ESTER 1:1 - KITAB NU TUMPU ALLA LELE MA'IMAI'

^1-2 Kiijo' i Susan puso nu kota' Persia, i Ahasyweros na nompalentah salaku tomundo'. Kalaja'annyo 127 na propinsi, lengkat mae i India toka-toka i Sudan.

ESTER 1:1 Iomraidhean Croise

EZRA 4:6

Tempo'nyo i Tomundo Ahasweros nompalentahmo, to sampo-sampo bali nu aha anu jojoong i Yerusalem ka' Yehuda nontulismo surat bau pontewa'.

ESTER 10:1

I tomundo' Ahasyweros nongatunmo pakalaja'an anu opakisa, misa ola hi to mia-mian anu i daerah-daerah sasu biwi nu ambai anu i uno nu kalaja'annyo, panyo suele i daerah-daerah anu majo'on na ambai.

ESTER 2:3

Soba belento Tomundo mohangkat mian anu obee'i kalaja i songko-songko na propinsi nu kalaja'an aiya da molioi to lalangkoyang anu handa hondo lantas nuboa mae nu aha mo'uuka i laigan nu tomundo kajojoongan nu to bou-boune aiya i kota' Susan. I Hagai, anu binee'anmo kalaja samata-mata mongkapalai aha salaigan i tomundo anu kajo-kajojoongan nu to bou-boune; ia mongulus aha ka' lewa' mompalakai da handa.

ESTER 8:9

Lantas sinaamo aijo', aijo'mo i tanggan 23 bitu'on kototolu'nyomo, bitu'on Siwan, i Mordekhai nolagamo to gulu-gulutulis i tomundo ka' pinalentahnyo na aha da montulis sulat ka' opakatu hi to gubernur-gubernur, hi to kapa-kapala da'erah ka' hi to mia-mian anu matangkas na pangkatnyo i uno nu propinsi anu 127 na propinsi lengkat pe'e mae i India to-toka i Susan. Sulat haha aijo' otulisi o basa' ka' tulisan anu osumbu' nu propinsi toto sa'angu' Ia suele nompakatumo sulat hi mian nu Yahudi i basa' ka' tulisan nu aha Yahudi.

ESTER 9:30

Sulat aijo' pinakatu toka hi iwi-iwi' na mian nu Yahudi, ka' suele anu po'ule' tinulis susumo sulat aijo' na isinyo pinakatu toka hi 127 na propinsi nu kalaja'an Persia. Sulat aijo' dino'akon da bansa Yahudi saja' mohumpak ka'ima'an ka' madi'mo ko anu mompoposia.

YESAYA 18:1

Lengkat mae i sa'angu' na lipu' isantoa nu kaunyo haha kiijo' i Sudan ihongomo na onyi' nu sipuyu.

YESAYA 37:9

Tomundo' nu aha Asyur nohongomo lele gombuan nu suludadu nu Mesir kinapalaan mae i Tirhaka lengkat mae i Sudan tinokamo mae nontumbuhi aha. Kalana aijo' tomundo' nu aha Asyur nompakatumo sulat hi Hizkia,

DANIEL 11:2

Apaa na anu pinoto'ingkumo aijo' memang totu'u.” Malaekat aijo' nontaloakon, “Totolu' na tomundo' sangga'at mompalentahmo Persia ka' lapas aijo' mule' tomundo' anu ko opatnyo anu saidi' mae lebe kaya hondo nu lingkudui na sangga'at. De kakuasa'annyo talalomo hondo daka' tiba kakaya'annyo suele daka'mo hondo ia mahangewamo tiba kalaja'an nu Yunani.

DANIEL 6:1

Noko lapas pinatean na i Belsyazar i Darius mian nu Media nompo agomo kakuasa'an i uno nu kalaja'an. Tempo'nyo aitu umunnyo anom pulu'mo ka' ohua' na taun.

DANIEL 9:1

I taun momonanyo salatan i Darius mian nu aha Media anak mo'ane i Ahasyweros nompalentahmo kalaja'an Babel, aku i Daniel lewa'mo nombasa' kitab-kitab nu agama. Aku lewa'mo nompotutugakon anu koonyo nu potatae nu Tumpu hi Nabi Yeremia, kota' Yerusalem mamang ahi' ma'idekmo pitumpulu' na taun na tataap ma'idek.