ESTER 3:7 - KITAB NU TUMPU ALLA LELE MA'IMAI'

⁷ I taun kinosampulu'nyomo ka' ohua' na i Tomundo Ahasyweros nompalentah, i bitu'onnyomo anu momona, aijo'mo bitu'on Nisan, i Haman nompalentahmo da obuangakon onde anu osa-osanggohi “Purim” da osumbu' na sinaa ka' bitu'onnyo anu ma'ima' bau pompokonannyo niatnyo anu ma'i-ma'idek aijo'. Jadi pinotantumo i tanggan sampulu' ka' totolu', bitu'on anu ko sampulu'nyomo ka' ohua', aijo'mo bitu'on Adar.

ESTER 3:7 Iomraidhean Croise

EZRA 4:6

Tempo'nyo i Tomundo Ahasweros nompalentahmo, to sampo-sampo bali nu aha anu jojoong i Yerusalem ka' Yehuda nontulismo surat bau pontewa'.

EZRA 6:15

Laigan nu Tumpu aijo' tinimbalimo kinonamo i tanggan kototolu'nyona bitu'on Adar i taun ko anomnyomo na i Tomundo Darius nompalentah.

NEHEMIA 2:1

Daagi' kino sansinaan, salatan ingopatmo na bitu'on noko lapas na aijo', kinakonamo i bitu'on Nisan, tempo'nyo i Tomundo' Artahsasta hau-haunyo mongkaan, aku nontawa'imo anggur ia, ohupku madi'mo binikas. Ma'isa toho' aku tinoa madi' bikas i ahop i tomundo' susumo sinaa aitu.

ESTER 1:3

I taun kototolu'nyomo na ia nompalentah, i Tomundo' Ahasyweros nombaumo bau-bauon anu daka' hondo, da molaga iwi-iwi' na anu ko pangkatnyo matangkas tiba to pega-pegawenyo. To tale-talenga' nu Persia tiba Media suele tinoka i bau-bauon aijo', sumo aijo' mule' to gubernur-gubernur tiba to mia-mian anu talasanggo na pangkatnyo kiijo' i propinsi.

ESTER 2:16

Sumo aitu mule' i taun ko popitu'nyomo na i Ahasyweros nompalentah kakonamo i bitu'on kino sampulu'nyomo, aijo'mo i bitu'on Tebet. I Ester binoamo nangadap hi Tomundo Ahasyweros kiijo' i laigan nu tomundo kajo-kajojoongannyo.

ESTER 9:1

Ahennyo tinokamo i tanggan sampulu' ka' totolu' bitu'on Adar, aijo'mo na sinaa anu sinanggomo da pomposidanmo palentah i tomundo kona hi aha to mia-mian Yahudi. Sinaamo ai-aijo' na anu titinanda'anmo nu aha sampobali' nu bansa Yahudi da opatundu'mo na bansa aijo'. Padahan ola mule' ahi' bansa nu Yahudi na nompatundu'mo aha.

ESTER 9:21

Onyi'nyo nu sulat aijo' mompalentahkon da olame'akon na tanggan sampulu' ka' opat ka' sampulu' ka' olima', bitu'on Adar sataun toka sataun.

ESTER 9:5

Sumo aijo' na bansa Yahudi nombau sampobali' nu aha iwi-iwi', sahingga madi'mo aha nabuhuk hi sampobali' nu aha, toongon nu aha nontumbuhi aijo'mo bajak na pinompatei nu aha.

AMSAL 16:33

Da osumbu' na nasip nu manusia, mombuang onde; panyo anu montantukan hasinnyo ola ahi' samata-mata Tumpu.

MATIUS 27:35

Lapas aijo' aha nonsalibmo Ia ka' nombagi-bagimo baju'-Nyo ingonde na nombagi.