DANIEL 8:3 - KITAB NU TUMPU ALLA LELE MA'IMAI'

³ ka' isonibi nu kaunyo aijo' aku nontoamo sa'angu' na domba lakinyo ko tanduknyo ohua' ka' mantan, sa'angu' lebe mantan ka' lebe sala'je tinumuu' de obandingkan tiba anu sangga'at aijo'.

DANIEL 8:3 Iomraidhean Croise

1 TAWARIKH 21:16

I Daud nontoa mule malaikat ata i kalangan olot nu langit tiba katano'an totoong na bajak i limanyo nu malaikat mongkahanda'i mohopu'i Yerusalem. Nontoa aitu na i Daud tiba o tana tanasnyo anu lewa mompimpin mian laayat anu temponyo aitu hau-haunyo pake-pake na hude kalung bau tanda nompele pele'o singkap tindolo da dupu no kayong i tano.

EZRA 1:2

“Aiya na palentah i Kores tomundo nu Persia. Tumpu, Tumpu Allah anu mongkuasai suluga' nompotimbalimo aku tomundo mompalentah songko-songko na dunia ka' nombee'imo aku kalaja mombau laigannyo i Yerusalem i da'erah Yehuda.

EZRA 4:5

Aha nonsale'imo obee'ije doi na to mia-mian anu bapangkat hi pamalentah Persia da bolimo opotimbali nu mian Yehudi haha aijo' na mombau Laigan nu Tumpu. Usaha da bolimo opotimbali salatanmo pe'e i Tomundo Kores na nompalentah tinoka-toka hi Tomundo'mo Darius na nompalentah.

ESTER 1:3

I taun kototolu'nyomo na ia nompalentah, i Tomundo' Ahasyweros nombaumo bau-bauon anu daka' hondo, da molaga iwi-iwi' na anu ko pangkatnyo matangkas tiba to pega-pegawenyo. To tale-talenga' nu Persia tiba Media suele tinoka i bau-bauon aijo', sumo aijo' mule' to gubernur-gubernur tiba to mia-mian anu talasanggo na pangkatnyo kiijo' i propinsi.

YESAYA 13:17

Tumpu motataemo, “Kupotukamo i uno nu kinyonyoa nu aha bansa Madai na montumbuhimo Babel, aha madi' opoko ala otamboi nu salaka kabai mosoni'.

YESAYA 21:2

Aku nontoamo han anu jinadimo ka' talalo ahi' okabuhuk; mongkona palabuatan anu talalo ahi' ma'idek ka' mule' lewa'mo nompatei. Sampa lambanimo, belemiu suludadu nu Elam, tumbuhimo! O, belemiu suludadu nu Madai, sampamo tiku! Tumpu mompobelentimo iwi-iwi' na kasansala'an anu sinaduakon nu Babel.

YESAYA 44:28

Akumo na notatae hi Kores, ‘Belentomo na saidi' mae mompalentah mian da toka mae hi beleng-Ku, ka' mombau iwi-iwi' na anu Ku kahanda'i. Palentahmo da Yerusalem po ule'mo obau, ka' Laigan nu Tumpu suele obaumo na paningkokoannyo'.’ ”

YEREMIA 51:11

Tumpu nonsale'imo to tomu-tomundo' nu aha Media, kalana Ia kahanda'mo mohansuni Babel. Sumo aijo' na bau-baunyo Ia kahanda'mo mombalosakon palabuatan nu aha to mia-mian anu nohansunimo Laigan-Nyo. To sulu-suludadu anu toto tangka-tangkas na pangkatnyo ipasukan anu mambamahampate nompalentahkonmo, “Tajomimo na hihis nu pana'! Posadiamo na kanta!

DANIEL 10:5

Aku nonsinda nokiita' lantas tinoangku samian na anu nompusok baju' hude lenan ka' mule' pombutu'nyo mosoni' anu madi' ko galo'nyo.

