo'mo mompolele Lele Ma'ima' mongkona Anak-Nyo.

ROMA 9:1

Apaa na anu kutaloakon aiya memang totu'u, kalana aku i Kristusmo na tumpunyo. Aku madi' baleko'. Kinyonyoangku anu pinotiju'mo nu Roh nu Tumpu mompohoson pikilanku, memang potataengku aiya totu'u.

2 KORINTUS 13:9

Kami sanang de kami madi' moko ala mombau apa-apaa, ka' komiu na mahoson. Kami mule' balado'a da komiu timbali ganap.

2 KORINTUS 6:12

Kinyonyoa mami saja' opotalang mami hi komiu. Ola ahi' komiu na madi' mompotalang mae kinyonyoa miu hi kami.

2 KORINTUS 7:15

Uuka ia nompaka kalibosimo komiu, kalana nututugi komiu Utus iwi-iwi' mongka'oho' mohongo-hongo pongatunnyo, ka' mosia na komiu nontalimamo ia ka' nongadatimo ia ka' tulu-tulutan.

GALATIA 1:20

Apaa na anu tinuliskumo aiya totu'u. Tumpu na monsumbu' saba' aku aiya madi' ahi' baleko'!

GALATIA 3:26

Kalana komiu pinalesayamo hi Kristus Yesus, sahingga komiu nosa'angu'mo tiba ia; ka' kalana aijo', komiu timbalimo to ana-anak nu Tumpu.

GALATIA 4:19

To ana-anakku anu ku kanonongi! Uuka aiya aku po'ule' mule' nongoa'i sansala kalana komiu. Aku mongoa'i sansala sumomo samian na tina nu anak anu mongoa'imo sansala tempo'nyo mohampeakonmo anak. Aku saja' mongoa'i sansala, de sipat-sipat i Kristus ma'isa minsoop hi butong miu!

FILIPI 2:1

Komiu nahosonmo kalana komiu nosa'angu'mo tiba i Kristus. Ka' komiu sinanangmo kalana i Kristus nongkalibosimo komiu! Komiu pinotiju'mo nu Roh nu Tumpu, ka' komiu suele nompaha kali-kalibosimo, ka' nompaha ina-inau'mo kalibosan nu samian ka' samian.

FILIPI 2:26

Ia molibos hondo hi komiu to Utu-utus iwi-iwi', ka' sinusa'mo na kinyonyoanyo kalana komiu nohongomo lele ia masakit.

FILIPI 4:1

Mokonyo aijo', to Utu-utusku anu kuku kanonongi, sumo aitumo na komiu tionyo ahi' totu-totu'u palesaya hi Tumpu. Kinyonyoangku saja' montutugi hi komiu! Komiumo na anu kuku kabilahiakon ka' anu nompolame'mo aku.

KOLOSE 2:1

Ku kahanda'i da osumbu' miu mosia na koboatnyo aku nongusahakonmo kapentingan miu ka' kapentingan nu aha i Laodikia tiba iwi-iwi' anu madi' mompahasumbu' aku.

KOLOSE 3:12

Kita Utus mian anu palesayamo hi Tumpu. Tumpu nongkalibosimo komiu ka' nompile'imo da timbali iamo samata-mata na tumpu-Nyo. Mokonyo aijo' komiu tionyo ahi' mompotoa kalibosan, komiu tionyo ahi' manonong, boli kobubuun, motatae madi' ko pesa-pesa, ka' sabaan na mongoa'i sansala.

1 TESALONIKA 2:5

Posi komiumo na monsumbu' saba' madi' kami motatae anu to tami-tami', kabai mongakali ko kahanda' da momposuluk to nia-niat mangoa. Tumpu na sakisi!

1 TESALONIKA 2:8

Kalana pongkalibosi mami, kami sanang na mombee' hi komiu misa' ola Lele Ma'ima' anu lengkat mae hi Tumpu aijo', panyo mule' kantumuu'an mami. Kalana mami talalo hondo mongkalibosi komiu.

2 TIMOTIUS 1:4

Ku inau' na kasusa'an nu kinyonyoaum. Mokonyo aijo' ku kahanda'i hondo singkabot tiba beleyum da aku timbali hondo-hondo lame'.

FILEMON 1:12

Uuka aiya mian anu ku kukalibosi aijo' po'ule'mo sinaingku mamba hi beleyum.

FILEMON 1:20

Mokonyo aijo', i uno nu sanggo nu Tumpu soba tulungi mae na aku, polame'akon mae na kinyonyoangku salaku anu moto utus hi Kristus.

1 YOHANES 3:17

De samian anu daagi' ko kangalabian, montoa utusnyo anu madi'mo ko apa-apaa, panyo madi' mongka'oho' montulungi utusnyo aijo', mosia na mian aijo' timbali montaloakon tukoonyo ia mongkalibosi Tumpu?