FILIPI 1:6 - KITAB NU TUMPU ALLA LELE MA'IMAI'

⁶ Posi Tumpu na nontampu'uni kalaja anu ma'ima' aijo' hi belemiu, ka' kupalesaya totu-totu'u Ia na molausakon kalaja aijo' sahingga toka i Sinaanyo de i Kristus mompo'ule'mo toka.

FILIPI 1:6 Iomraidhean Croise

MAZMUR 138:8

Belento mongganapimo anu jinanji'mo nu Belento hi belengku boli belenti na mongatun mae mian anu palesayamo hi Belento.

YOHANES 6:29

I Yesus nontaami, “Aiya na anu nukahanda'i nu Tumpu hi komiu: Palesayamo hi Ia anu sinai mae nu Tumpu.”

SISIKON NU TO RASUL-RASUL 11:18

Lapas nohongo aijo', aha madi'mo daagi' nonggagakon. Lantas aha nompuji'mo Tumpu. Aha notatae, “Desumo atina', to mia-mian misa' Yahudi suele obee'i tempo' nu Tumpu da balatobat bolimo mombau to dosa-dosa'nyo ka' mongoa'i kantumuu'an ma'ima'!”

SISIKON NU TO RASUL-RASUL 16:14

Samian anu lengkat aijo' hi aha, aijo'mo na anu lewa' mompobaluk hude mingkamumu', sanggonyo i Lidia nolengkat mae i Tiatira. Ia mongkalibosi Tumpu, sahingga Tumpu nohenggoakon kinyonyoanyo da ia montalima apaa na anu no ajanakon i Paulus hi ia.

1 KORINTUS 1:8

Posi i Kristus na monjagai komiu sampe i mihinyo; da de tempo'nyomo Ia po'ule'mo toka, komiu otokai mae madi' ko ideknyo.

2 KORINTUS 1:15

Kalana kapalesaya'an aijo', sahingga aku salatanmo pe'e imoonanyo nontanga'imo mamba montoa komiu da komiu mohumpak balakat pinduan lipat.

2 KORINTUS 2:3

Mokonyo aijo' tinulisku na sulat itina' toka hi komiu. Aku madi' mongka'oho' mamba montoa komiu, lantas opolibosmo miu, mae padahan komiu ahi' na anu sabenannyo mompolame' aku. Kalana ku palesaya de aku lame', makia' komiu utus iwi-iwi' suele lame' ahi'.

2 KORINTUS 7:16

Aku sanang hondo, kalana komiu timbali opalesaya i uno nu han iwi-iwi'.

2 KORINTUS 9:4

Aku bata-bata ihe na monsumbu' daagi' ko to mia-mian nu Makedonia anu mombatuki aku hingga-hinggat saidi' mae de aku mambamo hi komiu. Ka' de nutokai nu aha na komiu ma'isaje nontoukai, paya' na ko'ambangnyo na kami saidi' mae, kalana nontaloakonmo, kami palesaya hondo hi komiu! Ka' posi komiu singkona ma'ambangmo ahi'.

GALATIA 5:10

Mau pe'e sumo aijo' daagi' kupalesaya na komiu madi'mo ahi' montoongi pikilan sangga'at, kalana kita nosa'angu'mo tiba i Kristus. Ka' kupalesaya totu-totu'u saba' mau mule' pa' ihe na mompokalangkabut pikilan miu, nuhukum nu Tumpu.

EFESUS 4:12

Aiya binau-Nyo da mian anu palesayamo hi Tumpu obee'i pangalati'an hondo-hondo da timbali mohongo-hongo apaa na nu pinokauhakon nu Tumpu ka' mombau posa'angu'an salaku butong i Kristus.

FILIPI 1:10

Tiba jalan anu sumo aijo' komiu monsumbu'mo mompile'i apaa na anu talalo ma'ima', ka' kantumuu'an miu belesi'mo i kasala'an kabai maumo pa'apaa na posala' opokona hi komiu, i sinaanyo de i Kristus mompo'ule'mo toka.

