FILIPI 1:7 - KITAB NU TUMPU ALLA LELE MA'IMAI'

⁷ Memang nukonamo de aku ko kinyonyoa sumo aijo' hi komiu, kalana komiu Utus iwi-iwi' saja' i uno nu kinyonyoangku. Ka' mule' komiu singkona montalima hingga-hinggat ka' aku balakat anu binee'mo nu Tumpu hi belengku; mau uuka aiya aku hau-haunyo i uno nu talungku', mau pe'e aku i sambiha'nyomo mompototu'u ka' montinjohakon Lele Ma'ima' aijo'.

FILIPI 1:7 Iomraidhean Croise

SISIKON NU TO RASUL-RASUL 20:23

Aku ola monsumbu' saba' i toto sa'angu' na kota' Roh nu Tumpu nompoto'imo totu-totu'u hi belengku, tukoonyo saidi' mae o talungku' ka' mongoa'i sansala.

SISIKON NU TO RASUL-RASUL 21:33

Kapala nu suludadu aijo' namba hi Paulus lantas i hakopnyo ka' nompokau mian mompungu ia. Lapas aijo' kapala nu suludadu nompokilawamo pa'ihe na i Paulus aijo', ka' apaa na anu binaunyomo.

1 KORINTUS 13:7

Ia moko ala montahan mongahopi iwi-iwi na apa-apaa, ka' mongka'oho' palesaya hi anu talalo ma'ima' hi batu-batu mian; i uno nu han mau mule' pa' mosiamo, mian anu ko kalibosan aijo' madi' toho' mongkolilimi apaa na anu nutaha'imani, ka' sabaan montanda'i iwi-iwi na apa-apaa.

1 KORINTUS 9:23

Iwi-iwi' aijo' kubau kalana Lele Ma'ima' lengkat mae hi Tumpu aijo', da aku suele nu balakati.

2 KORINTUS 3:2

To Utu-utusmo na timbali sulat pompuji' mami, anu tuli-tulis i kinyonyoa mami, ka' anu timbali osumbu' ka' o basa' nu batu-batu mian.

2 KORINTUS 7:3

Kutaloakon sumo aitu misa' da mompisala'i komiu. Kalana sumo anu tinaloakonkumo u'utu mae, kami talalo hondo mongkalibosi komiu, ka' kita mosangalu sidu-sidutu' sampe silaka.

GALATIA 5:6

Kalana de kita mosa'angu'mo tiba i Kristus Yesus, han mombatuki kabai madi' mombatuki atulan nu sunat, madi'mo mongkuka. Anu palalu hondo ola ahi' palesayamo hi Kristus, ka' aijo' oponyata' i uno nu kita mongkalibosi mian sangga'at.

EFESUS 3:1

Mokonyo aijo' aku, i Paulus, tinalungku'mo kalana i Kristus Yesus bau kapentingan kona hi komiu anu misa' Yahudi.

EFESUS 4:1

Aijo' na sababnyo aku – mian anu tinalungku'mo, anu tinalungku'mo kalana nombaumo anu pinalentahkon nu Tumpu – momoita sabole-bole hi belemiu: da kantumuu'anum sumo ahi' mian anu i lagamo nu Tumpu mo'imboa tiba apaa na makisutnyo komiu i lagamo.

EFESUS 6:20

Kalana Lele Ma'ima' aijo', sahingga aku tinimbalimo mian anu sinai, ka' uuka aiya i unomo nu talungku'. Balado'a da aku baani na basisik montaeyakon Lele Ma'ima' aijo' anu sahondo-hondonyo ku taeyakon.

FILIPI 1:12

Ku kahanda'i da komiu monsumbu', hahan anu tinimbalimo hi belengku panyo nonsaduakonmo lebe manjoo' na mian nohongo ka' pinalesayamo i Lele Ma'ima' aijo'.

FILIPI 1:13

Ahennyo iwi-iwi' na anu monjagai laigan nu Tomundo tiba to mia-mian sangga'at i kota aiya nonsumbu'mo taalu' aku tinalungku' kalana aku mompojalan apaa na koonyo i Kristus.

FILIPI 1:14

Ka' aku tinalungku' nonsaduakonmo manjoo' na to mia-mian Kristen i kota aiya nompaka palesayamo mule' hi Tumpu, sahingga aha nompaka baanimo na mombebakon potuunon nu Tumpu, ka' madi'mo maha pabuhukan.

FILIPI 1:5

Aku montalima kase hi Tumpu kalana salatanmo pe'e i sinaa momonanyo sangkutnyo uuka aiya, komiu nontulungimo aku nombebakon Lele Ma'ima' lengkat mae hi Tumpu.

