DANIEL 9:3 - KITAB NU TUMPU ALLA LELE MA'IMAI'

³ Lantas aku binalado'amo totu-totu'u hi Tumpu nompoita da okalibosi mae. Aku mule' binapuasa'mo ka' nompusokmo hude kalung ka' sinumuhangmo i abu'.

DANIEL 9:3 Iomraidhean Croise

2 SAMUEL 12:16

Lantas i Daud binalado'amo hi Tumpu da anaknyo aijo' ma'alin. Ia lewa'mo binapuasa' ka' de malommo ia male'mo isalo nu salipi'nyo sampe mopatas.

EZRA 10:6

Noko basumpa' na aha, nambamo na i Ezra lengkat aijo' i ahop nu Laigan nu Tumpu ka' nambamo nokiijo' i i tampat kajojoongan i Yohanan anak i Elyasib ka' i nale'mo pihi-pihi i kiijo'. Ia madi'mo nongka'oho' nongkaan ka' nonginum kalana talalomo hondo sinusa' na nompo'inau'akon kalakuan ma'idek anu binaumo nu aha to mia-mian anu toho'mo binoa i Babel.

EZRA 8:21

Lantas i sohipi' nu Kaunyo Ahawa aijo' pinoto'ingkumo tukoongku iwi-iwi' tionyo ahi' bapuasa' ka' mangaku kasala'an hi Tumpu Allah. Kami binalado'amo da kami nujagai nu Tumpu hau-haunyo lumajang aijo', ka' montoa mae kami, to ana-anak mami ka' apa-apaa na anu mami.

EZRA 9:5

Salatan malom-malom koloban sinombahkonmo, aku tinuminjomo aijo' i kinasuhanganku anu lewa' kinasusa'anku ka' tiba baju' anu nobea-beakmo, aku tinolodadupumo ka' nompotalamo lima nokii ta' hi Tumpu Allah-ngku.

NEHEMIA 9:1

Itanggan kino uampulu'nyomo ka' opat bitu'onmo ai-aijo' mian da'isan nu aha Israel sinihukmo. Aha binapuasa'mo salaku tanda aha nompele-pele'mo i dosa' nu aha. Aha madi'mo naninggalo' tiba to mia-mian sangga'at anu isalipu'an mae. Salaku bau pontoan taalu' aha sinusa'mo, aha nompusokmo kalung ka' nongkakambuhakonmo abu' nu tano' aita' i ubak nu aha. Lapas aijo' aha tinuminjomo ka' nongakuimo dosa' nu aha iwi-iwi' tiba dosa' nu mompolee' nu aha.

ESTER 4:16

“Posihuk na mian nu Yahudi iwi-iwi' anu itina' i Susan mondo'akon mae aku. Bolimo mongkaan ka' monginum, kopinnyo tolun sinaa ka' tolumpahu. Aku ka' to lalangkoyang anu mompalakai aku suele bapuasa'mo. Lapas aijo' aku mangadapmo hi tomundo, maumo han aijo' mompaha sala'mo tiba atulannyo. De memang aku silakamo kalana aijo', bakasmo da aku silakamo!”

AYUB 42:6

Mokonyo aijo' aku ma'ambangmo de ku inau'mo na anu tinaloakonkumo iwi-iwi' ka' aku nompele-pele'mo kalana aitu aku sinumuhangmo aiya i tano' anu ningabu'mo.”

MAZMUR 35:13

Tempo'nyo aha nasakit aku sinusa'mo ka' madi'mo nongkaan; aku natidukumo ka' binalado'amo,

YESAYA 22:12

Tempo'nyo aijo' Tumpu Anu Matangkas na Kuasanyo ka' mule' Anu Daka' na Kuasanyo mompokaumo belemiu humang ka' montando'i, mongkismo ubak ka' mule' mompusokmo hude kalung.

YEREMIA 33:3

“Poloboo'mo mae hi Belengku da Ku taamije; Ku poto'ije hi beleyum hahan anu handa hondo ka' anu okahelani hondo ka' ma'isa nu sumbu' nu beleyum.

YEHEZKIEL 36:37

Tumpu Anu Matangkas na Kuasanyo notataemo, “O bansa Israel, belemiu Ku pobee'mo mule' momoita tulung hi beleng-Ku; Ku tuangimo na konjoo'nyo nu belemiu susumo gombuan nu domba.

DANIEL 6:10

Sahingga i Tomundo' Darius nontekengimo sulat palentah aijo'.

DANIEL 9:20

Aku saja'mo binalado'a ka' nongakuimo dosa'ku ka' mule' dosa' nu bansaku Israel ka' mule' nongkakasemo hi Tumpungku da po ule' opokopianiakon na Laigan-Nyo anu susi'.

DANIEL 9:4

Iwi-iwi' na dosa' nu bansangku ingakuankumo hi Tumpungku. Aku notatae, “O, Tumpu, belentomo na aku daka'na kakuasa'an, ka' kami mongangga'i Belento. Belento saja' mongganapi palajanjian nu Belento ka' nompotoamo mae kalibosan nu belento anu madi' ko kamingkotannyo hi aha anu mongkalibosi belento ka' mombau anu Nu palentahkon.

YOËL 1:13

O to imam-imam anu mokalaja i mezbah pakemo na hude kalung ka' haangmo. Pinsoopmo i Laigan nu Tumpu da montando'i sampa-sampahu, kalana madi' ko koloban anggur ka' gandum anu osombahkon hi Tumpu nu belemiu.

YOËL 2:12

Tumpu notatae, “Panyo uuka aiya pinsusule'mo mae hi beleng-Ku ka' totu-totu'unyomo ahi' na kinyonyoa, ka' bapuasa'mo, tumando' ka' humangmo.

YUNUS 3:5

Mian anu jojoong i Ninewe pinalesayamo i potuunon nu Tumpu aijo'. Songko-songko na mian da'isan nontantukanmo da bapuasa'mo, ka' iwi-iwi' na mian mau anu tu'anyomo mau anu daagi anak nompusokmo hude kalung da bau pomponyata saba aha nanyasanmo i iwi-iwi dosa' nu aha.

MATIUS 17:21

Panyo roh ma'idek anu sangahan aiya, ola ahi' timbali olaa' nu balado'a ka' bapuasa'.]”

LUKAS 2:37

i Hana binalumo, ka' uuka umunnyo uwalumpulu'mo opat na taun. Madi' toho' ia mompala'i Laigan nu Tumpu. Sinaa ka' malom, ia monsombah i kiijo' hi Tumpu balado'a ka' bapuasa'.

SISIKON NU TO RASUL-RASUL 10:30

Tinaaman i Kornelius, “Tolunsinaamo ka' uuka kila-kila tempo'nyo sumo uuka aiya, aku hau-haunyo balado'a i laigan jam totolu' ohanimo malom. Monti-montiik samian na mo'ane tinuminjo i ahopku. Baju' nu mian aijo' jongkilaban.