ANU MOMPOLELE POTATAE NU TUMPU 3:3 - KITAB NU TUMPU ALLA LELE MA'IMAI'

³ tempo'nyo opateimo ka' tempo'nyo mompa'alin, tempo'nyo mongidei ka' tempo'nyo mombau.

ANU MOMPOLELE POTATAE NU TUMPU 3:3 Iomraidhean Croise

KAJADIAN 9:6

Manusia pinotimbali mo susumo Aku; kalana aijo' ihe na mompatei manusia, ia suele opatei nu manusia.

YESAYA 44:26

Akumo na nompododo potatae nu posihaon-Ku, ka' nompotimbalimo apaa na anu tinanga'anmo nu anu sinaing-Kumo, Pinoto'ing-Kumo, Yerusalem po ule'mo ojojoongi nu mian, ka' iwi-iwi' na kota' i daerah Yehuda po ule'mo Ku bau; anu singkapmo na idek po ule'mo obau.

YESAYA 6:10

Lantas notataemo mae na Ia hi belengku, “Popikokakon na pikilan nu mian haha aijo', pobongonakon na bihingnyo ka' mule' popisokakon na matanyo da aha madi'mo montoa-toa, madi'mo mohongo-hongo kabai madi'mo mangalati' lantas po ule'mo toka mae hi beleng-Ku ka' ma'alinmo.”

YEREMIA 1:10

Sinaa aiya Ku bee'mo hi beleyum na kusa da mongkuasai bansa-bansa tiba kalaja'an-kalaja'an – kuasa da timbali montua'akon ka' timbali mohobo'akon, da timbali mompobahangkang ka' da timbali monsilakai, da timbali mompotinjo, ka'da timbali monsu'an.”

YEREMIA 31:28

Susumo naipuan mae Aku nonjagaimo aha da lapas mae Ku gautakonmo, Ku hobo'akonmo ka' Ku hansunimo na aha, sumo aijo'mo na Aku mule' monjagai aha, Ku pokododo ka' po ule' Ku bangonakon na aha.

YEREMIA 33:6

Panyo saidi' mae po ule'mo Ku bau susumo u'utu mae momonanyo na ka ada'an nu kota' aiya tiba miannyo anu ikiijo'; aha po ule'mo mahoson mule'. Ku bee'imo na aha kantumuu'an anu sanang ka' mule' madi'mo ko anu lewa' mompoposia aha.

YEREMIA 45:4

O Barukh! Aku, Tumpu hau-haunyomo mohobo'akon anu pinotinjong-Kumo ka' mule' hau-haunyomo monggautakon anu sinu'an-Kumo. Songko-songko na dunia Ku baumo susumo aijo'.

YEHEZKIEL 13:14

Aku ko niatmo mohobo'akon pagan mesen anu sinetmo nu belemiu nu tiilon, momposungkehetmo sahingga memo ahi' pundasinyo na anu daagi' tontuha'. Pagan mesen haha aijo' montuda'mo belemiu ka' mule' mompateimo belemiu iwi-iwi'. Sahingga nu sumbu'je nu belemiu taalu' Akumo ahi' na Tumpu.

HAGAI 1:2

Tumpu Anu Daka' na kuasanyo notataemo hi Hagai, “Bansa aiya montaloakon koonyo nu aha ma'isa pe'e tempo'nyo na po ule' mombau Laigan-Ku.”

HAGAI 1:4

“O mian-Ku anu pinalesayamo pa' tinokamo na tempo'nyo belemiu jojoong i unonu laigan anu ma'ima' an ka' madodo, yo aijo' Laigan-Ku me susumo laigan anu na'idekmo?

ZAKHARIA 1:12

Lantas malaekat aijo' notataemo, “O, Tumpu Anu Daka na Kuasanyo, Aku talalo hondo mongkalibosi ka' saja' monginau' kota' Yerusalem kota'-Ku anu susi'.

PO'ULE' INGULIT 32:39

Soba toa, olamo Aku sa'a-sa'angu'nyo na Tumpu Allah, madi' ko Tumpu Allah sangga'at, olamo ahi' Aku. Aku mompatei ka' mompotumuu', mombelai ka' mompa'alin. De aku mombaumo apaa na anu ku kahanda'i, madi' ko samian pe'e na anu moko ala mongewa.

1 SAMUEL 2:25

De mian mombau kasala'an hi sangko manusia Tumpu Allah na montimbangi kasala'annyo; panyo de mian baladosa'mo hi Tumpu, ihe na moko ala montulungi?” Panyo aha madi' mompajuli pokinde' nu tuuma nu aha i Eli, kalana tinantukanmo nu Tumpu na aha opateimo.

1 SAMUEL 2:6

Tumpu mompatei, ka' mule' Ia mompotumuu' I dunia nu mian anu sinilakamo tinau akon-Nyomo na manusia. Ka' mule' Ia na mohangkat lengkat i kiijo'.