FILIPI 2:22

Posi komiu nontoamo bukuti'nyo taalu' i Timotius ko gunanyo. Ia nokalajamo juku-jukut tiba aku mompolele Lele Ma'ima' lengkat mae hi Tumpu. Kami ohua' sumomo ahi' anak tiba tuuma.

FILIPI 4:14

Panyo komiu nontulungimo aku i uno nu kasusa'anku; ka' apaa na anu binaumo miu aijo' memang ma'ima'.

FILIPI 4:15

To Utu-utus mian nu Filipi! Posi komiu nonsumbu'mo hondo saba' tempo'nyo aku nompala'imo Makedonia u'utu mae, tempo'nyo Lele Ma'ima' aijo' binebakonkumo, anu ai-aitunyoje, ola komiu na jama'at anu nontulungimo mae aku; ola komiu na hingga-hinggat nongoa'imo untung ka' lugi' tiba aku.

FILIPI 4:3

Toka hi sangalungku anu momo' hongo-hongo ku poita suele da kita Utus montulungi ua'-ua'aha na boune aijo'. Aha nokalajamo totu-totu'u tiba aku, nombebakon Lele Ma'ima' anu lengkat mae hi Tumpu; pokakana sumo i Kelemen ka' iwi-iwi' mian sangga'atan anu nokalajamo hingga-hinggat tiba aku. Sanggo nu aha haha aijo' daagi'mo i uno nu Kitab nu Mian Tumuu'.

KOLOSE 4:18

Salan do'a lengkat hi belengku, i Paulus. Posi aku na nontulis bagian aiya. Boli okolilimi mae na aku, daagi' i uno nu talungku'! O'amalakon da Tumpu mombalakati komiu. Tabea' mami, I Paulus 12

KOLOSE 4:3

Odo'akon suele na kami, da Tumpu mombee'i mae kami kasampatan anu ma'ima' na mombebakon lele mongkona lahasia i Kristus. Kalana han aijo', sahingga aku uuka aiya pinosoopmo i uno nu talungku'.

1 TESALONIKA 5:5

To Utu-utus iwi-iwi' atina'mo na mian anu tumuu' i uno nu jingka. Kita misa' mian anu tumuu' i uno nu kapintungan, kabai anu ibahagianmo nu anu pinihimo ka' pinintungmo.

2 TIMOTIUS 1:8

Mokonyo aijo' boli ma'ambang na mombee'i katalangan mongkona Tumpunto, ka' boli mongka'ambangakon aku, anu tinalungku' kalana Ia. Panyo ahi' tionyo beleyum tiba kahosona anu lengkat mae hi Tumpu suele mongoa'i sansala kalana Lele Ma'ima' aijo'.

2 TIMOTIUS 2:9

Kalana mompolele Lele Ma'ima' aijo', nonsaduakonmo aku sinilaka; pinaka mule' i lante' sumo samian anu uesan. Panyo potatae nu Tumpu madi' opoko ala o lante'.

FILEMON 1:13

Sabenannyo kahanda'mo ku tewa'na ia da jojoongmo tiba aku salaku pombolosi beleyum da ia timbali montulungi aku, hau-haunyo daagi' i uno nu talungku' aiya kalana mompolele Lele Ma'ima' anu lengkat mae hi Tumpu.

IBRANI 3:1

To utu-utus bubuu' mian Kristen anu i lagamo suele nu Tumpu Allah! Soba popikilakon hondo-hondo na i Yesus aiya! Tumpu nonsaimo mae Ia samata-mata da timbali Imam Daka' i agama anu otoonginto.

1 PETRUS 4:13

Ola ahi' komiu sabenannyo mongoa'i sanang kalana sansalamo hingga-hinggat tiba i Kristus. Sahingga de saidi' mae katalasanggoan i Kristus opotoamo, komiu balame-lame'je.

1 PETRUS 5:1

Ku poita da okalesang hondo-hondo nu to pola-polaya' nu jama'at miu. Aku nontulis aiya salaku sangalu bubuu' polaya' ka' salaku mian anu nonsakisimo kasansala'an anu ingoa'anmo i Kristus, ka' anu saidi' mae suele opopodaka', de maluannyo katalasanggoan i Kristus opotoamo hi manusia. Ku poita sabole-bole,

2 PETRUS 1:13

De aku daagi' tumuu', ku oa'i pantas na saja' mompotuka' belemiu i hahan aijo'.

1 YOHANES 3:14

Sinumbu'tomo, saba' kita nosabatmo i kapatean, ka' nolalinmo i kantumuu'an. Sinumbu'tomo na aijo', kalana kita mongkalibosi to Utu-utus bubu' kita. Mian anu madi' mongkalibosi, alati'nyo daagi' nu kuasai nu kapatean.