ESTER 4:1 - KITAB NU TUMPU ALLA LELE MA'IMAI'

¹ Salatan i Mordekhai nohongomo apaa na anu jinadimo, bineaknyomo na baju'nyo ka' nompusok hude kalung salaku tanda sinusa'mo hondo na kinyonyoanyo. Kinakambuhakonnyomo na abu' aita' i ubaknyo lantas ilumajangmo i kota' ka' lewa'mo i humang daka-daka' ka' tinongkolibosonmo.

ESTER 4:1 Iomraidhean Croise

KAJADIAN 27:34

Salatan i Esau nohongomo aijo', ia i humangmo daka-daka' ka' talalomo hondo nolibos, lantas ia notataemo, “Balakatiakon mae na aku suele, o Tuumangku.”

KAJADIAN 37:34

I Yakub nombeakmo baju'nyo kalana talalomo nolibos ka' nompusokmo baju' kalibosan hi mian anu sinilakamo. Sansina-sinaa na ia mohangi anaknyo aijo'.

2 SAMUEL 1:11

Nohongo aijo' i Daud nombea-beakmo baju'nyo kalana nolibosmo hondo na ia ka' suludadunyo iwi-iwi' suele nombaumo sumo aijo'.

2 SAMUEL 13:19

Lantas ingabu'anmo i Tamar na ubaknyo, binea-beaknyomo na juba'nyo ka' nambamo, ka' ohupnyo kinukubannyomo nu limanyo ohu-ohua' ka' i humaangmo noli-nolibos.

ESTER 4:2

I ahop nu sabatan daka' nu laigan i tomundo ia tinolotinjomo, kalana mian anu mompusok baju' kalung madi' timbali minsoop.

ESTER 4:3

Ka' suele i songko-songko na propinsi, to mia-mian nu Yahudi sinusa'mo ka' lewa'mo i humang salatan ihongomo nu aha na anu binebakonmo i tomundo. Aha binapuasa'mo lewa'mo i humang ka' notusa'mo, ka' mule' manjoo'na aha nompusokmo hude kalung ka' lewa'mo nale' i abu'.

AYUB 1:20

Lantas tinuminjomo na i Ayub ka' binea-beaknyomo na baju' nyo salaku tanda sinusa'mo hondo na kinyonyoanyo. Kiniisnyomo na ubaknyo lantas tinolodadupumo ka' notatae,

AYUB 2:8

Lantas i Ayub sinumuhangmo koko tambulan nu duhehe ka' nongalamo kubeng nu lean bau lewa' pongkahutnyo butongnyo.

AYUB 42:6

Mokonyo aijo' aku ma'ambangmo de ku inau'mo na anu tinaloakonkumo iwi-iwi' ka' aku nompele-pele'mo kalana aitu aku sinumuhangmo aiya i tano' anu ningabu'mo.”

YESAYA 15:4

Aha mian nu Hesybon tiba Eleale sola'mo molokuk sahingga kahongoanmo toka-toka i Yahas. Ka' mule' to sulu-suludadu ilakatnyomo; kalana aha madi'mo binaani.

YESAYA 22:4

Boli mae mompalahatikan aku; bakas da ku haangi ahi' na to mia-mian bansangku anu sinilakamo.

YESAYA 37:1

Salatan ihongomo i Tomundo' Hizkia na anu pinoto'i nu aha totolu' na mian haha aijo', binea-beaknyomo na baju'nyo ka' nompusokmo hude kalung salaku tanda sinusa'mo, lantas ia nambamo i Laigan nu Tumpu.

YESAYA 37:2

Lapas aijo' ia nonsaimo i Elyakim kapala nu laigan nu tomundo', i Sebna julutulis nu negara tiba to ima-imam anu kopangkatnyo da mamba singkabot tiba i Nabi Yesaya anak i Amos. Aha suele nompusokmo hude kalung.

YESAYA 58:5

De belemiu puasa, belemiu monsakisa butong nu belemiu; belemiu mompoduku ubak nu belemiu susumo hon nu hemput. Belemiu mompolatas kalung ka' okakambuhi nu abu', ka' male'mo aijo'. Aijo'mo na osanggohi nu belemiu puasa'? Osangka nu belemiu Aku sanang i palabuatan nu belemiu aijo'?

YEHEZKIEL 21:11

Bajak aijo' binoitmo da me kokogia' opake lantas obee'mo hi samian anu tukang kolot.

YEHEZKIEL 21:6

O, manusia anu madi' tumuu' batu, polotando'mo ka' pososonmo i ahop nu to mia-mian Israel, susumo au'aitu beleyum madi'mo ko halapan.

DANIEL 9:3

Lantas aku binalado'amo totu-totu'u hi Tumpu nompoita da okalibosi mae. Aku mule' binapuasa'mo ka' nompusokmo hude kalung ka' sinumuhangmo i abu'.

MIKHA 1:8

Kalana aijo' aku, i Mikha nolibosmo na kinyonyoa ka' nompele-pele'mo. Aku i lumajangmo langgo-langgo' ka' madi'mo ni sapatu da pompotoa talalomo hondo nolibos na kinyonyoangku. Aku nolohu'mo susumo dedeng nu alas ka' nolokekmo susumo tominsi' unta.

ZEFANYA 1:14

Sinaa pomputusianmo nu Tumpu malia'mo mae toka ya malia'mo mae, ka' memang malia'mo mae toka. Sinaa aijo' manjoo' hondo na kasansala'an sahingga to sulu-suludadu anu talalo hondo baani maha loboo'anmo kalana madi'mo ko anu otaha'imani!

MATIUS 11:21

“Silaka na komiu, Korazim! Ka' silaka mule' na komiu Betsaida! Ande-andenyo anu okabangangi binau i totonga' miu, binaumo i Tirus ka' i Sidon, tantu to mia-mian i kiijo' mae pininmo na binala tobat i to dosa-dosa' nu aha ka' nompakemo pakean nu adat de ko anu mate, ka' nompotudumo abu' i buan nu ubak.

SISIKON NU TO RASUL-RASUL 14:14

Salatan i Barnabas ka' i Paulus nohongomo apaa na anu ka' oho' obau nu to mia-mian aijo', aha nombea-beak baju' nu aha ka' nopadeka' nokiijo' i totonga' nu mian da'isan aijo', lantas noloboo',

YOSUA 7:6

I Yosua ka' to pola-polaya' nu aha mian Israel sinusa'mo hondo na kinyonyoa sahingga binea-beakmo nu aha na baju' nu aha ka' sinansinaa tinoka sampe nalom na aha tinolodadupu i ahop nu Peti' Palajanjian nu Tumpu ka' nongkakambuhakonmo abu' i ubak nu aha salaku tanda sinusa'mo hondo na kinyonyoa.

ANU PINOTO'I HI YOHANES 11:3

Aku monsaije ua'aha na sakising-Ku anu mompusok baju' monsusa'akon anu silakamo, ka' aha mompoto'ije lele nu Tumpu Allah kopinnyo 1.260 na sinaa.”