ESTER 9:4 - KITAB NU TUMPU ALLA LELE MA'IMAI'

⁴ I songko-songko na kalaja'an sinumbu'mo nu mian na i Mordekhai okabuhuk ka' oholomati hondo nu mian kiijo' i laigan nu tomundo ka' nompaka daka'mo hondo na kuasanyo.

ESTER 9:4 Iomraidhean Croise

2 SAMUEL 3:1

Anu monsangaja'i aha sampoto utusan mae i Saul tiba anu monsangaja'i aha sampoto utusan mae i Daud saja'mo nahampate. I Daud nompaka pahosonmo panyo aha sampo bali'nyo madi'mo kinokahosonan.

1 TAWARIKH 11:9

I Daud nompaka pahosonmo na kakuasa'annyo kalana Tumpu anu daka' na kuasanyo na montulungi ia.

1 TAWARIKH 14:17

Sahingga tinalasanggomo na sanggo i Daud iyaya mae, ka' binaumo nu Tumpu da iwi-iwi' na bansa nongkabuhukmo i Daud.

ESTER 10:2

Iwi-iwi' na palabuatan anu ingusahakonnyo singka-singkap talasanggo ka' anu okabangangi ka' suele sisikon mosia na ia nohangkatmo i Mordekhai tinimbali pangkat anu matangkas, tinulismo i uno nu kitab sisikon nu to tomu-tomundo' Persia tiba Media.

MAZMUR 1:3

Apaa na anu nukahanda'i nu bau nu mian aijo' iwi-iwi' nu humpak; ia sumo kau' tumuu' i sohipi' nu kau'nyo anu mimbua' de tokamo na lonunyo ka' saja' madi' toho' mangkaluale na honnyo.

MAZMUR 18:43

Aha i tinutukumo susumo abu' anu sinagakonmo, ka' sinautankumo susumo hensek ijalan.

MAZMUR 92:13

Mian anu hodi' na kinyonyoanyo nilondekmo susumo kurma, ka' nolumba'mo na tinumuu' susumo kau' lontio' nu Libanon.

NOSABATMO 11:3

Nupotimbalije nu Tumpu na mian nu Mesir da mongkanonongi aha mian nu Israel. Ka' i Musa timbalimo mian anu talalo hondo o'angga'i nu aha anu ko pangkatnyo ka' songko-songko na layat nu Mesir.

AMSAL 4:18

Jalan nu mian anu ma'idek na kinyonyoanyo pintung sumomo londomi' de malomo. Aha tosumpun ka' motua' madi' nusumbu' nu aha. Panyo mule' ahi' jalan anu nutulu nu mian anu ma'ima' na kinyonyoanyo sumomo ahi' batu nu sinaa bete'mo mae; ko pipinnyo ko jingka-jingkanyomo, sahingga ahennyo mae majingkamo hondo.

YESAYA 9:7

Tumpu nonabu'akonmo hukuman hi aha kalaja'an Israel.

ZEFANYA 3:19

Tokaje mae na tempo'nyo belemiu anu saja' monsansala mian Ku hansunimo, ka' mian anu pengko' Ku posalamatmo iwi-iwi' na anu binoamo ka' pinojoongmo i sa'angu' na tampat po ule'mo Ku sule'akon mae. Ambang nu aha Ku bali'imo timbalimo kaholomatan; maumo iya mae kabai maumo pe'e i songko-songko na dunia aha opopodaka'mo ka' mule' opuji'mo.

MATIUS 4:24

Lele mongkona i Yesus aijo' tinolelemo i songko-songko na tano' Siria, sahingga manjoo' na mian tinoka hi Ia. Aha nomboamo mae to mia-mian anu mongoa'i manjoo' na lupa-lupa nu panyakit tiba kasusa'an. To mia-mian anu pininsoopanmo nu roh ma'idek, anu mongkingkimi ka' anu lupe, iwi-iwi' pina'alin i Yesus.

YOSUA 6:27

Tumpu saja' mombaya'i i Yosua, ka' sanggo i Yosua tinalasanggomo i songko-songko na lipu' aijo'.

1 SAMUEL 2:30

Aku Tumpu Allah nu Israel, naipuan mae binalajanji'mo da belemiu salaigan ka' belemiu sa'angu' na tulunan mombau anu Ku palentahkon timbali imam sampe toka sidu-sidutu'. Panyo uuka aiya madi'mo Ku ka'ima'i na anu sumo aijo'! Kalana anu mongadati Aku suele Ku adati, panyo anu mongambangi Aku suele Ku ambangi.