ESTER 4:4 - KITAB NU TUMPU ALLA LELE MA'IMAI'

⁴ Salatan to lalangkoyang tiba to mia-mian anu binee'an kalaja samata-mata mompalakai i Ester Bengkele' nu tomundo nompoto'imo hi ia apaa na anu binaumo i Mordekhai, i Ester sinusa'mo hondo. Pinakatunyomo na baju' hi Mordekhai da bau pombolosi baju' kalung anu pinusoknyomo, panyo i Mordekhai madi'mo nongala baju' aijo'.

ESTER 4:4 Iomraidhean Croise

KAJADIAN 37:35

Iwi-iwi' na to ana-anaknyo, to momo'ane, kabai to bou-boune toka mongindeko'. Ia notatae, “Sidutu' silaka na aku, aku saja' mohangi anakku.” Sumo aijo'mo na ia saja'mo nolibos monginau', kalana i Yusuf anaknyo sinilakamo.

2 TOMU-TOMUNDO' 9:32

I Yehu nontonto'imo nokiita' i tolongan ka' notatae “Ihe na monsangaja'i aku?” Nohongo potatae aijo' ua'aha kabai aha totolu' na mian anu ko pangkatnyo i laigan nu Tomundo' nontoamo nokaiyong.

ESTER 1:12

Panyo salatan posaihonnyo haha aijo' nompoto'imo palentah i tomundo hi Wasti Bengkele'nyo, bengkele'nyo aijo' madi' mongka'oho' toka mae sahingga i tomundo notambuha'mo hondo.

ESTER 4:3

Ka' suele i songko-songko na propinsi, to mia-mian nu Yahudi sinusa'mo ka' lewa'mo i humang salatan ihongomo nu aha na anu binebakonmo i tomundo. Aha binapuasa'mo lewa'mo i humang ka' notusa'mo, ka' mule' manjoo'na aha nompusokmo hude kalung ka' lewa'mo nale' i abu'.

ESTER 4:5

Lantas i Ester nolagamo i Hatah, sala'samian anu binee'anmo kalaja i tomundo da samata-mata mompalakai i Ester. Sinainyo na i Hatah mompokilawa hi Mordekhai apaa na anu jinadimo sahingga ia nombaumo sumo aijo'.

MAZMUR 77:2

Pinohosonkumo na aku notatae nongkakase hi Tumpu; pinohosonkumo na aku notatae nongkakase, ka' ia nohongomo mae aku.

YESAYA 56:3

Mian anu isalipu'an mae mogalumo tiba mian anu palesayamo hi Tumpu madi' timbali motatae, “Tumpu madi' mompoloas aku monsombah Ia hingga-hinggat tiba mian anu palesayamo hi Ia.” Miana nu tinoku'imo madi' timbali bapikin “Aku madi'mo timbali sangalu nu mian anu palesayamo hi Tumpu, kalana aku madi' timbali mohumpak lee'.”

YEREMIA 31:15

Tumpu notatae, “Kiijo' i Rama ihongomo na anu ihumang, mososon ka' pompele-pele' bau nu kasusa' nu kinyonyoa. I Rahel nohangimo to ana-anaknyo, ia madi'mo montalima pohase' kalana aha imadi'anmo.

SISIKON NU TO RASUL-RASUL 8:27

Sahingga i Filipus mule' nambamo. Tempo'nyo aitu daagi' ko samian anu ko pangkat mokalaja i kalaja'an Etiopia anu hau-haunyo lumambanan minsusule' mokiijo' i lipu'nyo. Mian aitu samian anu ko pangkat matangkas anu mongulus iwi-iwi' kakaya'an i Kandake, Tomundo boune i lipu' Etiopia. Mian aijo' mambamo nokiijo' i Yerusalem da balado'a hi Tumpu, ka' uuka aiya hau-haunyomo minsusule' tiba bendinyo. Hau-haunyo suha-suhang i uno nu kasake'annyo aijo' ia nombasa' Kitab i Nabi Yesaya.

1 SAMUEL 8:15

Ale' sangga'at ka' mule' ale' nu anggur nu belemiu opokonaimo hasin sambagian anu o ala i sampulu' na bagian na isinyo nu ale' aijo', lantas nu bee'mo hi to kapa-kapala nu suludadu' ka' hi to mia-mian anu kopangkatnyo mokalaja hi ia.