DANIEL 2:39

Panyo salatan kalaja'an nu belento Tuanku i madi'anmo, tokamo mae na kalaja'an sangga'at anu madi' pokakana na ko daka'nyo susumo kalaja'an nu belento Tuanku. Lapas aijo' tokamo mule' na kalaja'an anu ko totolu'nyo anu ilambangakon nu tambaga i butong nu patong aijo', anu mongkuasai songko-songko na dunia aiya.

DANIEL 6:28

Ia momposalamat ka' mule' mompobebas, mombau anu ma'isa toho' jinadi ka' mule' anu okabangangi aita' i langit ka' mule' i dunia aiya. I Daniel pinosalamat-Nyomo da madi' sina' nu singa haha aijo'.”

DANIEL 7:5

Binatang anu ko ohua'nyo sumo beruang. Ia tuminjo nu tengkenyo anu i pa'anyo sasu hikunyo, ka' nontoong totolu' na kolongannyo nu bukunyo nu has sika-sika sengan i bese'nyo. I hongongku na potatae hi ia, “Soba kaanmo na antok nu ponoha' konjoo'nyo yayamo na anu nu ka'ima'i!”

DANIEL 8:2

Aku nontoa aijo', au' aitu butongku kiijo' mae i propinsi Elam, kiijo' i kota' Susan puso nu kota' Persia. Aku tinuminjo koko Kaunyo nu Ulai,

DANIEL 8:20

Domba lakinyo anu tinoa nu beleyum aijo' anu ko tanduknyo ohua', aijo' mongibalatakon kalaja'an Media tiba Persia.

ZAKHARIA 1:18

Han anu sangga'at mule' na tinoangku, opat na tanduk nu sapi'.

ZAKHARIA 2:1

Anu po ule' mule' tinoangku, nontoamo mo'ane samian nontoongi kahohon bau pongukun.

ZAKHARIA 5:1

Pinalahatikanku mule', ka' uuka aiya tinoangku sa'angu' na lulunan nu kitab i lumahapmo nokiita' i langa.

ZAKHARIA 5:5

Malaekat aijo' tinoka mule' ka' notatae, “Soba toa! Daagi mule' ko anu tinoka!”

ZAKHARIA 5:9

Aku nonsinda nokiita' ka' tinoangku ua'aha na boune i lumahapmo mae mo uuka hi belengku. Aha kopolipiknyo anu mahoson hondo susumo polipik nu tomonsi' laalang. Kalajang anu u'uka ingalamo nu aha ka' ilahapakonmo nu aha.

ZAKHARIA 6:1

Aku nontoa mule' sangga'at. Uuka aiya tinoangku opat na kareta anu bau pahampate nosabatmo mae i olot nu ohua' na bungkutnyo nu tambaga.

NOMBILANGMO 24:2

ka' nontoamo bansa Israel anu hau-haunyo nombaumo kemah toto sanggombu na tulunan nu bansanyo. Lantas Roh nu Tumpu Allah nongkuasaimo i Bileam,

YOSUA 5:13

Daagi' kino sansinaan i Yosua kiijo' mae madi' majo'on lengkat i Yerikho. Monti-montik ia nontoamo samian na mo'ane tinuminjo i ahopnyo ka' bajaknyo kineatnyomo. I Yosua nongohanimo mian aijo', ka' nompokilawa, “Beleyum aiya sangalu, kabai sampobali'?”

ANU PINOTO'I HI YOHANES 13:11

Lantas aku nontoa sa'angu' na binatang sangga'at i lubat mae i uno nu dunia. Ia nintanduk ohua' sumo tanduk nu Anak nu Domba. Potataenyo sumo potatae nu ulo anu talalo hondo daka' aijo'.

ANU PINOTO'I HI YOHANES 5:6

Lapas aijo', aku nontoa sa'angu' na Anak nu Domba tinuminjo aijo' i totonga' nu kasuhangan aijo', tinikubanmo nu malaikat opat ka' iwi-iwi' na to pola-polaya' haha aijo'. Anak nu Domba aijo', otoa sumo anu kinolotmo. Ia ko tanduknyo popitu' ka' popitu' na matanyo: Aijo'mo popitu' na Roh lengkat mae hi Tumpu anu sinaimo mae mamba i songko-songko na dunia.