ESTER 9:1 - KITAB NU TUMPU ALLA LELE MA'IMAI'

¹ Ahennyo tinokamo i tanggan sampulu' ka' totolu' bitu'on Adar, aijo'mo na sinaa anu sinanggomo da pomposidanmo palentah i tomundo kona hi aha to mia-mian Yahudi. Sinaamo ai-aijo' na anu titinanda'anmo nu aha sampobali' nu bansa Yahudi da opatundu'mo na bansa aijo'. Padahan ola mule' ahi' bansa nu Yahudi na nompatundu'mo aha.

ESTER 9:1 Iomraidhean Croise

2 SAMUEL 22:41

Kinalajamo nu belento na sampo bali'ku sahingga aha nopalaimo nompala'i aku; to mia-mian anu mongka'ideki mae aku pinateankumo.

ESTER 3:7

I taun kinosampulu'nyomo ka' ohua' na i Tomundo Ahasyweros nompalentah, i bitu'onnyomo anu momona, aijo'mo bitu'on Nisan, i Haman nompalentahmo da obuangakon onde anu osa-osanggohi “Purim” da osumbu' na sinaa ka' bitu'onnyo anu ma'ima' bau pompokonannyo niatnyo anu ma'i-ma'idek aijo'. Jadi pinotantumo i tanggan sampulu' ka' totolu', bitu'on anu ko sampulu'nyomo ka' ohua', aijo'mo bitu'on Adar.

ESTER 8:12

Palentah aijo' tionyo obau i songko-songko na kalaja'an Persia i sinaa anu sinanggomo i Haman aijo'mo mompatei to mia-mian nu Yahudi, i tanggan sampulu' ka' totolu' bitu'on ko sampulu'nyomo ka' ohua', aijo'mo bitu'on Adar.

ESTER 8:6

Te sanang mule' na aku aiya montoa bansangku tiba to utu-utusku opateimo iwi-iwi'?”

ESTER 9:17

Han aijo' jinadi i tanggan sampulu' ka' totolu' bitu'on Adar. Dodododopnyo mule' i tangga kinosampulu'nyomo ka' opat, aha sabenannyo madi'mo timbali mompatei, panyo molame'akonmo ahi' sinaa aijo'.

MAZMUR 18:40

Binee'anmo nu Belento na aku kahosonan mahampate, ka' ka'untungan nahampate nongewa iwi-iwi' anu nonsampobali' mae aku.

MAZMUR 30:11

Potombihingakon mae o Tumpu ka' kalibosiakon mae na aku. O Tumpu tulungiakon mae na aku!”

SISIKON NU TO RASUL-RASUL 12:11

Ilapas aitu, atina'je ka' i Petrus tinolo sukap i apaa na anu jinadimo hi ia, lantas ia notatae, “Uuka aiya sinumbu'kumo taalu' i Tumpu totu-totu'u nonsaimo mae malaikat-Nyo da molapasakon aku i kuasa i Herodes ka' lengkat i sangga-sangga'atan anu nubau nu bansa Yahudi hi belengku.”

PO'ULE' INGULIT 32:36

Tumpu momposalamatmo mian anu pinalesayamo hi Ia ka' mongkalibosimo to posa-posaihon-Nyo, de Nu toamo na aha madi'mo moko ala mombau apa-apaa ka' madi'mo ko kahosonan.

ANU PINOTO'I HI YOHANES 11:18

To mia-mian anu madi' monsumbu' Tumpu, noto'idekmo kalana tinokamo na tempo'nyo na Kita mompobuntumo pusa-nTo, ka' mule' tempo'nyomo na Kita momputusimo palakala nu to mia-mian anu i natemo. Aiyamo na tempo'nyo mombee'imo tamboonyo hi to posa-posaihon-To, aijo'mo to nabi-nabi. Ka' iwi-iwi' na mian-To anu pinalesayamo, aijo'mo iwi-iwi' na mian anu monsombah Kita, daka' maupe'e ise'. Aiyamo na tempo'nyo mohopu'imo to mia-mian anu nongideimo dunia!”