ESTER 7:7 - KITAB NU TUMPU ALLA LELE MA'IMAI'

⁷ I tomundo notambuha'mo hondo, lantas ia nambamo nompala'i meja' ka' nosabatmo, nokiijo'mo i taman i laigan nu tomundo. Sinumbu'mo i Haman na i tomundo taalu' nongalamo kaputusan mohukumo ia, kalana aijo' sinajojoongnyomo na ia hi Ester Bengkele' nu tomundo aijo' momoita da ia opotuu'.

ESTER 7:7 Iomraidhean Croise

AMSAL 19:12

Tambuha' nu tomundo sumomo polohu' nu singa; kanonongan nu tomundo sumomo dondu'ok mohumpisi sinin na anu tumuu'.

ESTER 1:12

Panyo salatan posaihonnyo haha aijo' nompoto'imo palentah i tomundo hi Wasti Bengkele'nyo, bengkele'nyo aijo' madi' mongka'oho' toka mae sahingga i tomundo notambuha'mo hondo.

ANU PINOTO'I HI YOHANES 3:9

O inau' na aiya: To mia-mian anu tinimbalimo mian nu Ibilis aijo', to bale-baleko' anu mangaku butongnyo Yahudi padahan misa', Ku bauje sahingga aha toka tolodadupu i ahop miu. Ka' nu sumbu'je nu aha na Aku taalu' mongkalibosi belemiu.

DANIEL 3:19

Sahingga talalomo hondo pinusa na i Tomundo' Nebukadnezar hi Sadrakh, hi Mesakh, tiba hi Abednego, kalana aijo' ohupnyo nomehamo hondo. Ia nompalentahmo da mombaumo apu, obau pimpitun lipat na ko panasnyo nu lingkudui na panasnyo biasa.

YESAYA 60:14

To ana-anak anu nonsakisa beleyum tokamo tolodadupu monsombah, beleyum, anu toho'mo nongalu beleyum ta'alukmo, beleyum osanggohimo ‘Kota' nu Tumpu’, ‘Sion, Kota' nu Tumpu Israel anu Susi'.’

AMSAL 14:19

Mian anu ma'idek na kinyonyoanyo saidi' mae ta'aluk hi mian anu madi' tageo' na kinyonyoanyo; mongkakase da okalibosi.

MAZMUR 112:10

Mian anu ma'idek na kinyonyoanyo montoa ia, lantas motambuha'mo; bese' nu aha koyokobanmo kalana mongka'idekimo. Lantas aha silakamo; anu nu ima-imani nu aha madi'mo nu humpak nu aha sampe toka sidu-sidutu'.

1 SAMUEL 25:17

Kalana aijo', soba tutugi pe'e na han aijo' ka' tantukan apaa na anu nu bau nu belento Bengkele' i tomundo'. Kalana tokamo mae na balosnyo hi tuanto ka' hi sa'anakannyo iwi-iwi'. Tuanto madi' hondo mompajuli maumo pa' ihe sahingga i tuan madi' opoko ala o endei da basale'!”

1 SAMUEL 20:9

Tinaaman i Yonatan, “Boli bata-bata! De kusumbu'mo totu-totu'u na tuumangku kahanda'mo mompatei beleyum tantu tionyo ahi' kupoto'imo hi beleyum.”

1 SAMUEL 20:7

De i tomundo' motatae, 'Ii'mo',' yo aku madi' opoposia, panyo de ia motambuha', aijo' osumbu'mo taalu' ia nontantukanmo mompateimo aku.

ESTER 1:5

Lapas aijo' i tomundo' nombaumo bau-bauon mule' ka nolaga na mian da'isan nu Susan mau anu kaya mau anu kasiasi. Bau-bauon aijo' sina'angu' na duminggu na kinopinnyo ka' binau isa'angu' na taman kiijo'koko laigan nu tomundo'.

ESTER 7:10

Sumo aijo' na i Haman pinokalayo'mo i ohi' anu pinototonnyomo anu kiniboli' bau pompokalayo'annyo i Mordekhai, lantas ilapas na aijo' atina'je ka' i tomundo madi'mo notambuha'.

AMSAL 14:35

Tomundo' sanang hi pegawenyo anu pande; panyo ia pusa hi pegawenyo anu madi' moko ala molakukan kalaja'nyo.

AMSAL 16:14

Tambuha' nu tomundo' salakumo lele nu hukuman mate; mian anu pande mongusahakon da mohuhusi tambuha'!