FILIPI 1:22 - KITAB NU TUMPU ALLA LELE MA'IMAI'

²² Panyo de tumuu' i dunia aiya, aku moko ala mombau kalaja anu lebe mingguna, saba' madi' kusumbu' iya na anu tionyo ku pile'i.

FILIPI 1:22 Iomraidhean Croise

KAJADIAN 21:26

I Abimelekh notatae, “Aku madi' nonsumbu' pa' ihe na nombau han aijo'. Ma'isa toho mae pinoto'i nu beleyum hi belengku, u'ukaje aiya na aku nohongo mongkona han aijo'”.

KAJADIAN 39:8

I Yusuf madi' mongka'oho' sahingga ia notataemo hi ia, “Momoita ampun, hi belento bengkele' nu tomundo, i tuan Potifar nompotoongmo iwi-iwi' na halata'nyo hi belengku. Ia madi' mo daagi' palalu mompotutugakon apa-apaa i laigan aiya.

MAZMUR 71:18

O Tumpu, boli opala'i na aku, sangkut aku langkai'mo ka' bengkele'mo ka' uanonmo, da kabaanian ka' kuasa nu Belento ku bebakon, hi iwi-iwi' na tulunan anu aiya mae i ahop.

NOSABATMO 32:1

Salatan bansa Israel nontoa i Musa pininmo hondo madi'mo sampa ninsusule' mae lengkat i bungkutnyo dagi' sabole-bole kiita' mae, aha sinihukmo hi Harun ka' notataemo hi ia, “Kita madi' monsumbu' pa' apaa na anu tinimbalimo hi Musa, mian anu nomboamo mae kita nosabat lengkat mae i Mesir; jadi bauimo mae na kami pilogot anu molaya' kami.”

SISIKON NU TO RASUL-RASUL 3:17

To Utu-utus! Uuka sinumbu'kumo saba' apaa na anu binaumo miu ka' to pola-polaya' miu mongkona i Yesus, aijo' binaumo miu kalana komiu madi' monsumbu' apaa na anu hau-haunyo binaumo miu.

ROMA 1:13

To Utu-utusku! Ku indi da osumbu' miu taalu' saja'mo na aku mompai kahanda'i montoa komiu, panyo saja' ko anu monsalempodi. Ku indi da itina' hi komiu suele kalajangku ko hasinnyo susumo kalajangku anu kinohasinnyomo hi to mia-mian anu misa' Yahudi i tampat-tampat sangga'at.

ROMA 11:2

Madi'! Tumpu madi' mongalin mian-Nyo anu palesayamo, anu pinile'an-Nyomo salatanmo pe'e i moona. To Utu-utus monsumbu' apaa na anu tinulis i uno nu Kitab nu Tumpu mongkona i Elia, tempo'nyo ia nompotoka han anu tinimbali i Israel hi Tumpu Allah. I Elia notatae,

2 KORINTUS 10:3

Kami memang daagi' tutuu' i uno nu dunia, panyo kami madi' mombau apa-apaa de ola kalana kapentingan nu dunia.

GALATIA 2:20

Uuka misa'mo aku na anu tinumuu', panyo i Kristusmo na tinumuu' i uno nu butongku. Kantumuu'an aiya anu ku oa'i uuka aiya aitumo tumuu' palesaya hi Anak nu Tumpu anu mongkalibosi aku ka' anu nongkulubanakonmo butong-Nyo kalana aku.

FILIPI 1:23

Ohua' na jalan na mohela' aku. Ku ka'ima'imo hondo na mompala'i dunia aiya da mamba jojoong tiba i Kristus, kalana aijo' na anu talalo ma'ima';

FILIPI 1:24

panyo, da bau kapentingan miu daagi' lebe ma'ima' de aku tataap jojoong i dunia aiya.

KOLOSE 2:1

Ku kahanda'i da osumbu' miu mosia na koboatnyo aku nongusahakonmo kapentingan miu ka' kapentingan nu aha i Laodikia tiba iwi-iwi' anu madi' mompahasumbu' aku.

1 PETRUS 4:2

Kalana aijo', saja' ahi' komiu tumuu' i dunia aiya mombatuki pongka'oho' nu Tumpu, ka' misa' mombatuki pongka'oho' nu manusia.