ESTER 10:3 - KITAB NU TUMPU ALLA LELE MA'IMAI'

³ I Mordekhai mian nu aha Yahudi aijo' tataap montoongi pangkat anu matangkas panyo i aluknyo ahi' nu kakuasa'an i Tomundo' Ahasyweros. I Mordekhai oholomati ka' nu ka' ima'i nu to mia-mian anu bubu' bansa nu aha. Ia binala usahamo totu-totu'u bau ka' ima'an ka' kamajuan nu bansanyo ka' mule' iwi-iwi' na lee' nu aha.

ESTER 10:3 Iomraidhean Croise

KAJADIAN 41:40

Beleyum ku hangkatmo timbali gubernur, ka' iwi-iwi' na layatku tionyo ahi' nontuluti palentah nu beleyum. Ola aku na lebe matangkas na kuasa molingkudui beleyum.”

KAJADIAN 45:10

Aha tuuma jojoongmo i da'erah nu Gosyen koko aku – aha tuuma, tiba to maku-makumpu, domba, mee', sapi' ka' iwi-iwi' na anu nu aha tuuma.

KAJADIAN 45:11

De aha tuuma jojoongmo i Gosyen, aku timbali mompalakai aha tuuma. Tempo' kasusa'an i anu okaan daagi' olima' na taun na kopinnyo ka' ku usahakon da aha tuuma, ka' to ana-anak aha sa'anakan ka' potuu'on nu aha tuuma, boli ko anu maga'a.' ”

2 TAWARIKH 28:7

Anak i Ahas momo'ane sanggonyo i Maaseya pinateanmo i Zikri suludadu nu Israel anu matangkas na pangkatnyo. I Zikri mule' nompateimo i Azrikam anu mongulus laigan nu tomundo tiba i Elkana wakin i tomundo'.

NEHEMIA 2:10

Panyo salatan i Sanbalat, mian nu Bet-Horon tiba i Tobia mian anu ko pangkatnyo lengkat mae i Amon, nohongomo aku tinokamo mae kalana kapentingan nu aha bansa Israel, aha nompele-pele'mo ka' aha pinusamo.

ESTER 2:5

I kota' Susan aijo' daagi' ko mian nu Yahudi sanggonyo i Mordekhai anak i Yair. Ia lee' mae nu aha Kis ka' Simei tulunan mae i Benyamin.

ESTER 3:2

I tomundo nompalentahmo iwi-iwi' na anu ko pangkatnyo da moholomati i Haman ka' toka mae tolodadupu hi ahopnyo. Iwi-iwi' nombaumo apaa na anu pinalentahkonnyomo aijo', ola i Mordekhai na madi' tinoka mae nonsosa' hi Haman.

DANIEL 5:16

I hongong kuje talu' beleyum timbali mompoto'i iwi-iwi' na lahasia ka' mule' monsumbu' mompopikilakon hahan anu talalo susa' na otutugi. De beleyum timbali mombasa' tulisan aiya ka' mule mompoto'i mae hi belengku pa' apaa na alati'nyo, beleyum ku bee' ije pakean nu kalaja'an sumo juba' anu mingkamumu' tiba olo' mosoni' salaku tanda kaholomatan. Ka' mule' beleyum ku hangkatmo timbali anu balakuasa ko totolu'nyo i uno nu kalaja'anku.”

DANIEL 5:29

Lia-lia' na i Belsyazar nompalentah to paga-pagawenyo da mompopusok hi Daniel Juba' anu mingkamumu' ka' mompo'olo', olo mosoni' i gogohongnyo. Lantas ihangkatnyomo na i Daniel da timbalimo anu balakuasa ko totolu'nyo i uno nu kalaja'annyo.

DANIEL 6:3

I Daniel ka' ua'aha na mian sangga'at i hangkatmo da montoa pakalaja'an nu gubernur haha aijo' da i tomundo' boli lugi'.

ROMA 10:1

To Utu-utus! Ku indi hondo da bansangku o posalamat. Ka' aku totu-totu'u mondo'akon aha hi Tumpu.

ROMA 14:18

Mian anu mohongo-hongo apaa na anu pinalentahkonmo i Kristus susumo aijo', mian aijo' momposanangmo kinyonyoa nu Tumpu, ka' nu angga'i nu to mia-mian sangga'at.

1 SAMUEL 18:16

Panyo aha iwi-iwi' na mian nu Israel tiba Yehuda mongkalibosi hondo i Daud, kalana ia sa'angu' na polaya' anu nanjoo'mo na anu binaunyo.

1 SAMUEL 23:17

Pinoto'i i Yonatan hi ia, “Boli mabuhuk, beleyum madi' nu poko ala nu patei nu tuumangku. Tuumangku nonsumbu'mo saba' beleyum na timbali tomundo' saidi' mae nu aha Israel, ka' mule' aku mohumpakmo pangkat hi beleyum.”