ESTER 1:6 - KITAB NU TUMPU ALLA LELE MA'IMAI'

⁶ Popasan nu laigan nu tomundo' pinaha bunga-bunganmo nu gorden te hude katun anu buhitnyo mobilu' tiba mopute', pinutan nu kahohon lenan anu ma'ima' hondo ka' buhitnyo mingkamumu' ka' pinaha pokaitanmo to gala-galangnyo anu salaka na tinutuk anu pinaha posoopmo i ohi'batu anu mahan na olinyo. I patuunyo aijo' na pinaha pompo una'an iwi-iwi' na koi mosoni' tiba koi salaka ka' ilatasan na salo nu anu binunga-bungan nu pualam mopute', hablur momea', kilit nu mutiara anu jongkilaban tiba batu pirus anu mobilu'.

ESTER 1:6 Iomraidhean Croise

ESTER 7:8

Kalana madi'mo nutaha'imani i Haman na butongnyo tumuu' sahingga tinua'akonnyomo na butongnyo i koi kahoyotan i Ester momoita ampun, panyo hau-haunyo aitu suele i tomundo ninsusule'mo mae lengkat mae aijo' i taman i laigan i tomundo. Nontoa i Haman sinumo aijo'mo, i tomundo tinolosegamo, “Beh totu'u ia Daagi' ahi' baani kahanda' mongkamale'i bengkele'ku aiya, i ahopku ka' aiya i laiganku?” Madi' pinin salatan tinaloakonmo i tomundo na potataenyo haha aijo', to mia-mian anu ko pangkatnyo tinokamo mae nonsoku' ubak i Haman nu hude.

ESTER 8:15

Lapas aijo' i Mordekhai nompala'imo laigan nu tomundo puso-pusok na baju' pesalin buhitnyo mobilu' ka' mopute', jubah mingkamumu' hude lenan ma'ima' hondo ka' songko' mosoni' nu kalaja'an anu ma'ima' hondo. Kota Susan nontaligalaimo kalana ilame'mo.

NOSABATMO 26:1

“Baui na Aku kemah obau sampulu' na kolongan nu lenan anu ma'ima' hondo, otonun tiba laken mobilu', mingkamumu' ka' momea'. Osuji'i na hude aijo' nu gambalan anu sumo malaekat.

YEHEZKIEL 23:41

Lantas aha sinumuhangmo ikamale'an anu ma'ima'an. I ahopnyo kaho kaanon anu pinosadiamo, tiba kamangian ka' lanya' nu zaitun anu binee'-Kumo hi aha.

AMOS 2:8

I tampat-tampat pogalejaan, mian haha aiyo' hoyot tiba baju' anu nu ala nu aha hi mian kasiasi pinombayan samaya'. I Laigan nu Tumpu, aha monginum anggur anu ingala hi mian anu ko samaya' hi aha.

AMOS 3:12

Susumo samian na anu molaya' potu'on anu nompo'ule' nohumpak ohua' na tengkenyo kabai sambiha' na bihing nu dombanyo anu sina'u nu singa, sumo aitu mule' memo sangkiding na tontuha' na mian anu jojong i Samaria, anu uuka aiya sana-sanang na ko mamale' i kamale'an anu ma'ima'an.”

AMOS 6:4

Silakamo na belemiu anu male' i kamale'an anu to ima-ima', ka' nombaumo bau-bauon nongkolotmo sapi' tiba domba anu daagi' bata'nyo!

1 SAMUEL 28:23

I Saul madi' nontuluti ka' notatae tukoonyo, ia madi'mo mongka oho' mongkaan. Panyo salatan suele to mia-mian anu ko pangkatnyo sabole-bolemo nongkakaase ia; tinulutannyomo ahi'. Ia tinuminjomo ka' sinumuhangmo i sambale.