ESTER 8:9 - KITAB NU TUMPU ALLA LELE MA'IMAI'

⁹ Lantas sinaamo aijo', aijo'mo i tanggan 23 bitu'on kototolu'nyomo, bitu'on Siwan, i Mordekhai nolagamo to gulu-gulutulis i tomundo ka' pinalentahnyo na aha da montulis sulat ka' opakatu hi to gubernur-gubernur, hi to kapa-kapala da'erah ka' hi to mia-mian anu matangkas na pangkatnyo i uno nu propinsi anu 127 na propinsi lengkat pe'e mae i India to-toka i Susan. Sulat haha aijo' otulisi o basa' ka' tulisan anu osumbu' nu propinsi toto sa'angu' Ia suele nompakatumo sulat hi mian nu Yahudi i basa' ka' tulisan nu aha Yahudi.

ESTER 8:9 Iomraidhean Croise

ESTER 1:22

Pinakatunyomo na sulat palentah hi iwi-iwi' na propinsi, kalaja'an ibasa' ka' tulisan nu propinsi haha aijo' toto sa'angu.

ESTER 1:1

Kiijo' i Susan puso nu kota' Persia, i Ahasyweros na nompalentah salaku tomundo'. Kalaja'annyo 127 na propinsi, lengkat mae i India toka-toka i Sudan.

DANIEL 6:1

Noko lapas pinatean na i Belsyazar i Darius mian nu Media nompo agomo kakuasa'an i uno nu kalaja'an. Tempo'nyo aitu umunnyo anom pulu'mo ka' ohua' na taun.

DANIEL 4:1

Sumo uuka na anu binebakonmo i Tomundo' Nebukadnezar anu pinakatunyomo hi to mia-mian i iwi-iwi na bansa, tulunan nu bansa, ka' basa' i songko-songko na dunia: “Salamat kopian!

2 TOMU-TOMUNDO' 18:26

Lantas notataemo na i Elyakim i Sibna, i Yoah, hi suludadu anu matangkas na pangkatnyo aijo', “O tuan, potatae basisik nu aha mian Aram hi kami, kami suele monsumbu'. Boli motatae susumo basisik nu mian Ibrani, dumo nusumbu' nu mian da'isan anu aita' i pagan mesen nu kota'.”

DANIEL 6:25

Lapas aijo' i tomundo' nompalentahmo mian da mohakop to mia-mian anu nongkalakmo mae i Daniel. Lantas aha iwi-iwi' tiba to ana-anak ka' mule' to bengke-bengkele' nu aha ilumbu'akonmo nokiijo' i uno nu liang nu singa haha aijo'. Ma'isa pe'e aha tinoka ilananyo nu liing aijo', singa haha aijo' nonsa'umo aha ka' nohansunimo buku-buku nu aha.

2 TAWARIKH 15:10

da sihuk i Yerusalem. Sahingga sinihukmo na aha i bitu'on ko totolu'nyo, i taun ko sampulu'nyomo ka' olima' na i Asa nompalentah.

ESTER 10:1

I tomundo' Ahasyweros nongatunmo pakalaja'an anu opakisa, misa ola hi to mia-mian anu i daerah-daerah sasu biwi nu ambai anu i uno nu kalaja'annyo, panyo suele i daerah-daerah anu majo'on na ambai.