FILEMON 1:22 - KITAB NU TUMPU ALLA LELE MA'IMAI'

²² Ka' mule', tulungi posadiai salipi' na aku i laiganum, kalana kutaha'imani Tumpu montalimakonmo iwi-iwi' na do'a nu to Utu-utus ka' po'ule'mo momboa aku minsusule' hi belemiu.

FILEMON 1:22 Iomraidhean Croise

SISIKON NU TO RASUL-RASUL 27:24

Malaikat aijo' notatae, ‘Boli mabuhuk, Paulus! Kalana beleyum mangadapmo hi Tomundo'. Ka' kalana kanonongan nu Tumpu Allah hi beleyum, iwi-iwi' na mian anu tinalabut tiba beleyum salamat, kalana beleyum.’

SISIKON NU TO RASUL-RASUL 28:23

Sahingga aha ka' i Paulus nontantukanmo sa'angu' na sinaa da bau pompahakabotan. I sinaa aijo' dina'isan na mian tinoka nokiijo' i kajojoongan i Paulus. Lengkat pe'e subu tinoka mamalom, na i Paulus nontalangkan nompotoka hi aha lele mongkona mosia na Tumpu mompalentah sumo Tomundo'. To ayat-ayat lengkat i Kitab i Musa ka' Kitab nu to Nabi-nabi, na pinake i Paulus, ia mompagala da aha palesaya hi Yesus.

ROMA 15:24

Saidi' mae de aku mamba motulu i kota miu mokiijo' i Spanyol o amalakon mae da timbali singkabot tiba komiu, ka' lame' sasaingoni' tiba komiu. Lapas aijo' ku poita da komiu timbali montulungi aku mamba mokiijo' i Spanyol aijo'.

2 KORINTUS 1:11

Opalesaya mami kalana do'a miu hi kami, sahingga Tumpu Allah po'ule' momposalamat kami da boli balaa'. Tumpu mombalakatimo kami salaku pontaami do'a anu nanjo'mo pinondo'akon mae kami, kalana aijo' manjoo' na mian montalima kase hi Tumpu Allah.

FILIPI 1:19

kalana kusumbu' saba' do'a miu tiba mule' tulungan lengkat mae hi Roh i Yesus Kristus, aku opobebasje.

FILIPI 2:24

Ku palesaya saba' kalana pontulungi nu Tumpu, aku suele madi'mo daagi' pin na mamba molenga komiu.

IBRANI 13:19

Ku poita da komiu sabole-bole mondo'akon aku da Tumpu Allah sampa' monsule'akon aku minsusule' hi komiu.

IBRANI 13:23

Tionyo ahi' osumbu' miu saba' utusto i Timotius pinobebasmo mae i talungku'. De ia aiyamo i tampatku, ku boaje na ia de aku mambamo molenga komiu.

YAKOBUS 5:16

Kalana aijo', tionyo ahi' komiu mompaha aku-akui kasala'an ka' mompaha do'a-do'akon, da komiu opa'alin. Do'a nu anu montuluti pongka'oho' nu Tumpu, ko kuasanyo Anu Matangkas.

2 YOHANES 1:12

Manjoo' hondo na anu palalu ku poto'i hi belemiu, panyo ku tutugi lebe ma'ima' boli ola mompakatu sulat. Bisa-bisa' aku moko ala mamba molenga komiu ka' mompaha ko basi-basisikje tiba komiu, da kinyonyoanto totu-totu'u lame'.

3 YOHANES 1:14

Kalana ku tutugi madi'mo pin po'ule'mo singkabot tiba komiu, ka' kita lewa'je basisik.