FILIPI 1:25 - KITAB NU TUMPU ALLA LELE MA'IMAI'

²⁵ Ku palesaya hondo na han aijo'. Mokonyo aijo' kusumbu' aku tataap jojoong tiba to Utu-utus iwi-iwi', da timbali montulungi komiu da mompaka pahoson ka' mompaka sanang na palesaya hi Tumpu.

FILIPI 1:25 Iomraidhean Croise

MAZMUR 60:6

Belento nompokinde'imo to mia-miananu tulu-tulutan, da aha madi' nukona nu hukuman.

LUKAS 22:32

Panyo Aku nondo'akonmo beleyum, Simon, da palesaya nu beleyum anu totu-totu'u boli tolotutus. Ka' de beleyum minsusule'mo mae hi beleng-Ku, beleyum tionyo mompohoson to utu-utusum.”

SISIKON NU TO RASUL-RASUL 11:23

Ka' salatan i Barnabas tinokamo kiijo' mae, ka' nontoa mosia na Tumpu nombalakatimo to mia-mian aijo', ia ilame' hondo. Lantas ia nompoita da aha totu-totu'u mohongo-hongo Tumpu nu iwi-iwi' na kinyonyoa.

SISIKON NU TO RASUL-RASUL 14:22

I kota-kota aijo' aha nompaka pohoson kinyonyoa nu anu saja' mombatuki Yesus ka' nompokinde'i anu saja' mombatuki aijo' da tataap palesaya hi Yesus. “Kita tionyo manjoo' na mongoa'i sansala i moonanyo, atina'je ka' kita mongoa'i ka'ima'an nu Dunia Bu'ou nu Tumpu,” sumo aitumo na to rasul-rasul aijo' mongajanakon hi anu saja' mombatuki Yesus i to kota-kota haha aijo'.

SISIKON NU TO RASUL-RASUL 20:25

Aku nambamo nolenga to Utu-utus iwi-iwi' ka' nompolelemo suele mongkona mosia na Tumpu mompalentah susumo Tomundo'. Uuka ku oa'i madi'mo daagi' mompahakabot tiba to Utu-utus.

ROMA 15:13

Tumpu aijo'mo na tampat anu otaha'imani miu. O amalakon iaje na mongisi kinyonyoaum nu iwi-iwi' na kalame'an ka' ka'ima'an, kalana komiu palesaya hi Ia, da kalana kuasa nu Roh nu Tumpu komiu mompaka taha'iman hi Tumpu.

ROMA 15:18

Aku baani basisik sumo aijo' ola mongkona apaa na anu binaumo i Kristus hi belengku da mompotimbali to mia-mian anu misa' Yahudi mohongo-hongo Tumpu. Aku nompojalan aijo' tiba potatae, kabai mule' tiba hahan anu binaungkumo,

ROMA 15:29

De aku toka hi komiu, tantu aku momboa manjoo' na balakat lengkat mae hi Kristus toka hi komiu.

ROMA 5:2

Kalana kita palesaya hi Yesus, sahingga Ia nompotimbali kita moko ala mongoa'i liibos nu Tumpu, ka' kalana liibos aijo' kita tumuu' uuka aiya. Kalana aijo' kita lame' na kinyonyoa, kalana kita ko anu otaha'imani aijo'mo kita mongoa'ije tumuu' ma'ima' anu binee' nu Tumpu!

2 KORINTUS 1:24

Aku madi' mompakisa komiu, apaa na anu tionyo opalesaya miu, kalana komiu pinalesayamo hondo hi Kristus. Aku ola mokalaja hingga-hinggat ka' komiu da komiu mompaka humpak ka'ima'an.

FILIPI 1:24

panyo, da bau kapentingan miu daagi' lebe ma'ima' de aku tataap jojoong i dunia aiya.

FILIPI 2:24

Ku palesaya saba' kalana pontulungi nu Tumpu, aku suele madi'mo daagi' pin na mamba molenga komiu.

FILEMON 1:22

Ka' mule', tulungi posadiai salipi' na aku i laiganum, kalana kutaha'imani Tumpu montalimakonmo iwi-iwi' na do'a nu to Utu-utus ka' po'ule'mo momboa aku minsusule' hi belemiu.

1 PETRUS 1:8

Komiu mongkalibosi Ia mau mule' naipuan mae komiu madi' nontoa Ia. Ka' komiu pinalesayamo hi Ia mau mule' uuka aiya komiu madi' nontoa Ia. Mokonyo aijo' komiu lame' ka' mongoa'i kasanangan anu daka' ka' anu madi' opoko taloakon.