FILIPI 1:12 - KITAB NU TUMPU ALLA LELE MA'IMAI'

¹² Ku kahanda'i da komiu monsumbu', hahan anu tinimbalimo hi belengku panyo nonsaduakonmo lebe manjoo' na mian nohongo ka' pinalesayamo i Lele Ma'ima' aijo'.

FILIPI 1:12 Iomraidhean Croise

ESTER 9:1

Ahennyo tinokamo i tanggan sampulu' ka' totolu' bitu'on Adar, aijo'mo na sinaa anu sinanggomo da pomposidanmo palentah i tomundo kona hi aha to mia-mian Yahudi. Sinaamo ai-aijo' na anu titinanda'anmo nu aha sampobali' nu bansa Yahudi da opatundu'mo na bansa aijo'. Padahan ola mule' ahi' bansa nu Yahudi na nompatundu'mo aha.

MAZMUR 76:10

Salatan Belento nobungkutmo, kahanda'mo momputusi da oposalamatmo na mian anu sinakisamo i dunia aiya.

NOSABATMO 18:11

Uuka aiya sinumbu'kumo taalu' Tumpu na lebe daka' molingkudui pilogot iwi-iwi', kalana iwi-iwi' aijo' binau-Nyomo tempo'nyo mian nu Mesir nongkabisa'imo ka' kinobubuunmo hondo hi aha mian Israel.”

LUKAS 21:13

Aijo' na kasampatan hi komiu da mompolele Lele Ma'ima' lengkat mae hi Tumpu.

SISIKON NU TO RASUL-RASUL 8:4

To mia-mian palesaya anu noga'a-ga'atmo aijo' noleleakonmo Lele Ma'ima' lengkat mae hi Tumpu aijo' iyaya mae.

ROMA 8:28

Osumbu'to Tumpu monsipatakon iwi-iwi' na han sahingga mohasinakon anu ma'ima' bau bagi nu to mia-mian anu mongkalibosi Ia, ka' anu ilaga-Nyomo pokakana tiba tanga'an-Nyo.

ROMA 8:37

Madi'! Ola o i uno iwi-iwi' aijo' kita mohumpakmo ka'untungan anu sukup lengkat hi Ia anu mongkalibosi kita!

FILIPI 1:5

Aku montalima kase hi Tumpu kalana salatanmo pe'e i sinaa momonanyo sangkutnyo uuka aiya, komiu nontulungimo aku nombebakon Lele Ma'ima' lengkat mae hi Tumpu.

FILIPI 1:7

Memang nukonamo de aku ko kinyonyoa sumo aijo' hi komiu, kalana komiu Utus iwi-iwi' saja' i uno nu kinyonyoangku. Ka' mule' komiu singkona montalima hingga-hinggat ka' aku balakat anu binee'mo nu Tumpu hi belengku; mau uuka aiya aku hau-haunyo i uno nu talungku', mau pe'e aku i sambiha'nyomo mompototu'u ka' montinjohakon Lele Ma'ima' aijo'.

FILIPI 2:22

Posi komiu nontoamo bukuti'nyo taalu' i Timotius ko gunanyo. Ia nokalajamo juku-jukut tiba aku mompolele Lele Ma'ima' lengkat mae hi Tumpu. Kami ohua' sumomo ahi' anak tiba tuuma.

FILIPI 4:15

To Utu-utus mian nu Filipi! Posi komiu nonsumbu'mo hondo saba' tempo'nyo aku nompala'imo Makedonia u'utu mae, tempo'nyo Lele Ma'ima' aijo' binebakonkumo, anu ai-aitunyoje, ola komiu na jama'at anu nontulungimo mae aku; ola komiu na hingga-hinggat nongoa'imo untung ka' lugi' tiba aku.

FILIPI 4:3

Toka hi sangalungku anu momo' hongo-hongo ku poita suele da kita Utus montulungi ua'-ua'aha na boune aijo'. Aha nokalajamo totu-totu'u tiba aku, nombebakon Lele Ma'ima' anu lengkat mae hi Tumpu; pokakana sumo i Kelemen ka' iwi-iwi' mian sangga'atan anu nokalajamo hingga-hinggat tiba aku. Sanggo nu aha haha aijo' daagi'mo i uno nu Kitab nu Mian Tumuu'.

1 TIMOTIUS 2:8

Ku kahanda'i da mau mule' iya mae na to momo'ane balado'a ming kinyonyoa ahi' anu susi', madi' pusa kabai ko po'uwalian.

2 TIMOTIUS 2:9

Kalana mompolele Lele Ma'ima' aijo', nonsaduakonmo aku sinilaka; pinaka mule' i lante' sumo samian anu uesan. Panyo potatae nu Tumpu madi' opoko ala o lante'.

2 TIMOTIUS 4:17

Panyo Tumpu na nonsangalui aku. Ia na nombee'imo kahosonan sahingga aku noko ala nompolele Lele Ma'ima' aijo' iwi-iwi', da ihongo nu mian iwi-iwi' anu misa' Yahudi. Sahingga aku madi'mo kinona nu bahaya nu kapatean.