ESTER 2:7 - KITAB NU TUMPU ALLA LELE MA'IMAI'

⁷ Ia daagi' ko tominsan, samian na langkoyang anu handa hondo ka' matimpo hondo na butongnyo, sanggonyo i Ester, panyo ponsangohi nu aha Ibrani i Hadasa. Tuuma ka' tinanyo i lantengmo lantas ia i hangkatmo binau anak i Mordekhai ka' pinotuu'nyomo susumo anaknyomo ahi'.

ESTER 2:7 Iomraidhean Croise

KAJADIAN 48:5

I Yakub notatae mule', “Yusuf, ua-ua'aha na anak nu beleyum i Efraim ka' i Manasye anu i hampe i Mesir aiya ma'isa pe'e aku tinoka i aiya, aijo' sumo-sumomo anakku, pokakanamo sumo i Ruben ka' i Simeon.

ESTER 1:11

Pinalentahnyo na aha aitu da mamba mompoboa mae i Wasti Bengkele'nyo ka' momposongko' mae songko' nu kalaja'an. Bengkele' nu tomundo aijo' handa hondo, i tomundo kahanda' mompotoa kahandanyo aijo' hi to mia-mian anu kopangkat matangkas ka' hi to mia-mian anu i laganyomo i bau-bauon aijo'.

ESTER 2:15

Jadi tinokamo na gililan i Ester mangadap hi tomundo. – i Ester anak i Abihael ka' mototominsan tiba i Mordekhai anu nohangkatmo salaku posi anaknyomo; i Ester nukabangangi hondo nu mian anu montoa ia. Tempo'nyo ia nambamo nangadap hi tomundo, i Ester nompusok baju' susumo anu pinoto'imo i Hagai anu mongkapalai laigan nu tomundo anu kajojoongan nu to bou-boune.

ESTER 2:20

I Ester ma'isa toho' nonsisik hi mian na ia aijo' mian nu Yahudi, kalana i Mordekhai na montewa'. I Ester mohongo-hongo hondo i Mordekhai susumo tempo'nyo ia daagi ise' ka' tempo'nyo ia pinotuu' nu tominsannyo aijo'.

ESTER 8:1

I sinaamo aijo' suele na i Tomundo Ahasyweros nombee' hi Bengkele'nyo i Ester iwi-iwi na halata' i Haman, sampobali' anu daka' hondo nu aha mian Yahudi. I Ester nompoto'imo hi tomundo tukoonyo i Mordekhai tominsannyo, sahingga lengkat i aitu i Mordekhai binee'anmo hak mangadap hi tomundo mau madi' pilenje olaga.

AYUB 31:17

Ma'isa toho' aku ola lewa' nompojohok anak anu madi'mo ko tuumanyo ka' tinanyo da mo'ohop, padahan aku aiya manjoo' na anu o kaan.

AYUB 31:18

Daagi' pe'e ise-ise' aha pinotuu'kumo; sampe toka iya na umunku sabole-bole ku palakai na aha.

2 KORINTUS 6:18

Aku timbalimo Tuuma miu, ka' komiu timbalimo to ana-anak-Ku, sumo aitu na koonyo nu Tumpu Anu Matangkas na kuasanyo.”

EFESUS 6:4

To Utu-utus anu timbalimo tuuma! Boli mompoposia to ana-anak miu, sahingga ma'idekanmo na kinyonyoa nu aha. Ola ahi' opidaka'i na aha nu atulan ka' pangajalan nu Tumpu.

1 YOHANES 3:1

Soba toa na Tumpu nongkalibosimo hondo sahingga kita ingakuannyomo sumomo to ana-anak-Nyo. Ka' memang kita to ana-anakmo nu Tumpu. Mokonyo aijo' dunia anu na'idekmo aiya madi' monsumbu' kita kalana dunia madi' monsumbu' Tumpu.