FILIPI 1:29

Kalana Tumpu nombee'imo balakat hi komiu, misa' ola da palesaya hi Kristus, panyo singkona da mongoa'i sansala kalana i Kristus.

FILIPI 2:12

Mokonyo aijo', to Utu-utus anu okanonongi, susumo komiu saja' montuluti aku tempo'nyo aku daagi' itina' hi komiu, saba' lebe-lebe mule' uuka aiya tempo'nyo to majo'onanmo, tionyo ahi' komiu tataap montuluti aku. Komiu pinosalamatmo nu Tumpu Allah, jadi saja' ahi' o usahakon da kabilahian miu mompaka pa'ima'. Obau na aijo' bau pongadati ka' tulu-tulutan hi Tumpu,

FILIPI 2:13

kalana Tumpu na mokalaja i uno nu butong miu da mompotimbali komiu halala' ka' moko ala momposanang kinyonyoa nu Tumpu.

KOLOSE 2:12

Kalana salatan komiu pinalamandikanmo, komiu i lamunmo hingga-hinggat tiba i Kristus; ka' tiba palamandian aijo' mule', komiu po'ule'mo pinotumuu' suele hingga-hinggat tiba i Kristus, kalana komiu pinalesayamo i kuasa nu Tumpu anu nompo'ule'mo nompotumuu' i Kristus sinilaka.

2 TESALONIKA 1:11

Mokonyo aijo' kami saja' mondo'akon komiu. Kami balado'a da Tumpu mompotimbali komiu moko ala tumuu' mombatuki pongka'oho'-Nyo, kalana makisut aijo' sahingga Ia nolagamo komiu. O amalakon da Tumpu mongkuasai komiu mombatuki pongka'oho'nyo da mombau anu ma'ima' ka' mompokopiani iwi-iwi' na kalajanyo anu binaumo miu kalana pinalesayamo hi Kristus.

2 TESALONIKA 3:4

Ka' kami palesaya hondo-hondo hi Tumpu apaa na anu jinadimo hi komiu, kalana komiu nombaumo ka' sabole-bole mombau apaa na anu pinoto'imo mami hi komiu.

FILEMON 1:21

Aku nontulis sulat aiya kalana ku palesaya hondo na kita Utus tantu mombauje apaa na anu pinoitangkumo. Ka' kusumbu' tantu kita Utus mombauje anu lebe molingkudui aijo'.

IBRANI 10:35

Mokonyo aijo' opohoson na kinyonyoa, kalana de komiu tataap palesaya, saba' tambonyo nu han aijo' daka' hondo!

IBRANI 12:2

Anu otoanto tionyo saja' hi Yesus, kalana Ia na mompodaagi' imanto, ka' monjagai ka salatan pe'e i moonanyo toka-toka i mihinyo. I Yesus nongintimmo sakisa i kau' salib! Madi' pinajulannyo na Ia silaka i kau' salib aijo' salaku sa'angu' na han anu mongambangi. Ia ola monginau' kalame'an anu nu oa'ije i mihinyo mae. Uuka aiya Ia sinumuhangmo i sasu koanan nu kasuhangan nu Tumpu ka' mompalentahmo hingga-hinggat tiba Ia.

1 PETRUS 5:10

Panyo salatan lapasmo na komiu mongoa'i kasansala'an, Tumpu Allah na saidi' mae mompotimbali belemiu talakana'. Ia na mompotinjo ka' mompohoson belemiu ka' mule' mompotantu belemiu. Kalana Iamo na Tumpu anu manonong hondo, anu nolagamo belemiu da suele mongoa'i katalasanggoan-Nyo anu sampe toka sidu-sidutu' kalana i Kristus.

2 PETRUS 3:10

Panyo Sinaa katokaan nu Tumpu, toka sumo mian tomang. I Sinaa aijo', langit ma'idekmo sahingga lewa'mo poli-polintup sumo gohung, ka' to apa-apaa aita' i langit mingkotmo motoyo', ka' tano' tiba iwi-iwi na anu i unonyo ma'idekmo.